بعض الأسئله

[ابو فوزان]

بسم الله الرحمن الرحيم

السلام عليكم ورحمة الله وبركاته

عندي بعض الأسئله انا ناوي اشتري محاكر واحط فيها حمام بس انا ودي اتاجر في الحمام
يعني وش رايكم انا افكر اني اشتري انواع مثل الباكستاني القطيفي يعني انواع طيار وزينه وابي مثلا كل ماينتج بعض الأجواز اللي عندي اروح ابيع الأنتاج بس عندي كم سؤال متى يصبح الطبه جاهزه للبيع وبكم ابيع الطبات يعني هل كل نوع يفرق بسعره ولا كلها سعر واحد بس اتوقع تفرق لأن مثلا ابيع طبات من الباكستاني هذي سعر لحالها وطبات قطيفي سعر لحالها وطبات زينه هذي سعر لحالها ومتى يصير عمر الحمام اللي اني اقول ان الحمام طبات وهل البيع بالجوز لطبات ولا وحده وحده

واذا بغيت يعني بعض الأجواز الين يبلغ كم ياخد وقت الين يبلغ

ياليت تفيدوني وانا راح اشد الرياض يعني ياليت تقولون كيف الأسعار عندكم وابي اعرف كم حراج حيوانات هناك واحد ولا اكثر من واحد وابي اعرف وين مكان هذا الحراج بالظبط ومتى ايام الحراج

وابي اعرف محلات الحيوانات وين يعني محل حيوانات وعنده مشارب ومحاكر

اخر سؤال هل اذا اشتريت حمام زينه مثل الرقاص اللي هو الشماسي او انواع زينه اخرى هل عادي يعني يبيض ويحضن البيض ويفقس مثل الحمام الطيار ولا في فرق

ياليت تفيدوني واكيد ماراح تقصرون

[رائد ملكاوي]

1. اول شي انت جاوبت روحك بانه الاسعار من نوع لنوع تختلف بالسعر، وحسب عمرها وحسب نقاوتها واصالتها وحسب المنطقه كلها عوامل تأثر بالسعر
2. تقدر تشتري جوز او حبه وتقدر تبيع جوز او حبه وحده.
3. حمام الزينه يبيض ويفقس ويطعم مثل الحمام العادي.
4. وقت بلوغ الحمام من 5 شهور لغاية سبع شهور.

[العتيبي2011]

هلا اخوي

تبي تتاجر مايصلح لك محاكر خذه مني

ودكك باتناج صندقه كبيره تربيه جماعيه

تبي شيء يتصرف بسرعه الحمام الطيار

وخصوصا اذا كان مستوى طيب جدا

يعني تيدي والانواع كثير

والقطيفي معروف سوقه في الصيفيه وخطوه حلوه

انتبه من المحلات لانه بعض الاحيان حمامهم مريض

انتبه واناااا اخوك تنغش وتشتري ممجموعه

انااا معك تتشتري مجموعه لكن بعد ماتفحصه كله

اناااا اخبر الرياض الاسعار رخيصه لكن والله ماااقدر اجزم لك ياخوك

المحلات ماااقدر واي ورجوااا من الاخوان لايذكرون المحلات عبر العااام

علشان ماتصير اعلان لهم

واسمعني زين

حين تشتري الحمام

خذ له مقويات عاااامه

واحسب حسابك اناااا رااااح يجيك امراض

اذا اخذ الحمام دفعه واااحده عطهم مقويات عامه حين تشتريه

اذا شترية مره ثانيه لاتدخل الحمام الثاني على حمامك الاول

الا حين تعطيه مقويات وتخليه يوم الى يومين معزول علشان يبين لك المريض

من الزين

الانتاااج غالبا او شهرين راااح يتاخر

لانه عشه جديده

واذا تعرف احد عنده حمام خذ منه الحمام يلي في العشه

لان الحمام متوالف مع بعض

ويعرف بعض

ولاراااح ياااخذ وقت في الانتاج

خل الحمام الباكستاني في صتدقه

والقطيفي في صندقه

وانصحك نصيحة اخو لاخوه

لاتشتري زينه الا لماااا تعرف كيف تتعمل

مع الحمام صح

مع العلم ان الحمام الزينه ياخذ وقت في التصريف

واي استفسار اسئال وابشر بلي يجيبك

[رائد ملكاوي]

والله يا اخوي العتيبي انت مدرسه واحنا عندك كلنا تلاميذ
لا يفتى والعتيبي في المنتدى

[العتيبي2011]

المشاركة الأصلية كتبت بواسطة رائد ملكاوي

والله يا اخوي العتيبي انت مدرسه واحنا عندك كلنا تلاميذ
لا يفتى والعتيبي في المنتدى

هذا من ذوقك طال عمرك