تكفـون محتـاج ردودكــم ...

[azozy]

السـلامـ عليكـم ورحمـة اللـه وبركـاتة ...

قبـل اسبـوع شريـت دجـاج , ديك وخمـس دجاجـات , وبعد يوميـن مـآت الديـك.

ورحت بعـد يـوم او يـومين وشريـت ديـك قـوي وكبيـر المهم لـا هو ولـا الي قبله يأذنون , بعديـن رحـت مـع عمـي لأنـه كـان يربـي دجـاج وفاهـم وشـرا لـي ديـك سميـن ويأذن 24 سـاعة ما شاء الله .

( هـذا بالنسبـه لديكه )

أمـآ الدجـاج يا قصتهـم قصـه شريـت خمس دجـاجات علـى ايـآم الديك الأول وكانـت وحده منهم تبيض اما الباقـي قـال لي راعـي المحـل انهم صغـار وباقـي شوي عليهـم المهـم مرضـة وحده منهم الـي كانـت تبيض وكانـت تدمـع عينهـا وذبحتها خفـت تعدي الباقـي , وبعديـن عاشـوا اربعـه دجاجات مده اربع او خمس ايـام .

ورحت وشريـت الديك الثانـي الي كـان ضخـم شـوي , ومات من بـعد يوميـن وكانـت موتتـه غريـبـــة
لقيته ميـت من بكره وكان امـس قـوي ونشيـط بـس ما كان يأذن .

بعديـن بقـوا الاربع دجاجـات لحالهم وشريت من بـعد يومين ديـك الـي شراه عمـي المهـم زي ما قلـت لكـم يأذن , بس المصيبه انه اول يوم جبته قبـل مـآ اطلعـه من الكرتون لقيت دجاجتين يميلون روسهـم ليـه ما ادري وسألت عمي قال فيـهم صرع مـع البـرد قال اذبحهم بســرعه لا يعدون الباقـي وذبحتهم , وطلعـت الديك الجديد مـع الدجاجه الجديده .

والحين الديك يحاول يلقـح الدجاج وهو يحاول مع وحده بـس ليه ما ادري وهي ترفـض ؟؟ .

والسـؤال الثانـي ,

الحين ايـام بدايـه البـرد هـل يحتاجون لدفى لأن صراحه عندهم بيوت الدجاج الي هي من الخشب
اذا تكفـى خلاص .
امـا اذا لـا شسـوي ؟؟ .

السـؤال الثالـث ,

انا الحين افكـر انـي اخلـي الدجاج علـى حالهم والي يحيا يحيا والي يموت يموت , بـس فيـه مزرعـه نعرفـها فيهـا دجاج شرايكم اجيب منها خمس دجاجات ثنتين معهم صوص والباقي عادي
وطبعـاً بخلـي كل دجاجه مع صوصها لين يكبرون شوي (وهل هذا لو اسويه هالايـام عندنـا بالرياض يعني بهالجو عادي ولا اصبر لين يجي الصيف)


واسـف طولت عليكم بالأسئله .

[جمولي]

لا لا الديوك والدجاج الي عندنا عاشو جوف الثلج عندنا دجاجتين وحدة عندها اربعة والثانية عندها اثن عشرة وثلاثة ديوك شكلكم بتسئلون لي ثلاثة ديوك ودجاجتين اشتريت فروخ مملونة والله لهم 6شهور عندي والفروخ ما شاء الله بدأ العرف يطلع وبدأت تقريبا الفروق تظهر فيهم

[mustaf]

بالنسبة للديك اللي بدوا يلقح الدجاجة راح يلقحها بس اصبر اما الدجاجة اللي كانت عينها تدمع فهو مرض يأتي من ضيق الاماكن

[azozy]

المشاركة الأصلية كتبت بواسطة mustaf

بالنسبة للديك اللي بدوا يلقح الدجاجة راح يلقحها بس اصبر اما الدجاجة اللي كانت عينها تدمع فهو مرض يأتي من ضيق الاماكن

أخــوي أنـت غلطـان مـن ناحيـة المـرض أنـت تدري كـم مسـاحة الأرض 400 متر مربـع ...

[azozy]

للرفــع ...

[fawazzz_q8]

انا اتفق مع اخي مصطفى
العين التي تدمع سببها مشاكل تنفسية من التزاحم
وهذا مااكده لي شخص خببير في تربية الدجاج وشخص اخر بيطري
انا عندي فروخ دجاج وكل يوم وحدة مصابة بهذا المرض مع انه لايوجد تزاحم بالمرة لكن اعتقد ان الكويت موبوءة وجوها ملئ بالمكروبات لهذا موملحقين مع امراض الدجاج

[صمت الأمل]

وعليكم السلام ورحمة اللهـ وبركاتهـ .


لاحول ولاقوة الا باللهـ ,, واللهـ قصتكـ مع الدجاج ومعاناتكـ معهم مؤلمهـ ..


لكن اللهـ يجزاكـ ألف خير أنت وعمكـ على حرصكم على صحة الدجاج واهتمامكم الشديد بها ..


طيب راح نجاوب على اسألتكـ كل واحد بعد الثاني ..


الدجاجهـ اللي كانت تبيض وذبحتها ,, كلام أخواني مصطفى وفواز صحيح .. فيها مرض الدمعهـ بسبب ضيق المكان .


لكن من قال ان المرض جاء من عندكـ ؟؟ المرض هذا أكيد الدجاجهـ أخذتهـ من القفص اللي اشتريت منهـ الدجاج اللي بالسوق . حسبي اللهـ على اهمالهم لهم بس ..


وعلاجها كان مضاد موجود عند البيطري مع العزل والفيتامينات .. لكن اللي صار صار .


والمفروض ماكان شريت ديكـ ثاني أو أخذت الديكـ اللي عند عمكـ ,, لأن احتمال اصابتهم بالمرض كانت عاليهـ .


حاليا عطهم بصل مفروم وشوي ثوم أو كراث او حتى حبهـ سوداء عشان تقوي مناعتهم ,, واذا كان عندهم مرض ولسى في بدايتهـ عشان يساعد المناعهـ عندهم . بس لاتعطيهم كثير .. ومرتين بالأسبوع يكفي .


والديكـ اللي يحاول يلقحها وترفض ,, هذا شيء طبيعي .. لأنهـ حاليا يحاول يسيطر عليها وهي ماتعرفهـ وخايفهـ منهـ .. لكن يومين بالكثير وراح تمشي امورهم عادي .


بيوت الخشب اللي عندكـ اذا هي تحتفظ بالحرارة وفي مكان بعيد عن تيارات الهواء فممتاز ..


اما اذا هي كبيرة جدا وتسمح الحرارة تروح بسرعهـ فأنا كنت آخذ قطعة فرش او زوليهـ قديمهـ وأبطن بها داخل البيت .


وأخيرا وليس آخرا ,, اتركهم حاليا وسوي اللي تقدر عليهـ .. عطهم البصل وأكل زين .. واللي يعيش ان شاء اللهـ تمام . واللي مايعيش اللهـ يخلف ..


لكن انتبهـ تجيب الدجاج اللي من المزرعهـ الثانيهـ وتضيفهم معهم ..


لأنهم حاليا يعتبرون في مرحلة خطر واحتمال كبير ينقلون العدوى للدجاج الجديد ..


إما تنتظر على دجاجكـ شهر أو شهرين عشان يبين المريض منهم أو اللي بصحهـ جيدهـ ,, بعدها تقدر تضيف معهم دجاج ثاني .


أو تتخلص من الدجاج اللي عندكـ وتعقم القفص والمكان ومشاربهم ,, وتجيب الدجاج اللي من المزرعهـ ..


أنت بالخيار .


ان شاء اللهـ أفدتكـ ,,


وأعتذر لكـ على التأخير في الرد .. لأني شفت سؤالكـ من أمس لكن ماشفتهـ الا على وقت نومي وماقدرت أرد ,, لاتزعل مني .


تحياتي لكـ .

[fawazzz_q8]

ماشالله عليج صمت الامل والله انج فسرتيها تفسير منطقي وانا اسأل نفسي شلون يجيهم المرض وانا مهتم بمكانهم ونظافة ومساحة مكانهم
طلع اللي باعني الله يسامحه باعني دياي مضروب

[AHMAD55]

ما شاء الله
الاخت صمت الامل كفت ووفت

[الله معي الله ناظر إلي]

ماشاء الله الإخوان ما قصروا وياك
وأنا أحب أشتري صوص عمر أيام من أشخاص موثوقين
يعني تربي الصوص على كيفك وتقوم بالتطعيمات اللازمة
ولكن في شي سلبي بهل الطريقة ممكن تطلع كل الصيصان ديوك أو تشتري صيصان مجنسة
والفترة الطويلة للتربية
أو دجاج كبير من أشخاص مربين وليس من الأسواق يعني المربي
يهتم بالتربية والتطعيمات الكاملة
وبالتوفيق أخوي