ممكن معلومات عن الهامستر
السلام عليكم
كيف الحال
انا دورت في واحد من محركات البحث عن معلومات عن الهامستر
وطلعلي هادا المنتدى الخطير
بصراحه منتدى ممتاز
وقلت اكيد راح الاقي المساعدهع منكم
انا اشتريت هامستر قبل اقل من شهر والبياع قاللي يمكن تكون حامل لانها والوحيده الانثى اللي كانت عندهم
وبالفعل طلعت حامل وولدت امس
وانا على طول رحت جري للمحل واعطاني فيتامينات للام وقالي حاول تبعدهم عن التكييف
بس بصراحه حسيت المعلومات اللي اعطاني هيه ما تكفي
ممكن لو احد يققلي ايش اعمل بعد كده ومتى اقدر اشوفهم وامسكهم
بعيدن في معلومه قريتها هنا في المنتدى انو لازم افصل الام عن الاولاد
لييش؟
ولو ما فصلتهم ايش راح يسير ؟
لانو بصراحه انا ما ابغا افصلهم
والفقص اللي عندي هوه خاص بالهامستر بس انا شايف انو الفتحات اللي فيه يمكن تكون واسعه على الصغار واخاف يخرجو منها وفين الاقيهم بعدين
بليز اذا في اي معلومات عندكم ياريت تزودوني بيها حتى لو معلومات صغيره
وشكرا مقدما
|