رد: ماتت الأم
وعليكم السلام ورحمه الله
الموضوع ده خطير جدا يا اما القطه هتتقبل الكيتن يا اما هتموتهم
انت الاول قطتك حنينه كدة وطيبه ولا شرسه ومش بتتقبل اى حد ؟
لو شرسه ومش بتتقبل اى حد يبقى الافضل تبعد عن الفكره دى
لو طيبه وهاديه هتجيب فوطبه مبلوله وتمسح بيها على الكيتن
بعدين تمسح بيها على الام والعكس تمسح على الام بعدين تمسح بيها على الكيتن
عشان ريحتها تيجى عليهم ومتحسش انهم مش تبعها
بس خلى بالك كويس جدا لان القطه ممكن تموت الكيتن فاضرورىر تراقبهم
لحد ماتلاقى القطه بتتعامل معاهم عادى
ولو رفضتهم ولاقيت انها بتعمل حركات شراسه او هجوم او مضايقه
هتاخد الكيتن وتجيب رضاعه للكيتن او علبه قطره وتفضيها وتغسلها كويس
وهتشترى لبن اطفال خالى من الاكتوز او للبن خاص بالكيتن من محلات الحيوانات
وهترضع القطط كل 3 ساعات تقريبا وتمسح بقطنه مبلوله على منطقه الاخراج بعد الرضاعه
واول مايتمو شهر هتقدر تأكلهم بجانب الرضاعه والموضوع هيكون سهل ان شاء الله
وجزاك الله خير
|