بوبي قصتها حزينه :(

[فهد 77]

السلام عليكم ورحمة الله وبركاته


اخذت انثى هامستر من نوع سوري لونها ابيض اول ماخذتها صار موقف ليا معاها اول ماخذتها من المحل كنت مبسوط فيها واخذتها ف كرتون حق الطيور الصغير فيه فتحه للتنفس وانا في طريقي ب السياره وقفت وفرحان لان عندي هامستر ف البيت اسمو ويلتر له سته شهور وحيد وكنت مرا فرحان
لما وقفت السياره مسكت الكرتون حصلتو خفيف !!!!!!!!
الانثى كبرت الفتحه ونزلت من الكرتون وجلست ادور عليها ف كل مكان ف السياره بصراحه زعلت وكرهتها قلت برجعها خلاص لما جا الليل ركبت السياره بهدووء سمعت اصوات ومشيت معاها الين ماحصلتها طلعتها لويلتر وكان مبسوط يمشي وراها قلت خلاص بخليهم مع بعض

بعد كم اسبوع وانا جاي من برا البيت لقيت قط مدري اش شكلو بس الي عرفتو انو مو قط شارع لان شعرو كثيف وحجمو ضخم وهوا ذكر ماشالله مرا ضخم قلت يمكن ضايع باخذو واشوف لمين المهم طلعت القط وخليتو ف غرفة اخويا هيا قريبه من غرفتي الي في الهامستر قفلت الباب وطلعت وغلطتي ماعطيته خبر ، جاني اتصال منوو قال لقيت قط ف الغرفه واتفاجئ ف وجوده قلت انا حطيتو وانتبه له الين ماشوف لمين قال فتحت الباب وراح غرفتك
قلتلو انا جاي الحق على الهامستر انا فاتح لهم القفص ف الغرفه يمشوو ويلعبووو

بس للاسف مالحقت طلع القط عض بوبي الانثى ونثر الدم ف كل مكان حزنت كثير عليها وحزنت اكثر على ويلتر الحمدلله ويلتر نجى منه كان تحت الدولاب بس كان خايف بشده

هذي قصة بوبي الي حزنت عليها وراح افقدها كثير

اسف على الاطاله الله يحفظ كل حيوناتنا يارب

[أزمرل إمبرطور الجمال]

الله يعوضك خير يارب ^^

[فهد 77]

شاكر مرورك امين الي يسمع منك وماتشوف مكروه يارب

[1235]

امين الله يحفظ الجميع

[سايا]

وعليكم السلام ..~

مرررره حزنتني =( =(

الله يعوضك انششاء الله بأحسن منها

والحمد لله ماصار للذكر ششي

الله يحفظه لك من ككل مكرووه ^__^

مع السلآممه *

[حي ومانسيت]

الله يعوضك

[شاهستا]

ربنا يعوضك معلش
قط مفترس

[بسبوسه22]

الله يعوضك لا تطلق الهامستر

[ra7ul7]

خخخخخخخخخخخ قصه رائعة جدا

وتنفع تكتب قصص

والله يعوض عليك بأحسن منها

وبالتوفيق

[سويتي حبيبي]

وه لاتكون هامسترتي الي انا بعتها للمحل انت اشتريتها وماتت

حكرهك لو كان كدا