بعض الأستفسارات عن الأغوانا

[عبيد العباسي]

إلسلام عليكم جميعاً

قبل 3 اسابيع تقريبا او شهر شريـت أغوانا خضرآء إلحمدلله ألأيفه ونشيطـه والتدفئة والرطوبـه مناسبين لها والمكان مناسب

بس عندي استفسار عن الحجم ، يعني هل تكبر بسرعـه أو شكثر تحتاج من العمر حتى تصل لطول معين واقصى طول لها تقريبا جم ؟

وبالنسبـه للأكل ألحين أنا عرفت انها تاكل خضار و فواكه ، لـكن طريقـه أكلها كيف !

عمري ما شفتها تآكل بروحها لآزم أحطها على رجلي وأمسك لها ورقـه الخس أو الجرجير وتأكل منهإ

وهناك بعد سؤآل بالنسبـه لكميه الأكل في اليوم شكثر تآكل يعني انا لما كنت أأكلها الخس ما كانت تاكل غير ربع الورقه وبعدها ما ترضى تاكل فـ هل تشبع من هذه الكمية وإذا إبيها تآكل من غير ما تعتمد علي فـ كيف الطريقـه ؟

يعني أقطع الأكل واضعه لها في القفص إم في طريقـه أخرى

وإللي عنده المعلومات لأ يبخل علينإ ويعطيكم إلف عآفية

وهذي صورة لهإ :

[مهووس الحيوانات]

أنا ماعندي خبرة واسعة في الإغوانا

بس بجاوبك عاللي أعرف ومتأكد منه

=-=

أولاً ألف مبروك الإغوانا وان شالله تتهنى فيها ،

ونورت قسم الزواحف يا عبيد من زمان ماشفناك سحبت علينا ورحت قسم الدواجن ^^

=-=

الإغوانا مثل ماقلت نباتية 100%

والأكل يكون في صحن منخفض داخل القفص / الحوض

ويكون فيه مكعبات صغيرة خيار (أحسن شي لها) وقطع صغريرة خس

وهي تاكل لحالها

بس حاليًا لأننا في لشتاء تبدأ الزواحف تخمل وماتاكل كثير لأنها يفترض انها أكلت كثييير قبل الشتا

وهذا سببه البيات الشتوي فتكون نايمة طول الشتاء

وانت الي عليك هو انك توفرلها مكان دافئ مايكون قفصها/حوضها برا البيت

وتبدل الأكل اذا عفن وهي ماقد أكلته

ويفضل انك تحط لها لمبة تدفئة مخصصة أو لمبة عادية بس كون تولد حرارة

وتطفيها في الليل وتشغلها في النهار

وفيه شي أفضل منهم والي هي صخرة التدفئة المخصصة للزواحف وتكون مشغلة ليل ونهار

وهم يحبونها ويطلعون فوقها عشان يتدفون

وهذي صورة لوحدة منهم :





أما سؤالك عن العمر ، مثل ماقلتلك ماعندي خبرة مع الأسف

لكن هذي معلومة بسيطة للإغوانا البالغة :

التغيرات الي تحصل للإغوانا لما تكبر وتصير إغوانا كبيرة (بالغة) :

- يوصل طولها فوق المتر والذكر أكبر من الأنثى

- يكون للذكر أشواك طويلة على راسه وظهره والانثى تكون اشواكها قصيرة

- يصير الذكر ملون بألوان جميلة ( درجات الأخضر - برتقالي - خطوط سوداء على الذيل )

والانثى تكون ألوانها اقل جمالاً من الذكر (درجات الأخضر الغامق - أسود وخطوط سوداء على الذيل)

واتمنى يجاوبونك الخبراء عن الباقي

[Anooos]

هذا الحجر بدون لمبة ولا مع اللمبة

[*حامي الحيوان*]

أخوي (مهووس الحيوانات ) ما قصر

وبالنسبة للحجر هو طبعا بدون لمبة وهو من أسمة واضح

يعني تقدر تقول دفاية ههههه بس على شكل صخرة

وبالنسبة للعمر مثل ما قالك أخوي ( مهووس الحيوانات )

صعب تحديده وفي بعض الناس يحددون العمر على حسب

صول أو حجم الغوانا وهذا غلط

لأن أغوانه عن أغوانه تفرق على حسب مساحة البيت ونوع الاكل ألخ

يعني واحد مربي غوانه في قفص طيور ويعطيها نفس الاكل يوميا

وشخص ثانية مربي غوانه في قفص مترين أو أكبر وينوع بالاكل والفيتامينات

ويوفر لها جميع المستلزمات

أكيد أنها بتكبر بشكل أفضل من الشخص الاول



وأي أستفسار أنا حاضر




تحيااااااااااااااااااااااااااااااااااااااااااااااااااااااااتي

[مهووس الحيوانات]

بالنسبة لسؤال Anooos

مثل ماقاللك أخوي *حامي الحيوان* بدون اللمبة (يغني عنها)

لكنه مايغني عن أشعة الشمس وماتقدر تتخلى عنها الا بشراء لمبة الـUV المخصصة للزواحف ووضعها للإغوانا وهي تقوم بدور الشمس في توفير الأشعة الضرورية للزواحف

[Anooos]

شكرا جزيلا على الاجابة

[مهووس الحيوانات]

العفوو

ماسويت شي

[punisher]

الشباب ما قصروا

و حبيت اقوول اني سامع من برنامج ثقافي انه الاغوانا تصل طولها تقريبا تقريبا الى 2 متر في عمر ال 10 سنوات

و الاغوانا تعيش من 20 الى 25 سنة

و بالتقريب...فأقصى طوول لها يكون متران او اقل .. و يكون النمو خلا 3 سنوات الى ال 10 سنوات
بلوغ الاغوانا يكون في عمر السنتين تقريبا

و بالنسبة للأكل في مثل ما قلنا الشباب ما قصروا

انا حاليا اخووي...نفس حالتك بالضبط اوكل غوانتي بأيدي....

و هي تكتفي بوضع صحن الخضروات و الاكل المنوع....بس اخووي لازم تخلي الاغوانا تدل مكان الغذاء و الاكل

و بالنسبة للتدفئة....فوضع لمبة اليوفي سيحل جميع المشاكل

اما اذا لم تتوفر...ف تعريضها للشمس في وقت الظهر او العصر سيكون ممتازا لمدة 3 -5 ساعات....بشرط ان تكون الشمس ليست ساخنة جدا....و يكون الجو معتدل و جيد





اي معلومة انا حاضر اخوووي





شكرررررررررررررررررررررررررررررررررررررررررررررررررررررررررررررررررررررررررررررررررررررا