عـنـدمــآ يـغــزو الــدود جـسـم الــقـطــه ،، مـع نــآديــآ

[الدلع]

السلام عليكم
يسعد صباحك ومساءك يالغالية
ما شاء الله .. بصراحة موضوع جدا رائع وأفادني كثير وزود معلوماتي والكلام الي استهليتي فيه الموضوع حلو وأعضاء المنتدى يستاهلون .. بارك الله فيك وتستحقين الختم يا متميزة
تشرفين دوم وطلتك ما تنمل
الموضوع من عنوانه مشوق وباين منه إن بلوى ممكن تحصل لحبايبنا ( غزو ) وفعلا شي خطير وما ينسكت عنه .. من جد كلش إلا موت بساسنا وهذا هو شعور كل محب لهم
جالسة أطالع الموضوع وجتني قشعريرة من الصور ومقاطع الفديو .. لهذي الدرجة ممكن يأثر الذباب على البساس بهذا الشكل المروع
<< ( خطيرة خوّفت الذباب .. تطمّنوا ما راح يقرّب من بساسكم أبد ) .. أستخف دمي
تسلمين والموضوع جاء في وقته لأننا مقبلين على الصيف والذباب بيكثر وشعر الكثير من البساس طويل ففرصة نخفف من شعورهم ( مش على الصفر .. إلا في الضرورة ) منها نكتشف لو مرض جلدي في بدايته وما ندري عنه فنعالجه قبل ما ينتشر ومنها نبرد عليهم وتتهوى شعورهم عن الرطوبة الي ممكن تحصل رغما عننا في غير أوقات التحميم ولا ناخذ بالنا منها .. ما يخفاكم البسس أحيانا شقية وعندها لقافة وحب استطلاع وممكن تسوي حركات نص كم ما نكتشفها غير بالصدفة
معناها انه الأفضل من كل شخص عنده بساس تخرج برا البيت يحاول ما يخليها تطلع بقدر الإمكان لأن مشكلة التعارك مع بساس ثانية شرسة أو رميهم بالحصى من البزورة المؤذين والتعرض للإصابة بالجروح وارد وربما طلع البس ثانية من البيت من دون ما يكتشف راعيه الجرح وقد يغيب كم يوم في ذا الجو الحار وتسوء حالة الجرح لا سمح الله
ومن رأيي الشخصي انه ما تزيد فترة تشميس البس كل يوم عن ربع ساعة وقت الصيف برا البيت أو جواه تفاديا لأي مشكلة ممكن تحصل من الذباب لأن فيه بساس تنام تحت الشمس في الهواء الطلق أكثر من نصف ساعة وصعبة متابعتها كل ذا الفترة .. و لا تنسون تشمسون نفسكم ربع ساعة مع البسة عشان تحسسونها بوجودكم وقربكم منها لأننا للأسف ما نحرص كثير على ذا المسألة لصحتنا وصحة حبايبنا .
بالتوفيق غاليتي .. والمعذرة على الإطالة