يا خبراء المنتدى حمى القطط ،،

[قطتي روز]

اخواني جزاكم الله خير اكتب لكم والله وانا ضايقه موت من اسبوعين انقتل قط عندي برصاص صيد حق العصافير
كان دايم يلعب فوق السور عمره سنه و3 شهور أصم وحنون واحبه موت وجيراننا الشهاده لله كلهم اللي حوالينا يحبونه
فجاه اختفي لقيته مرمي قدام بيتنا وميت انحرق قلبي عليه بكيت بكاء لين انسدت نفسي عن كل شي الله لايسامح اللي سواها حرق قلبي ،، وحرمني منه وألف قط مايجي مثله مع ان عندي امه واخوانه والكيتن ،، اخو اللي مات نفس عمره وصديقه صار فيه اكتئاب ولسه بدأ يرجع احسن ،،


المهم ماطول عليكم بس كنت حزينه بفضفض لاني فاقدته ،، عندي قطط صغار عمرهم 5 شهور مرضوا بحمى
المهم كلهم اتشافوا الا واحد صح يتحسن لكنه خواف يكبر المواضيع صاير مايترك فراشي ولايلعب والمشكله الكبيره ماياكل
من يومين وطايح وديته الطبيب قال يارب لك الحمد ماعليه حراره لكن ممكن المضاد البيتاموكس هد هيله شوي

مشكلتي ماياكل تخيلو ارضعه حليب غصب وافتح فمه واوكله قطع دجاج واشربه ماء كلها غصب اخاف يموت لاقدر الله
وش اسوي عشان ياكل ؟؟؟

انا خايفه مرره عليه نومي مانام كل شوي افز واشوفه جنبي بخير يتنفس!!!

[فاتـــو]

ياعمري الله يصبرك ويعوضك خير
بخصوص القط المريض بيتاموكس زين وبيتحسن منه بأذن الله
جربي عطيه زبادي دافي بالعسل علشان يفتح شهيته للأكل
وشيكي على حرارته بين كل فتره وفتره وان شاء الله تكون تمام
قدمي له اكلات رائحتها نفاذه تونه او لحمه مسلوقة
وجربي اسلقي كوسه وبطاطس في مرقة الدجاج واضربيها في اللخلاط وعطيه بالسرنجه
لازم ياكل حتى مايجيه هبوط لاسمح الله
حاولي تهدينه وتكلمينها بصوت واطي لين يطلع صوت الخرخره
هذا يوثر على النفسيه ويساعد على الشفاء
ولايتعرض لتيار التكييف او ينام على سراميك بارده خصوصا في وقت الفجر

مايشوف شر ..

[قطتي روز]

اوكك بعطيه ان شاء الله الحين اجيب له زبادي دافي واسوي له كل ششي

لا ينام معي بالغرفه وصرت انام بدون مكيف لأجله بس يتشافى يارب

[فاتـــو]

اوك ياقمر ولاتنسين تطمنيني عنه ..

[شاهستا]

وتابعى حرارته بانتظام
وحاولى تلعبى معاه وتخرجيه من المود دة

[قطتي روز]

عادةً حمى القطط كم تاخذ يوم لانه كسلان من يومين

[الاليفه]

هــــــــــلا ^^
هذا يتوقف عليك ومدى مساعدتك للقط بالشفاء
وكل ما حاولتي ان تخففي عنه نفسيا و صحيا راح يتحسن باذن الله

ما يشوف شر ..

[فاتـــو]

مثل ما افادتك الاليفة
والاعراض هذي مو اعراض حمى هذا برد عادي ^^
والبرد دايم يصاحبه خمول عام ونقص في الشهيه بسبب تغير طعم الاكل في فمه
واكيد انتي تلاحظين يوم يجيكي برد تصابين بخمول ويتغير طعم الاكل بالنسبه لك وتنسد شهيتك

[قطتي روز]

ابشركم الحمد لله اكلته زبادي بالعسل المهم نام وقام اكل كل الدجاج والكوسه وشرب الحليب

يارب لك الحمد ومسحته وطلع صوت الخرير جزاكم الله خير الجزاء