استفسار -- كاسكو -- امازوني--شسوي؟

[غزوان Ghzoan]

السلام عليكم اخواني

انا الى الان جبت 3 كاسكو

الاول كان متوحش سنه وبعته

والثاني بعد سنه ونص صار يتكلم كثير كلمات بس متوحش ويخاف من خياله ويجعر -- ورجعته

والثالث صارلي معاه اسبوعين ومطول بالي معاه كثير ... بس ما يخاف بس مني اي حد عادي ..

وبصراحه انا عارف الكاسكو صعب بالتدريب بس حسب ما فهمت انه افضل واحد بالكلام وكان في بيت جدي واحد بقى معهم 20 سنه بس كان شي عجيب كانه بشر معك في البيت الله يرحمه..

الان هل تنصحوني بالتغير الى الامازوني ؟؟؟ شكله اكيد احلى و انواعه كثيره ... لكن هل ترويضه بالفعل اسهل من الكاسكو ؟؟؟ هل يتكلم مثل الكاسكو ؟؟

والله محتار ابي ببغاء سهل ويطلع على يدي واللعب معاه تعبت صارلي ثلاث سنوات وانا تعبان بهل سالفه

وكل عام وانتم بخير ياارب

تحياتي
وحبي ’,’,’,’

[Tony1]

اولا

كل عام وانت بخير

اخوي انا الي اعرفه ان الامزونيات اسهل في الترويض من الكاسكو

ولكن لا يعني ان الكاسكو صعب الترويض بالعكس ..

ومن ناحية الكلام .. معروف افضل ببغاوات العالم في الكلام هم الامزونيات بدون منافس
ولكن مو كل الانواع .. بس ال ( يلو ناب - دبل يلو هيد - بلوفرنتد )
هم المعروفين بالكلام غيرهم صعب جدا تلقينهم بحسب معرفتي ..

واذا ناوي تاخذ واحد .. انصحك بالبلوفرنتد اسعاره حلوه ومناسبه

بالتوفيق في اختيار طيرك

[999 سالم]

أنا أشوف أن الكاسكو أسهل بالترويض

لأن الأمزوني سريع الحركه وبسرعه يعض

الأفريقي يفتح منقاره ثم يلتفت الى يدك ببطئ

لآكن الافريقي يطول ترويضه شوي لأنه لايثق بسرعه

الامزوني اقل حذر من الأفريقي خفيف على طول يضبط معك اذا تعطيه قطع فواكه تفاحه موزه

عنب تمره اي شي حلو بس وترويضه بالاكل

انصحك اذا ماتحب الترويض تشتري فرخ كاسكو او مزوني وتعجنه على كيفك

[غزوان Ghzoan]

الكاسكو تعبت منه حتى بديت اكره احسه ما يفهم ..وغبي ... اعتني فيه واحك له راسه وبعد ساعه كانه ما يعرفني ويجلس يخاف والله جنني .....

بعد العيد ان شاء الله ابيعه مع اني شريته تقريبا 3700 ريال سعودي 1000$ .. لانه من اخذته كان اليف ويطلع على اليد ... من اجا البيت صار اسد علي وبديت اكره والله

[999 سالم]

المشاركة الأصلية كتبت بواسطة غزوان Ghzoan

الكاسكو تعبت منه حتى بديت اكره احسه ما يفهم ..وغبي ... اعتني فيه واحك له راسه وبعد ساعه كانه ما يعرفني ويجلس يخاف والله جنني .....

بعد العيد ان شاء الله ابيعه مع اني شريته تقريبا 3700 ريال سعودي 1000$ .. لانه من اخذته كان اليف ويطلع على اليد ... من اجا البيت صار اسد علي وبديت اكره والله

أكيد كأنه مايعرفك لأنه أكيد له أقل من شهر عندك صح ؟

أو عندك أطفال مزعجينه او غيرك يخوفه بيدينه

أو مكانه غير مرتفع عن الارض ب 3 متر

اذا كل أحتمالاتي خطأ أصبر عليه وحط في اصبعك مربى فراوله او توت اذا كان يعض اثناء الحك

[غزوان Ghzoan]

صارله عندي ثلاث اسابيع ----- صح

الاطفال ما يخاف منهم وياكل منهم وشكله يحبهم ---- والاطفال مو قريبين عليه قليل يشوفوه

مكانه مرتفع تقريبا 2.5 والقفص مفتوح ويطلع يوقف على القفص من فوق...

جنني بالحكه وتنتيف الريش---