اغوانتي توحشت

[ensaf]

السلام عليكم
كيفكم؟؟

عندي سؤال الحين اغوانتي صغيرة ماعرف كم عمرها بس طولها 12 سنتي متر تقريبا من غير الذيل
اول ما اشتريتها كانت عادي اشيلها وتركب فوق راسي بس ثلاث ايام كذا واستوحشت سارت تخاف مني تخمشني لمن اقرب احط لها اكل مثلا تنفخ ذاك الشي الي تحت فمها :20:
دابي اعرف ليه؟؟

بقولكم انا كيف اتعامل معها لو فيه شي سويته غلط
اول ما شريتها قريت انو لازم احطها بمكان هادي ومافيه ناس كثير عشان لا تخاف سويت كذا
وحطيتها بغرفتي بس قالولي انو يمكن هذا سبب توحشها انها كانت في المحل حولينها ناس يروحون ويجون جيت انا عزلتها بس خلاص سارت تخاف من كل الناس ما اقدر اطلعها بمكان فيه ناس اخاف تموت علي من الخوف خصوصا انو عندي بسة ومرا تخاف الاغوانا منها والبسة مرات تضرب قفصها وتدور حوله
اممم اي والاكل انا اكلها خس بس جربت احط لها اكل ثاني بس ما تاكل ابدااا والترويش مرا روشتها وخمشتني وتهرب مرا خايفة وحتى سرت ما ارش قفصها بموية عشان لا يسير لها شي من كثر ما هي خايفة
وانا حالينا مخلياها تمشي على راحتها بغرفتي من دون قفص عشان تتعود شوي وصح غرفتي مرات تسير باردة لمن انام كذا 26 درجة الحرارة باردة ولا عادي ؟؟

بليز ابي اعرف كيف تسير تحبني وتاكل من يدي لانها اول ماجات كانت تاكل من يدي الحين مستحييييل

[ملكة طيور]

انا سألت واحد من اللي يبيعوا الاغوانا وقال لي ان اذا اهملت الاعوانا تعضك وتضربك
ممكن انت ما وفرت لها اكل كويس او شي كذا يعني على ما اظن ان المسأله مسأله اكل وفر لها شي تحبه
ولا تخليها في الغرفه مع المكيف لازم رطوبه بالحوض ضروووري
ممكن انك تطلعها من الحوض ولم تكون موجودة برا الحوض رش الحوض بالمي وبعدين دخلها حوض

[Octopus]

اضني صرات كدي بسب قطوتك المفروض تتاكد حتى لا يدش اي انسان او حيوان يعتبر غريب بنسبة لها

و ثانيا الاغونا من زواحف المتغيرة الحرارة و تعيش في بيئات رطبة