بعض الاسئلة على جروي

[حيواناتي7]

السلام عليكم
اخواني انا عندي جرو صغير يتراوح عمره بين شهرين الى اربعة لكن مشكلته انو يعض كثير اكيد هو يلعب بس عضه قوي و مع أني جبت له العاب عشان يعضه بس نفس المشكلة ايش اسوي معاه ؟؟

وانا مااربطو اخليه يدور حول البيت كمان في الحديقة بس مشكلته فجأة القاه في البيت عل طول يدخل وراية اخواني تنصحوني اربطه واسيبه ساعة في اليوم ؟؟؟

اخواني ابرة ضد القرادة كم مدتها عشان انا سويتله الابرة ؟؟؟

انا راح يجي يوم و اسيبه تعتقدون انو راح يتأثر والله اني خايفة عليه وناس الي راح اخليه عندهم راح يربطوه عشان كذا ابغا اعوده

وشكرا لكم

[m6n65]

اخوي كلبك من ناحية انه يعض عادي لانه باقي صغير ويحب يلعب وترى الكلب لو عضك كسر اصابعك لاكن الي يعضك حقت لعب

واذ تقول يدخل وراك خليه مربوط في الحديقة حبل طويل يعني مترين عشان يلعب على راحته وخلي المورية عنده واالاكل

والكلب راح يتاثر لمى تتركيه لاكن راح يتعود خلال اسبوع يعني لاتشيلين هم

[fjvs]

بخصوص العض فهذا شي كويس وعوده على انا يعض مثلا قماش وخلها بايدك واسحبها على شوي شوي على اساس انه يقوى فكه ,, وبخصوص الربط فهي مهب مشكله لانه ماتعود ,, اربطه بالمكان اللي راح يضل فيه والا الشبك وخله ,, حتى لو يبدا ينابح والا يصارخ لاتروح لمه علشان يتعود ,,

وحلو انه يعض من الحين ,, لان الصراحه انا عندي جرو والى الحين مايعض شي ابد ابد ابد ,,

[Abo_fahed]

وعليكمـ السلامـ ورحمهـ الله وبركاتهـ

انو يعض كثير اكيد هو يلعب بس عضه قوي و مع أني جبت له العاب عشان يعضه بس نفس المشكلة ايش اسوي معاه ؟؟

جروك عمره صغير واسنانه بتكون حاده »» كالسكين

واذا عضك اكيد بيعورك

والعض شي صعب نتحكم فيه خاصة في هالعمر »» فترة التسنين

وراح يخف العض بعد عمر الـ 6 شهور ويمكن تنقطع نهائيآ

لكن «« !!

تنقطع اذا منعته من الحين ومعالجة مشكلة العض تكون بالعض !!

عن طريق طريقة سهلة

وهي كالآتي .:

1 - تربط الجرو بالليش وتخليه جنبك و تنطر الجرو لين مايعضك واول مايعضك تصدر صوت »» Och

2 - تسحبه بشويش الى مكان مايقدر يوصلك فيه »» غرفة او القفص

3- تخليه لمدة ربع ساعه تقريبآ وبعدين ترجع تلعب معاه مرة ثانيه

وتكرر هالعملية كل مايعضك الى ان يفهم الجرو الآتي

.:[ تلعب معاي زين العب معاك ]:.

العملية تحتاج صبر و تكرار

وكذلك بنفس الوقت قبل لايعضك دائما عطه العضاضات يعضهم

لان الجرو في فترة تسنين واسنانه تعوره وتحكه

خاصة بعد الأكل

--

خواني ابرة ضد القرادة كم مدتها عشان انا سويتله الابرة ؟؟

مافي شي اسمه ابرة للقراد

انت تقصد الـ Front line

وهي شبيهة بالـ ابرة يتم كسرها من رأسها وصب السائل على رقبة الجرو

--

انا راح يجي يوم و اسيبه تعتقدون انو راح يتأثر والله اني خايفة عليه وناس الي راح اخليه عندهم راح يربطوه عشان كذا ابغا اعوده

اكيد راح يتأثر

ويفقد شهيته وبعض الاحيان في كلاب »» تمووت

اذا فكرت تطلقه انصحك انك توديه لـ جمعية الرفق بالحيوان

ولاترميه بالشارع

--

تحياتي ..

[namia]

تمنياتى لك وللاخوه بالنجاح فى التربيه والاهم التدريب

[حيواناتي7]

m6n65
شكرا لك اخوي على الافادة

fjvs
جزاك الله الف خير

Abo_fahed
جزاك الله خيرا بس عمي وداه للبيطري واعطها ابرة وقال هي ضد القرادة

namia
شكرا لك اخوي