استفسار هام

[غدار]

السلام عليكم ورحمة الله وبركاته

انا عندي جرو عمره الحين شهرين ابغى اعرف ايش الافضل اخليه في قفص والا اربطه ومتى اربطه


ارجو الافاده وشكرا

[ابن سورية]

وعليكم السلام ورحمة الله وبركاته
بالنسبة للجرو فما نوعه وبالنسبة للربط فلا داعي فهو لازال صغير

[DobermanFAN]

شوف صديقي اذا تحب تتبع طريقتي ان شاء الله بتكون راضي ..

1- احضر قفص يكون واسع للجرو وما يكون ضيق + عضاضة جراء + بطانية حتى ينام عليها الجرو بالقفص + كرتونة

كبيرة ارتفاعها 10 سم وعبيها تراب نظيف .

2- اعتمد جدول مناسب مثل , بالصباح الباكر يعني الساعة 6 - 8 تفتح على الجرو وتخليه يروح للكرتونة ويوسخ

فيها وكل ما يبي ينزل عنها ارجع عليها حتى يقوم بالتبول والتبرز اعزكم الله .

3- ضع له وجبة الفطور بعدين لعبه شوي بقطعة قماش وخليه يعض عليها وانتا شد وهو يشد .. وقت ما يتعب

الجرو واحمله وضعه بالقفص وضع معه العضاضة واغلق القفص واذهب , طبعا لا تخليه يشوف العضاض او يلعب

فيها خراج القفص نهائيا !! فقط عند تضعه بالقفص ضعها معه وعند اخراجه اخرجها من القفص ( لتجنب عضعضته

لك قليلا )

4- وبعدين تمشي مثل كذا يعني ..

5- لما يصير 3 اشهر تبدأ معاه اوامر الطاعة المبتدئة والمواضيع مثبتة عن التدريب بقسم الكلاب .

اي استفسار نحنا حاضرين :]

[غدار]

مشكورين اخواني عالردود والافاده وما قصرتو

بالنسبه لنوع الكلب فهو بلدي وياليت تفيدوني متى ابدا بالتطعيم مع العلم اني ساكن بمحافظه ما فيها الا بيطري اغنام هل يقدر يطعمه ؟

ارجو الافاده وشكرا

[DobermanFAN]

اول تطعيم وهو الخماسي تقدر تعطيه اياه من عمر الشهرين وبعد شهر بالضبط ياخد مطعوم سداسي

وهو نفس الخماسي لكن يزيد عليه مطعوم السعار ( داء الكلب ) وبعدين يصير كل سنة ..

وبعد ما ياخد المطعوم السداسي ب اسبوع اعطيه جرعة ديدان وتنعاد له بعد 14 يوم والجرعة عبارة عن

حبوب تنعطى حسب الوزن ..


بالنسبة للبيطري الي عندكم اسأله واستفسر اذا يقدر يحصل لك المطاعيم او يدلك على بيطري كلاب وقطط .

[احمد بندر الحارثي]

مشكور اخوي دوبر مان وربي
ردك مره جميل ومفيد وصدقني انا كنت محتاج هالنصائح لكلبتي سالي
وياليت تفيدني اكثر بتدريب الكلبة على قضاء حاجتها في كرتون لاني حاطها بالسطح وعادمتلي هوا مره ><

[DobermanFAN]

ابشر من عيوني اخ احمد ,

يا ريت تفيديني ببعض المعلومات /

1-شو الروتين اليومي حقها او جدولها اليومي يعني شو تعمل معها كل يوم

2-كم عمرها ونوعها

3-شو بتطعميها للكلبة

4-وانتا رابطها بالسطح ولا بقفص ولا كيف

انتظر ردك ^_^

[خيال1985]

السلام عليكم بعد اذنك اخوي صاحب الموضوع انا تقريبا موضوعي مقارب لموضوعك وحاب اني اسأل هنا
عشان ما افتح موضوع جديد
انا نوع الكلب حقي جيرمن شيبرد وعمره اليوم48 يوم والين الان ما طعمته
حاب اعرف اطعمه ثماني وديدان الان وﻻ انتظر الين يكمل شهرين ؟؟!
وثاني حاجه مبهدلني في الحمام بس الميزه فيه انه ما يعمل حمام في المكان اللي ينام فيه لو وش يصير
وفيه مشكله انه دايم يبي يلعب بس ما يحب يلعب بالالعاب دايم يبي يلعب بالعض ويتخانق معي ما يحب الكوره ابد
بس انا ما العب معه الا كل فتره 10 دقايق وارجعه حاب اعرف هذي الطريقه زينه او غلط
هذا ثالث يوم له معي اول يوم كان يسمع كلامي بس بعد اليوم الاول قام يطنشني وﻻ كأني اكلمه بس اذا
مشيت عنه يلحقني ويعض فيني
وياليت احد يفيدني او يعطيني لنك حق جدول للغذايه السليمه حق الدراي فود وكم الكميه بالضبط وكل كم اعطيه الاكل
وهل احط له الماي مع الاكل وﻻ بعد الاكل وهل الماي اعطيه بس مع الاكل وﻻ وقت ما اشوفه عطشان اعطيه ماي
اسف على الاطاله واسف لصاحب الموضوع اني شاركته في موضوعه

[ابن سورية]

المشاركة الأصلية كتبت بواسطة خيال1985

السلام عليكم بعد اذنك اخوي صاحب الموضوع انا تقريبا موضوعي مقارب لموضوعك وحاب اني اسأل هنا
عشان ما افتح موضوع جديد

وعليكم السلام ورحمة الله وبركاته

انا نوع الكلب حقي جيرمن شيبرد وعمره اليوم48 يوم والين الان ما طعمته
حاب اعرف اطعمه ثماني وديدان الان وﻻ انتظر الين يكمل شهرين ؟؟!

بالنسبة لموضوع التطعيمات اطلع على هذا الرابط من اعداد اخي واستاذي ابو فهد بيفيدك

http://www.2zoo.com/vb/showthread.php?t=246814

وثاني حاجه مبهدلني في الحمام بس الميزه فيه انه ما يعمل حمام في المكان اللي ينام فيه لو وش يصير
بالنسبة لموضوع الحمام اطلع على هذا الرابط بيفيدك وللمعلومة جميع الكلاب لاتقوم بقضاء حاجتها جانب مكان نومها

http://www.2zoo.com/vb/showthread.php?t=128372

وفيه مشكله انه دايم يبي يلعب بس ما يحب يلعب بالالعاب دايم يبي يلعب بالعض ويتخانق معي ما يحب الكوره ابد

عادي فهو لازال صغير
بس انا ما العب معه الا كل فتره 10 دقايق وارجعه حاب اعرف هذي الطريقه زينه او غلط

مافيها مشاكل انت خصص له وقت للعب ووقت للنزهة ووقت للطعام
هذا ثالث يوم له معي اول يوم كان يسمع كلامي بس بعد اليوم الاول قام يطنشني وﻻ كأني اكلمه بس اذا
مشيت عنه يلحقني ويعض فيني
عادي الجرو صغير ويحب الاستكشاف لتنمية شخصيته
وياليت احد يفيدني او يعطيني لنك حق جدول للغذايه السليمه حق الدراي فود وكم الكميه بالضبط وكل كم اعطيه الاكل
بالنسبة لموضوع الدراي فود اطلع على هذا الرابط بيفيدك


http://2zoo.com/vb/showthread.php?t=301734


وهل احط له الماي مع الاكل وﻻ بعد الاكل وهل الماي اعطيه بس مع الاكل وﻻ وقت ما اشوفه عطشان اعطيه ماي

اخي الغالي بالنسبة لموضوع الماء يجب توافرها لديه 24\24 ساعة ويجب تبديلها كل يوم

اسف على الاطاله واسف لصاحب الموضوع اني شاركته في موضوعه

تكرم واي استفسار الكل هنا بالخدمة

[خيال1985]

سلمت يداك اخي ابن سوريا
ماقصرت