أقدر اشمس الكاسكو فترة العصر ؟

[alwahaj]

اخواني لو حبيت اشمس الطير فترة العصر للاستفاده من الشمس

يعني الوقت من 3 ونص الى اربع ونص او خمس

هل هالوقت مفيد ويحصل الطير منه الفائده المرجوه ؟


واذا كان في هوى خفيف في الجو هل يضره او عادي ؟

ارجو الرد

[الطرف زوو]

في هذي الايام الجو حلو في العصريات

ماعندك مشكلة لو طلعت اي طير

والهواء الخفيف مايضر

[alwahaj]

مشكور وتسلم على الافاده

ما قصرت اخوي وبعد انا احب اشوف اكثر من رأي وياليت البقيه ما يبخلون

تسلم مره ثانيه

[kane_h]

حبيب قلبي

والله انا مرة ببغائي كان مريض وصار ما يصفر ابدا

قلت اطلعه في الهواء شوية يعني في الحوش خليته ربع ساعة ورجعته البيت


صار يصفر ويلعب وانبسط

وشي جميل تطلعه العصر او الصباح الساعة 9


واتمنى افدتك بشي حبيبي

[alwahaj]

kane_h تسلم حبيبي على الرد

انا ابي اطلعه عشان الفائده من الشمس

هل شمس العصر مفيده لصحته مثل شمس الصبح مثل ما قريت في اكثر من موضوع

ان الطائر حلو يتعرض لاشعه الشمس بين وقت ووقت عشان صحته وانا بصراحه الصبح وقتي ضيق

واطلع بدري مافي مجال اشمسه عشان جيه سالت لو العصر احطه ربع ساعه او ثلث ساعه اوكي او لا

يعني مب قصدي اني اطلعه وناسه ولعب وتغيير جو

فديت خشمك مشكور على الرد يا الطيب

[kane_h]

ما عندي خبره حبيبي

لكن انا اشوف 10 دقائق في الشمس او اقل كافية

لانك كما تعلم ان الببغاء في بيئته لا يتعرض في الشمس كثيرا ويظل في الظل دائما


عشان كدا اشوف فترة 5- 10 دقائق كافية


وان شاء الله اهل الخبرة يفيدوك مع ان دخولهم قليل هدي الايام مافي غير ابو محمد جزاه الله خيرا
والله يوفقك

[ابو محمــد]

اختصار للأجابه انا في الاسبوع تقريبا ثلاث مرات اطلعهم الصباح من 7 الى 9 واذا حسيت ان الحراره زايده دخلهم او حطهم في ضلال،،
عموما اشعه الشمس مفيده جدا لريش الببغاء وقتل الحشرات .

["مجرد علامة"]

مثل ما قال استاذنا ابومحمد

اختصار للأجابه انا في الاسبوع تقريبا ثلاث مرات اطلعهم الصباح من 7 الى 9 واذا حسيت ان الحراره زايده دخلهم او حطهم في ضلال،،
عموما اشعه الشمس مفيده جدا لريش الببغاء وقتل الحشرات .

ولا يهونوا بقية الإخوان

انا اشمسهم الصبح بصراحة مدة ربع ساعة واذا عندي دوام اعوضهم العصر

واحاول يوميا لاني دوامي كله سفر فأحيان يمر عليهم 4 الى 6 ايام بدون طلعة بالشمس

والشمس مفيدة جدا جدا لهم وللاظافر والريش والمنقار

وفوق كذا لحالتهم النفسية يكفي انك تحطهم 5 دقايق ورايح تلاحظ النشاط

وتبدا تتجاوب مع اي طير يمر تنادي عليه وتصير نشيطة هايبر



وموفق ياغالي





يارب عفوك

[alwahaj]

ابو محمد .. مجرد علامه

الله لا يهينكم على الرد والتوضيح

مشكورين وما تقصرون على جهودكم الطيبه بأفاده الاعضاء

دمتم بخير

["مجرد علامة"]

العفو يا اخي الغالي

واحنا تحت امرك





يارب عفوك