كيف اروض الغوانا؟

[عبدالله عبدالعزيز]

بسم الله الرحمن الرحيم

اخواني واخواتي المهتمين بتربية الغوانا الخضراء

السلام عليكم ورحمة الله وبركاته ,,,

عندي بعض الاسئلة تحتاج لاجابات...
1- اشتريت غوانا خضرا ذيلها مقطوع >> هل ينمو من جديد؟؟
مع العلم انه صاير مخروطي واسود بنهايته

2- الغوانا اللي عندي كل ما جيت اطلعها من الحوض (حوض سمك سابقا 180 × 40 ×60 ارتفاع) تلف علي وصعب اني امسكها الا نادرا
فكيف اخليها اقل عدوانية؟؟

تحياتي لكم واتمنى الرد باسرع وقت

اخوكم عبدالله عبدالعزيز

[ibra-haib]

اهليييين ...
اخووووووي الاغوانا ماتترووض الاغوانا تصيرر اليفه على حسب صاحبها انت طلعها من قفصها كثيير وشيلها ووتتعوود علييك انشاء الله ودوور بلارشييف ممكن تلقى شي ينفعك..

تقبل مرووريــ اخووكـ :ibra

[عبدالله عبدالعزيز]

المشاركة الأصلية كتبت بواسطة ibra-haib

اهليييين ...
اخووووووي الاغوانا ماتترووض الاغوانا تصيرر اليفه على حسب صاحبها انت طلعها من قفصها كثيير وشيلها ووتتعوود علييك انشاء الله ودوور بلارشييف ممكن تلقى شي ينفعك..

تقبل مرووريــ اخووكـ :ibra

تسلم اخوي على مرورك
امس طلعتها وقعدت العب معها
بس ظربتني بذيلها ^_^

[ثعبان]

مرحبا فيك اخوي مثل ماجاوبك الأخ الكريم

المرحلة الأولى انك تحسسها بالأمان يعني تحسسها انك مابي تأذيها امسكها برفق شيلها من وقت لأخر

حطها على كتفك خلها في مكان مكشوف حتى تتعود على وجود البشر حولها

وبالنسبة للذيل لا ماينموا من جديد

وبالتوفيق ان شاءالله

[عوامي]

انا كانت عندي اجوانا كنها فار ادتني في عيشتي من احطها على يدي تنقز
كله تنحاش كله خايفة ...بعدين صرت ااكلها مرتين في اليوم بيدي يعني امسكها
واحط الاكل في فمها واسبحها في الصيف كل يومين بالسحلة (في طشت) وصارت زينة
بس انت يبغا لك تأكلها زي الناس مو كله حشايش تاكل هيه خضروات وفواكه بس انت ابشر ليها
في البشارة علشان لانه هيه تبلع اكثر من ماتمضغ <<مدري شتسمو البشارة

وادا على ديلها <يطلع ليها ديل طبعا ماينمو جديد مرة وحده بس يزيد طوله مو من نهاية الديل يزيد من بدايته بس يبي له سنة هه سنة ونص يالله يطول ليه 3 سم
حتى صبعها ادا انقص منه شوي من البداية يكتمل بعد كم سنة ويطلع ظفر
انا اجوانتي ناقصها ظفر مارضا يطلع صار له 3 شهور
هيه نموها بطيئ جدا وبالشتاء ماتاكل واجد ولا تتحرك يعني نموها كنه يوقف خخ

يالله عقبال ماتشوفها بالغة وادا بلغت زواجتها على جوانتي <<اكشخ

[عبدالله عبدالعزيز]

مشكورين اخواني

الحين الحمد لله صارت ما تضربني كثير ^_^

بس ياخواني لها 6 ايام مهيب راضية تاكل
وعندها الرجل اليسرى ما تحركها كثير

حطيتها بحوض كبير وحطيت لها حوض موية واكل
وخليت الحوض رطب وحار نسبيا

وفرشت ارضية الحوض رمل وحطيت لها حطبة

بس طول وقتها غاطسة بالحوض ما تتحرك

[مهووس الحيوانات]

الحوض الي حاطه مناسب لها

و تصرفها طبيعي لأننا في الشتاء ولازم تتخذ بيات شتوي

بس الغريب انها غاطسة في الحوض

حطلها لمبة تدفئة أو ممكن لمبة عادية بس تكون تولد حرارة (مثل اللمبة الحمرا المعروفة )

وتطفيها في الليل

ولازم تكون الإغوانا داخل البيت في غرفة دافية

وممكن تستعمل صخرة التدفئة المخصصة للزواحف وهي أحسن وسيلة تدفئة

ومن مميزاتها انها ماتئذي الحيوان وتوفر الدفء في الليل والنهار

وهذي صورة لوحدة منهم :

[عبدالله عبدالعزيز]

حطيت لها لمبة
وجبت لها صديقة ثانية ^_^
وجبت الصخرة بس ماهم معترفين فيها
بس شكلهم كلهم ذكور خخخخخخخخخ

لكني ملاحظ ذيلها مكان القطع بدا يزيد مدري وش بيصير؟

[مهووس الحيوانات]

ماشالله عليك مهتم فيها بقوة ، يعني اكيد الاخت فرحانة

واتوقع لو كلهم ذكور ممكن يتضاربون

وترى مو مشكلة تربيها لحالها ، الا اذا كنت انت تبغى تربي ثنتين بكيفك

=-=

وبالنسبة للذيل اعذرني ماعرف اجاوبك لأن مالي خبرة في البيطرة والعلاج

واتمنى افدتك ولو بالقليل

[عبدالله عبدالعزيز]

المشاركة الأصلية كتبت بواسطة مهووس الحيوانات

ماشالله عليك مهتم فيها بقوة ، يعني اكيد الاخت فرحانة

واتوقع لو كلهم ذكور ممكن يتضاربون

وترى مو مشكلة تربيها لحالها ، الا اذا كنت انت تبغى تربي ثنتين بكيفك

=-=

وبالنسبة للذيل اعذرني ماعرف اجاوبك لأن مالي خبرة في البيطرة والعلاج

واتمنى افدتك ولو بالقليل

خلهم ينبسطون
بس ياخي ما قدرت افرق بين الذكر والانثى
ناس قالو من طول اللي فوق الظهر مدري شسمهم
وناس قالو من لون العيون

ياليت احد يعطيني من خبرته