سؤال يخص الترويض

[حروف قطيفية]

مساك خير وبركه
انا ابتديت اروض الببغاء وشلت عنها الأكل مديت لها يدي اكلت بتردد تراخيت معاها شوي وحطيت الحب بصحن برى القفص طلعت لاول مره من القفص الي تعشقه وتحس فيه بالامان
مره ثانيه اعطيها من يدي ماتبي تبي هي تطلع وتاكل برى احيانا اشوفها تحسنت وصارت تاكل من عندي ومن عند العيال مثل امس واحيانا اشوفها ميبسه راسها ومصره ماتاكل الا بمزاجها وتغافلنا وتطلع تسرق لها تفاحه من قدامنا وترجع فيها القفص
رايكم احرمها من الاكل وماتاكل الا من يدي وبس ... وكم مدة التجويع ؟؟ والاحظ عليها دايما ترقص راسها يمين شمال في اوقات مال لام الرقص داعي
تمسك القفص باضافرها واتطق ارقبه وهالحركه تسويها لما اروشها لما ااكلها او اغني لها ...
واحيانا تفتح منقارها بطريقه كانها بتتكلم شمعناة هالحركات
ولا حظت ان الطوق توه بادي يخط في رقبتها يعني عمرها كم تحديدا

[عـــاشق الكاسكو]

اختي المدة الكافيه للتجويع بغرض التدريب هي ساعتين
اما عن طق الربقة هذا يدل انو البغبغاء مرتاح
طيب ورينا صوره للبغبغاء على شان ينفيدك

[حروف قطيفية]

اخي عاشق الكاسكو
درتي دلوعه تاكل من يدي ويد بنتي ولما تشبع تاخذه وتقطه بالقفص
وامد يدي كل مابين فتره بالقفص وفي يدي حب شمسي تشوفه وماتاكل اشيل يدي بس لما اجي انام اقول حرام ماكلت كفايه احط لها شوي بصحن بره القفص تاكله وترجع القفص اليوم عاد سوت لنا اكشن
ماوعينا الا القفص خالي قلبنا الدنيا عليها تحت الطاولات ورى الكنب الكل عافس الدنيا عليها ولا اشوف الا جالسه فوق الستاره تناظرنا مبسوطه وللحين جالسه صار لها نص ساعه موراضيه تنزل المشكله الستاره قريبه من السقف مافي مجال للقفص ابد
والاحظ ان جنحانها طالت وصارت تطير وتحاول تسحب بعض ريش الذيل بمنقارها حتى الاحظ اثر منقارها على الريش
وهذه صورتها

[حروف قطيفية]

عذرا .. هذه الصور

[حروف قطيفية]

مرحبا من جديد لعل هناك من يسمع ندائي
اليوم الدره مجوعه تمام وايضا معنده تمام التحدي واصل حده بينا ثلاث مرات امد يدي بالحبوب وتسفهني ارجع بعد ساعه امد يدي وهي مصره قلت يمكن مو بجوعانه
اول مابتعدت عن القفص لقطت الحبتين الي طاحوا من يدي على ارضية القفص قلت بلين وبحط لها في صحن الاكل بس ... فكرت قلت ماهي بأحسن مني والله لاطيح الي براسه ياتاكل ياالمقبره شرايكم ؟؟؟؟

[BLACK KOKO]

بالصبر راح تضبط امور درتك ..

معروف عن طائر الدره انه صعب الترويض وعنيد جدا

لكن مالك إلا الصبر معها وبس

وان شاء الله راح تولف وتاكل من يدك

تحياتي

[حروف قطيفية]

صباح الخير
ماشكلها تتروض هالعجوز انا استسلمت وحطيت لها حب بالقفص لانها غبيه فضلت تموت ولا تاكل من يدي غير كذا لمحت تفاحه بالصاله وماجيت من برى الا هي قارمتها نصها وصابها اسهال
فقلت احط لها حب لاتمرض ويصيبها جفاف
السؤال الحين هل احط لها الاكل تاكله برى لفتره ليما تتعود والا شكلها ماتتعود هالخبله

[BLACK KOKO]

حبه تفاحه مرة وحده يعتبر كثير ويسبب اسهال

قطعه بحجم الاصباع او قطعتين

ومش كل يوم مرتين في الاسبوع كفايه

[شاقي]

ليه كذا التجويع يضر والله وحرام عليكي تابعي طريقتي

_________________________________________

قبل لا ابدا بقول شي

التجويع : يضر الطير << تخيل انت مكانه


----------------------------------------------------------------
المرحله الاول -- عدم الخوف والسبه الترويش --

اول ما جبته حطيته في الغرفه اللي احنا نجلس فيه ( الاسرهـ ) وخليت القفص مفكوك واخليه يطلع فوق القفص لمده ثلاث ايام للطمئنان ع نفسه ومن حوله وما ادخله القفص الا يوم يجي وقت النوم

وبعد الثلاث ايام هذي سويت طريقه حلوهـ روشته بعد ما روشته حطيته فوق الطاوله جيته بكل هداوه ومسحت على راسه ولا سوى اي حركه ومسحة ع جسمه من فوق ولا سوى ابد شي بعدين مسكت منقارهـ ومسحت ع اذنه تجاوب معي مره ولله الحمد
------------------------------------------------------------------
المرحله الثانيه -- عدم العض والخير والبركه في العسل --

طبعن العض كان يعض بشكل غير طبيعي فا سبحان الله ادور على الطريقه فيه النت قليت شرح في اليوتيوب حق اخوي الغالي ابو محمد الله يجزاه الف خير ونجحت الطريقه ميه ميه ولله الحمد

المقطع::

http://www.youtube.com/watch?v=37j7rf_mFWw

-----------------------------------------------------------------
المرحله الثالثه والاخيرهـ -- الوقوف على اليد صعبه ولكن نتحدى الصعاب والتقليل من الخوف شي مهم --

والله هذي المرحله اخذة معي تقريبا اسبوعين طبعن انا رحت لحقين المحلات البعض يفيدك والبعض يكتم سر المهنه فا كنت منقهر ليه ما يطلع ع اليد ابيه يطلع على يدي بشت الطرق قلت بجرب طريقه الطريقه هي
اني خليته ع كتفي وامشي فيه بالبيت وما اخليه ابد يلتهي غير في سمعي << ههه وربي يموت يلحس سمعي والمهم خليته تقريبا اسبوع ع هذا الموال ومنها راح الخوف قليل منه جينا لطلوع ع اليد سوينا نفس الشي مسكت رجوله وادور في البيت لمدت اسبوع والنتائج كانت اجابيه ولله الحمد

--- نصائح للجميع ---

1- اول ما تجيب الطير قص جناحه خليه يطلع برى القفص لمده انت تشوفه اقتنع
2- عدم التجويع مضر جدا جدا
3- الترويش يفيد في المسح على الراس ويزيح بعض الخوف للطير لان الطير في هذي الحاله يبغى احد يمسح على راسه

4- عدم ضرب الدره لانها تغضب بسرعه وكثيرة العصبيه
5- تبي الدره تتكلم سمعه في الصباح قران كريم
6- لا تخلي احد يروض طيرك انت روضه بنفسك منها تكسب مهنه ومنها تضمن ان طيرك سليم

بتوفيق للجميع

[حروف قطيفية]

مثل ماقلت لك اخي بلاك كوكو اكلت منها جزء كبير انا نسيت التفاحه جنب القفص نسيت موضوعها والجوع كافر
ماقصرت اخي شافي
انا لاحظت ان الدره اليوم مره معصبه من التجويع الي حصل امس روشتها ونظفتها وبخلي الاكل برى القفص عشان تطلع تاكله لمده عشان تتعود وبعدين ابدى معاها من جديد شوي شوي والله يعني عيها
مشكلتي صبري قليل وادري ان التدريب يبغا له صبر عموما والله اك ماقصرت كفيت ووفيت