طريقة تربية الفرخ؟ حل لقتل الفروخ؟

[Soldats]

السلام عليكم ورحمة الله وبركاته

عندي سلاكتين فيهم نفس المشكلة.. مقاس السلاكة متر في متر.. ارتفاع 80 سم.. يعني كبيرة نوعاً ما

حطيت فيه السلاكة الأولى 7 أزواج زيبرا باكستاني (مات منهم ذكرين) فصار عندي 5 أزواج + 2 اناثي
الحمد لله كلهم أنتجوا تقريباً في دورة الانتاج الأولى
نزل من العش 9 فروخ.. 6 منها ماتت بسبب انها تضرب حتى الموت. 3 منهم ما أحد يضربهنم... بالعكس كل الازواج تهتم فيهم.. لكن فجأة تركوهم ومات 2 وبقي واحد عزلته مع انثى حاضنة والحمدلله الان بصحة ممتازة.

الآن دورة الانتاج الثانية.. 12 فرخ والحمدلله
لكن 3 منها اخرجت من الاعشاش وقتلت وهي في عمر اليومين.

السلاكة الثانية نفس المقاس
فيها زوجين زيبرا كرست + انثى
6 فروخ.. قتل منها 4 وبقي 2 عزلتهم والآن بصحة ممتازة. والآن فقست كم بيضة جديدة من دورة الانتاج الثانية.


طبعاً دورة الانتاج الأولى كانت قبل رمضان وكنت مسافر شهر كامل .. موفر لها الجو والتغذية المناسبة. ويوم رجعت تفاجأت بالمجزرة.. ولحقت على الي مكني الله عليه.



والحين ناوي اربي الانتاج الحالي بنفسي (حوالي 10 فروخ الان).. اخذها برا السلاكة وأربيها أخليها أليفة.
لكن ما أعرف عن التربية أي شيء وياليت تفيدونني بخبرتكم عن كيفية الاطعام؟ وماهو الطعام؟ وكم ساعة اجلس بين كل اطعام واخر؟
وهل هناك نصائح للمكان الي احتفظ فيهم؟ العش؟ أو علبة أو أي شيء؟
ماذا عن الاضاءة والتدفئة؟

[منتج الكرست]

عزيزي إذا الفروخ تفتح فمها لك شي ممتاز وإذا ما تفتح فمها لك رجعهم الحظيره على امل احد الطيور يحن عليهم ويأكلهم

بالنسبه لنوع الأكل او الخلطه .......هناك خلطات خاصه لفروخ الزيبرا لن تجدها في محلات الطيور ولا البيطره لو تجلس تفحط ...لكن ما ابغى احبطك اذهب وابحث بنفسك ...متوفره في دول الخليج وخاصه البحرين والكويت

احتمال تحصلها في سوق القطيف الشعبي ...لكن مش حالك بالسيريلاك يؤدي الغرض

الطريقه خذ لك السرنجه العاديه واشبك فيها هوز المغذي حق المستشفى او هوز فلتر حوض الأسماك واشبكه فيها وغره من 4 إلى 5 مرات في اليوم الله يعينك قدامك اكثر من شهر وانت تغر بشكل يومي راح تكره حياتك

اسئل مجرب

[Soldats]

افهم من كلامك انه تربيتهم متعبه؟

طيب وش الحل؟

[kornet]

يا هلا الغالي
طالما يقتلون الفروخ فمعناه ان المكان ضيق عليهم
او البيوت الي يعششون فيها ناقصة او شي ناقص عليهم
الزيبرا طير اجتماعي لأبعد حد وما يقتلون الفروخ الا لظرف معين
لأن اكثر من مرة يموت من عندي طير وعنده فروخ يقومون الباقين
بتربية فروخه وبشكل طبيعي بعد
المشكلة في القفص و البيوت الي يعششون فيها او في ضيق المكان
اذا تحط لنا صور الغالي نقدر نفيدك اكثر..

[Soldats]

الله يجزاكم خير على المساعدة

هذي الصورة
http://www.2zoo.com/vb/showthread.ph...72#post2154272

[kornet]

يا هلا الغالي
مساحة القفص جيدة نسبيا..
اعزل الذكور الزائدة "الي ماعندهم اناث"
وطلعهم بره القفص.. وزيد لهم الاعشاش
وانشالله ماراح تتكرر المشكلة عندك

[kornet]

نسيت اقولك تأكد ان الذكور الي تفصلهم تأكدهم انهم بلا اناث
يعني ما عندهم لا اناث ولا فروخ

[Soldats]

المشكلة أني زودت أعشاش.. ولا نفع..

بالنسبة للذكور.. عند زيادة بالاناث
انثتين بدون ذكور

[Soldats]

ماتت 4 فروخ

[Soldats]

باقي 6 من أصل 17
شكلي راح احول من تربية في سلاكة الى تربية أقفاص
أول أبيعهم ويطلعون من ذمتي