ببغائي على وشك الكلام

[ابو يـزن]

السلام عليكم ورحمه الله


اسعد الله جميع اوقاتكم

عندي ببغاء كاسكو عمره تقريباً 8 اشهر ... دربته يطلع على يدي .. لكن

احاول القنه كلمه مع التكرار عليه صار يفتح فمه (( يقلدني عند نطق الكلمه )) لكن ما يطلع صوت عند ما يفتح فمه ..

قبل يوم سمعته يقول نفس الكلمه بشكل مو واضح لكن بتصفير ثقيل شوي (( مو حاد))

هل عندكم طريقه او طرق اقدر اخليه ينطق الكلمه ؟؟؟ بدل ما يفتح فمه ويقفله

[جوسلين]

الطريقة هي الصبر و التدريب انا الطريقة اللي نفعت معاي و ما اخذ وقت اجيب صحن و اخبت على الصحن و اقول الكلمة اللي ودي يتعلمها و هو الان تكلم مو واضح بس تكلم

[ريكووو]

لا اخووي احسن طريقة هي انك

تحط قفصه قداام مراياا

كبييرة

ولايكوون ازعااج يعني في اصووات تلهي الطييير

عرفت كييف اخووي

وبعديين تبداء تكرر كلماات عليه بس متكوون الكلمة طوويلة كلماات قصييرة

مثل بابا ماما حبيبي

وحااول انك بعد اذا قلت له الكلمة عطه مكأفة للطيير

تقبل مروري

[ابو يـزن]

شكرا لكم

[شاهيـن]

هي بداية الكلام تكون غير واضحة مثل الأطفال و مع تصفير مع التكرار في التلقين إن شاء الله بيتكلم و يتعلم الكلمات الجديدة أسرع

[ابوعابد 2007]

اجابتي ببساطه :

كرر الكلمه الي تبي طيرك يقولها :
مثل اسمه مثلا ريكو : ادوش الطير بالكلمه يعني 75% من الكمات الي يسمعها الطير هي ريكو :
خلال اقل من شهر راح ينطقها باذن الله شرط يكون طيرك عمره فوق 7 شهور واقل من سنتين :

وبعد ماينطقها كررها الى ان ينطقها بوضوح بعدها انتقل لكلمه جديده :
طريقه مجربه "

بالتوفيق "

[سيدة قشطة]

لا تحط القفص عند مراية ,, يسبب حالة نفسية للطير

فقط كرر عليها الكلام و لا تكرر بس كلمة وحدة طيرك صغير كرر عليه اكثر من كلمة

كرر تقريباً 40 باليوم يعني كل مامريت من عنده كررها 10 مرات تقريبا

و اصبر وان شاء الله بيتكلم

[ابو يـزن]

شكرا ً لكم

بالضبط المرايه مضره للطير (( خطيره على نفسيته ))

جربت المرايه مع طيري ووضعته عند مرايه كبيره
الطير تفاعل مع مشاهدت نفسه وتحمس (( لكن اضنها حماسه خوف وربكه من المنظر الي شافه ))

والأخوان يفكرون الطيور تنبسط من هذي الحركه

الي لاحظته على الطير ::

* صاير يحك جسمه بمنقاره كأن جاله جرب (( بدايه نفسه )) تنتيف في ريشه
* رجع للجعير
* حركته زادت (( حركت خوف ))
--------------------

اول ما لاحضت هذي الأعراض على طول رجعته لمكان الي هو في الأصل فيه ويرتاح فيه
وجلست اتكلم معاه بهدوء رجع لوضه الطبيعي

[ابو يـزن]

المشاركة الأصلية كتبت بواسطة سيدة قشطة

لا تحط القفص عند مراية ,, يسبب حالة نفسية للطير

فقط كرر عليها الكلام و لا تكرر بس كلمة وحدة طيرك صغير كرر عليه اكثر من كلمة

كرر تقريباً 40 باليوم يعني كل مامريت من عنده كررها 10 مرات تقريبا

و اصبر وان شاء الله بيتكلم

اخوي مو هذي الطريقه تشتت ذهن الطير فيها

مره الو مره ريكو مره بابا مره ماما

او اني اكرر

الو 40 مره في اليوم
بابا 40 مره في اليوم
وهكذا

[سيدة قشطة]

لا عادي اخوي انت كرر اكثر من كلمة

لان طيرك لسة صغييير فـ التركييز عندة يكون غير محدود