ارجوا الانتباه الموضوع مهم مهم!!

[أبو العيناء]

السلام عليكم ورحمة الله وبركاته
اخواني واخواتي اولاً احيكم جميعا واقدم لكم هذه النصيحة وارجوا منكم الانتباه لأني انا اخوكم من الشرقية وصارت لي سالفه مع احد النصابين الذين يدعون انهم من الشخصيات الكبيرة المهمة في البلد وهو نصاب وحرامي ... وابدأ لكم موضوعي :
انا كنت عارض طير لوري ببغاء متكلم ونادر للبيع وبعدها اتصل علي واحد واخبرني بأنه متمسك بالطير وهو يدوره من فترة وانه عاجبه الطير والقيمة لا تهم عنده وهو من الدمام بحد قوله وقال هل يوجد لديك طير غيره فأخبرته بأنه نعم يوجد لدي طير كاسكو تفريخ البلد ومحجل وعمره 3 شهور ونصف ومتكلم وقال لي هاته معك وانا بشتريه قلت له مو للبيع قال جبه اشوفه ولا يهمك لو تطلب فيه الي تبيه انا شراي وبعدها وقلت له مافي مشكله وتقابلنا واخذ الطيور وعطاني شيك لحساب مقفل لأحد المكاتب في الخبر وطلعو نصابين وحرامية وهذه مجموعة وانا طحت فيها واخوكم يطلب الدعاء منكم له وكذلك الدعاء على هؤلاء النصابين الذين يعثون في الارض فسادا ويخربون البلد ويشوهون سمعة الاسلام بفعلهم هذا .. والمهم قلت للرجل عطني كاش قال انا حساب التميز وانا اخذت هذا الطير عشان احطه عندي في القصر وانا وانا وقام الرجال وكأنه من احد الاسر المالكة بكلامه ولكن حسبي الله عليه وأسأل الله العظيم رب العرش العظيم أن يشل اركانه وان يجمد الدماء في عروقه وان يجعله يتمنى الموت ولا يجده ولقد دعوت عليه كثيرا في جميع صلاواتي وفي قيام الليل واوصيت جميع الاهل والاخوان بأن يدعون عليه وان يعذبه الله في الدنيا قبل الآخره وان يريه في نفسه وماله واهله سواء آمين آمين آمين يارب العالمين .. والله لو اخبرني بأنه محتاج او فقير اهون عندي من ان ينصب علي ويتجاهلني .. المهم لا اريد ان اطول عليكم بعد ما اخبرني بأنه تميز وانه من كذا وكذا وصاحب المكتب الفلاني والتابع لمجموعة ابا حسين التجارية في الدمام والخبر واستحيت منه عطيته الطيور حملها هو مع صديقه الدب الله لا يوفقهم بالفرد الاخضر ومشوا وبعد ما رحت للبنك اخبرني البنك بأن الحساب مقفل من زمان وانه يجب عليك تقديم الشكوى ضده وبعد ما اتصل عليه اخذ ما يرد علي ولا على اي جوال اخر اكلمه منه وحاولت اوصل لهذا الرجل فما استطعت وبعد ما ذهبت لنفس المكتب والبناية الخاصة بهم اخذ منهم كل يتهرب من الموضوع ويقولون مالنا شغل في الموضوع وعلمت بعدها من احد الاخوان بأن هؤلاء عصابة ونصبوا على كثير من الناس في عقارات وسيارات واملاك وغيرها بالشيكات هذي بأسم المدعو ابراهيم عبد العزيز اباحسين واخوكم فقير وعلى قد حاله وينه وينهم والله يعوضني خير وياكم وارجوا منكم اخواني ان تنتبهون وان تدعون لي بأن يخلف الله علي وهذه صورة الشيك

[IMG][/IMG]





وسامحوني على الاطاله بس والله قهر لما الواحد يضحك على شاربك اشوي صعبة وتعرفون لو الاقايه في اي محل او مكان اقسم بربي لأنحره مثل الخروف ولا تأخذني فيه رحمة لأنه ولا الكافر يسوي سواته والمشكلة اني محتاج المبلغ لعلاج ........ وعلمته سري ولكن لا حياة لمن تنادي انا مو عارف كيف هذا الرجل ينام كيف يرتاح في فراشة كيف وكيف وكيف تساؤلات كثيرة تحتاج اجابه ....

[إبريز]

الله يعوضك بالخير أضعاف مضاعفة بلاعدد
ولله صرنـــا في زمن يخوف
وربي يجازيك بالخير للتحذير أخوي..

[aldanh]

الله يعوض عليك

والله لا يوفقه هو اللي معاه

ولا تحسب رب العالمين غافل عنهم سوف يريهم انشاءالله في اعز مايملكون

الله يشفيك ويجزيك خير

[الدمية الصغيرة]

معلش اخى ان شاء الله تتعوض و ياكثر النصابين بهذا الزمن الله يورينا فيهم يوم

[المنسي]

الله يعوضك اخوي في الدنيا والآخره

حسبي الله ونعم الوكيل فيهم وعلم ان الله يمهل ولا يهمل ودعوة المظلوم ما بينها وبين الله حجاب

الله يوريك فيهم يوم الله لا يوفقهم لا في دنيا ولا اخره امــــــــيـــــــن (مظلوم ولا ظالم)

[هيبه اسد]

صدقني حقك راح تاخذه سوا في الدنيا ولا في الاخره

وباذن الله ربي يرزقك

والله يعينك على مصيبتك..

[n70n]

الله يعوضك اخوي

اعوذو بالله في ناس ماتخاف ربه
لاحول ولاقوة الا بالله

[اميرالظلام]

اخوي ترا حقك ما ضا ع
روح لقسم الشرطه وشتكي عليهم لا نو هاذي شيكات بدون رصيد وهاذي عقوبته في السجن قويه مره
وانا ياما مرت علي هل اشكال بس الحمد لله ما عطيتهم فرصه يتلا عبون في ني
وما عليك الا تقول حسبي اله ونعم الو كيل عليهم
ترا هاذي الكلمه مقدا رها كبير عند الله سبحا نه وتعالى

[Sanaa]

روح الشرطة وأجري وراهم لين آخر يوم فعمرك
حسبي الله ونعم الوكيل
والله قهررررر
أنا مقهوووووووووووووووووووورة
يانااااااااااااااس
ماتخافوا الله
ماأقول غير حسبي الله ونعم الوكيل
وإن شاءالله ياخذ جزاءه في الدنيا والآخرة

[ياطير يامسافرله]

حسبي الله ونعم الوكيل...الله لايهنيه فيها واذا باعها اسأل الله انه يخلي فلوسها جمر تحرق بطنه
خذ الشيكات لاقرب مركز شرطة وان شاء يمسكون هالحرامية ...وهالله هالله بالدعاء عليهم
دعوة المظلوم مستجابه..والله ينصرك عليهم