طيرى ينتف ريشه سااااااااعدونى

[houston]

السلام عليكم ورحمه الله

انا قبل 4 شهور شريت كاسكو افريقى صغير لاختى

والحين عمره سنه ..

والف البيت والاهل
واكله ولعبه تمام ..
وصار يتكلم كم كلمه ..

بس مشكلتى ابتدت من اسبوع الطير صاير ينتف ريش بطنه .. ولاقى الريش مالى القفص

ومدرى شنو السبب
تتوقعون متحسس من شى .. ولا من حراره الجو ؟؟؟؟؟

ياليت تطمنونى
علما ان ريش ظهره تمام ومرتب

وهذى صور له

[mhmad _505]

اختي هاذا وضع طبيعي لكل طير وهي مرحله اسمها القلش
يعني يبدل ريشه يصير افضل وانظف

[يوفاوي الكويت]

ما شاء الطير حلو صغير بالعمر


اخوي فيه زغب بالقفص (( ريش ابيض مثل القطن ))

اذا موجود هذا شي طبيعي تبديل ريش وانصحك تشتري له فيتامينات ويكون نوم الطير وقت كافي

واذا لا انصحك انك تحط العاب للطير وتقعده معاه اكثر وقت ممكن

وبالتوفيق يارب

[ربع ريال مشقوق]

هاذة امر طبيعي جدا

لكل ببغاء له موسم يبد بتساقط الريش وينمو ريش جديد

لا تخاف عادي كل الببغوات زي كذا

[كاسكـــو]

لا مو طبيعي ياخوان

طيرك اما متحسس من شي ما او داخل بحاله مزاجيه سيئه ( حاله نفسيه)

انا اشوف الطير شايل ريشه لحد ماطلع ريش الزغب اللي اساساً يكون تحت الريش وهذا المفروض مايصير

وتبديل الريش المعروف ماله علاقه بهذي الصور

[houston]

المشاركة الأصلية كتبت بواسطة mhmad _505

اختي هاذا وضع طبيعي لكل طير وهي مرحله اسمها القلش


يعني يبدل ريشه يصير افضل وانظف

الله يجزاك خير .. من جد طمنتنى

[houston]

المشاركة الأصلية كتبت بواسطة يوفاوي الكويت

ما شاء الطير حلو صغير بالعمر


اخوي فيه زغب بالقفص (( ريش ابيض مثل القطن ))

اذا موجود هذا شي طبيعي تبديل ريش وانصحك تشتري له فيتامينات ويكون نوم الطير وقت كافي

واذا لا انصحك انك تحط العاب للطير وتقعده معاه اكثر وقت ممكن

وبالتوفيق يارب

هلا اخوى يوفاوي
مشكور على ردك ..
ايه الطير حتى فيه زغب .. وانا شاريه له اكل مخلوط ..
واللعب والنوم لها وقت وهو حتى مزاجه عالى بالتصفير وترديد الكلام

بس هالايام الجو بالكويت حر .. قلت يمكن من الحر ولا متحسس من شى

[houston]

المشاركة الأصلية كتبت بواسطة ربع ريال مشقوق

هاذة امر طبيعي جدا

لكل ببغاء له موسم يبد بتساقط الريش وينمو ريش جديد

لا تخاف عادي كل الببغوات زي كذا

ياليت
لانى اشوفه هو اللى ينتفه مو يتساقط

[houston]

المشاركة الأصلية كتبت بواسطة كاسكـــو

لا مو طبيعي ياخوان

طيرك اما متحسس من شي ما او داخل بحاله مزاجيه سيئه ( حاله نفسيه)

انا اشوف الطير شايل ريشه لحد ماطلع ريش الزغب اللي اساساً يكون تحت الريش وهذا المفروض مايصير

وتبديل الريش المعروف ماله علاقه بهذي الصور

معقوله
انا مالاحظت عليه شي غير انه لما ألبس واطلع يقعد يصيح وكأنه يبي يروح معاى
على العموم بحاول انتبه له هاليومين يمكن يتحسن

بارك الله في كل اللى ردوا على

[الكاكي]

الطير فرخ (سنة ) وكيف عملية قلش؟
هذي مشكلة شائعه عند الافريقي....................
الطير الاغلب حالة نفسيه في اشياء كنت تسويها له زمان والحين قطعتها.
حافظ على الاتي :
1- الاستحمام .
2- خروجه من القفص وتغير الجو عليه.
3- وضع العاب داخل القفص.
4-التشميس (الشروق-الغروب)