اشترك في نشرتنا البريدية ليصلك كل جديد

ليمووونة · 23-05-2009, 09:58 PM

السلام عليكم ورحمة الله وبركاته

بالاول انا عضوة جديدة والصراحه عجبتني مواضيعكم الحلوة والمفيدة

وعندي استفسار.

انا عندي في البيت قطو ذكر شيرازي وهم اثنين واحد ملكي والثاني ملك اختي
خوان شريناهم من عمرهم 40 يوم ربيناهم والحين ما شاء الله عمرهم 8 شهور

طبعا يحتاجون لانثى..شريت لهم انثى شيرازية نفس النوع والحين عندي من 4 ايام
انا فاصلتنها عنهم اصلا لانه اذنها مصابه بالمايتس يبالها تنظيف ..

سؤالي يقول كيف اخليها تتعود علي وعليهم؟
القطوة شرسه شوي وكله تشمخ وتخاف من الحركة الفجائية وتطلع صوت

ابيها تكون اليفه معاي وفي البيت كيف؟

السؤال الثاني متى اخليها تشوف القطوين الذكرين وكيف ادمجهم ويا بعض؟؟

ملاحظة.. واحد من القطط يمر بمرحله التناسل
وكله يرش البول في مناطق البيت..يعرف انه في انثى في البيت..

شو الحل افيدوني..وجزاكم الله خير

عاشق القطـط · 23-05-2009, 10:04 PM

هلا والله

اخوي

هذا الموضوع يفيدك

http://www.2zoo.com/vb/showthread.php?t=103379

ليمووونة · 24-05-2009, 12:12 AM

يعطيك العافيه اخوي ع الرد

وصح الموضوع فادني تقريبا في التودد للقطة اليديدة

وبالنسبة لاني اضعها مع الذكرين كيف؟؟

صعبه شوي صح...

وتسلم ماتقصر

~~مدرب نمور~~ · 24-05-2009, 12:35 AM

اقتباس:

سؤالي يقول كيف اخليها تتعود علي وعليهم؟

مسأله وقتـ

اقتباس:

ابيها تكون اليفه معاي وفي البيت كيف؟

مسأله وقتـ

اقتباس:

السؤال الثاني متى اخليها تشوف القطوين الذكرين وكيف ادمجهم ويا بعض؟؟

ماعرفـ ومافهمت السؤال ^^

آنـــــو · 24-05-2009, 05:46 PM

حياك أختي منوره المنتدى ..

كيفية تعريف القطط على بعض .. أذا كانت أطباعهم عسره لازم بخطوات

لأن القطط أطباع تختلف ،، بعضهم يتعرفون بسرعه ويتأقلمون وبعضهم العكس تماماً لازم ضرب مضارب ..

بعد حبسك للقطه الجديده قربي الذكور من عند غرفتها خليهم يشمون ريحتها من وراء الباب وهي كذالك

بعدها أخذي منشفه وأفركي القطوه الجديده حتى تاخذ ريحتها .. وبعدين أمسحي المنشفه بالأثاث

والمكان اللي يتواجدون فيه القطط الذكور .. وسوي العكس للقطط الذكور وأمسحي الغرفه والأثاث الموجوده فيها الأنثى

حتى يكونوا عارفين روايح بعض ..

بعد كذا أحبسي الأنثى بالبوكس وخليها عند الذكور تتفرج عليهم ويشمون بعض من بعيد بدون مايأذون بعض

وسوي كذا يومياً عدة مرات باليوم لمدة ربع ساعه .. وبعد ماتلاحظين الأنثى هدت وبدأت تتأقلم عليهم أطلقي سراحها عندهم

لكن تحت مراقبتك وأشرافك ..

شوفي هالموضوع بيفيدك كثير ..

http://www.2zoo.com/vb/showthread.php?t=8018

وهذا

http://www.2zoo.com/vb/showthread.php?t=35753

وموووفقه

ليمووونة · 25-05-2009, 12:07 AM

اخوي مدرب نمو تسلم وماتقصر

يباله وقت وصبر وايد..ان شاء الله تتم العمليه ع خير..

هلا اخوي آنو
تسلم ع النصايح الطيبة وانا تقريبا قريت معظم المواضيع المتعلقه بالامر

وان شاء الله خير
بسوي هالطريقة وبنشوف وان شاء الله باذن الله تصير الامور بخير وشكرا ع المساعده
ماتقصرون.

والمنتدى الصراحه وايد مفيد وجميل.الله يوفقكم جميع