استفسار عن الببغاء الافريقي

[abo.ali]

ياشباب اش الفرق بين الببغاء الافريقي و الببغاء الهولندي انا الصراحه ما اشوف بينهم فرق إلى بعض الاحيان تلاحض ان الهولندي يجي راسه تقل اصغر شوي و يكون اليف اكثر لا كن هل هناك فرق من ناحية الجوده من حيث الكلام و اللعب و فصاحة النطق ؟

[الكاكي]

ليس هناك فرق بالذكاء والقدره على الكلام ...............
الهولندي (المحجل)تفريخ مزارع ميزته اليف (مناعته ضعيفه)
المصيود يكون من الغابه غير اليف (ومناعته جيده)
النوع الثاني افضل اسعارها 800-1100 ريال

[عـــاشق الكاسكو]

مازود على كلام اخي الكاكي
بس الافريقي في المناعه افضل

[abo.ali]

اساتذتي الكاكي و عاشق الكاسكو والله انا شكلي قررت اشتري افريقي فا ماهي المميزات الي اعرف من خلاله ان الطير هذا ممتاز او لا و ماهو سعر الافريقي الاليف و الافريقي الغير اليف ابغاء الحد الاقصى في الاسعار عندنا في السعودية وهل الافريقي سهل الترويض ام لا و لكم من كل تقدير و احترام و اذا امكن يكون في الرد صور عن المميزات التي في الطيرو الافريقية لاني والله كان عندي افريقي والله حلو شرية اليف ما يتكلم و جلس عندي تقريبا 8 شهور اخذ ثلاث كلامات بنفس التوقيت كان عند واحد من الاقارب افريقي جلس عنده سنه تقريبا جاب 8 كلامات و على كلام واحد من الشباب شاف الطيرين كلها يقول طير الي عند قريبك افضل قلت ليش قال من مميزات الافريقي الطيب يكون رقبته طويله و راسه مهب كبير مره والله انلحس مخي من كلامه فا إذا عندكم خبره في ذا الكلام لي تفيدوني على شان اكون على بينه عن الشراء .

[الدلوعهـ]

الافريقي افضل يتكلم بسرعة والله آعلم

[الكاكي]

اذا جيت تشتري افريقي :
1-العمر من 6-8 شهور .
2- الريش نظيف .
3- الاكبرحجما .
4-الي حركتها كثيره اذا كانت مجموعه .
5- برازه اكرمك الله طبيعي الاخضر متماسك والباقي سائل .
6- فتحات الانف نظيفه ولا يوجد بها انسداد.
الاسعار الغير اليف 800-1200 ريال
الاليف 1400-1700 ريال

هذه صورة تبين العمر

[abo.ali]

الله يعطيك العافيه اخوي الكاكي والله انك من الناس الي يستفيد منهم المبتدى امثالي و لك ولكل الاعضاء الذين تكرمو بالرد على الموضوع كل الشكر و التقدير

[فيصل المبارك]

الاخوان ماقصرو

لكن عندي اضافه بسيطه


اذا تبي تفتك من الجعره والصياح

عليك بالفرخ الهولندي

[شاقي]

اذا جيت تشتري افريقي :
1-العمر من 6-8 شهور .
2- الريش نظيف .
3- الاكبرحجما .
4-الي حركتها كثيره اذا كانت مجموعه .
5- برازه اكرمك الله طبيعي الاخضر متماسك والباقي سائل .
6- فتحات الانف نظيفه ولا يوجد بها انسداد.
الاسعار الغير اليف 800-1200 ريال
الاليف 1400-1700 ريال

هذه صورة تبين العمر

ما ازود عن كلام اخوي الكاكي

وانا شاري يوم الجمعه افريقي عمره 9-10 شبه اليف ما يعض الا خفيف تحت التدريب حاليا بــ 1500