فكرة جديده اتمنى تنجح انشاءالله لتعم الفائده

[ماكسيموس]

السلام عليكم ورحمة الله وبركاته

اليوم رجعت من الدوام وشفت الكاسكو الافريقي حده تعبان وعلى طول شفت كوب الاكل لقيته مو ماكل شي ،، ولقيت عنده اسهال اجلكم الله .

جربت معاه كل شي و صرت اعطيه الاكل بيدي وكان رافض ياكل وصرت اكسر له الحب بيدي واعطيه وهم ماياكل .

رحت وكسرت الحب بيدي مع الفول السوداني مع الشعير ومع الذره وطحنتهم وحاولت اغره وهم ماكان راضي ياكل وظليت اغصبه وكان يطلع الاكل من حلجه مالقيت اي طريقه

بس لقيت فكره وتوني رحت الصيدليه وقلت للصيدلاني ابي شراب مغذي بحيث ان الشخص لو ما اكل شي هذا الشراب يعوضه لو بنسبة خمسين بالمئه على الاقل فعطاني شراب وقالي ان فيه فيتامينات ومعادن وانشاءالله يعوض لك كل شي .

طبعا طلبت الدواء لطفل عمره شهر على اساس اعطيه للببغاء الي عندي .

وانشاءالله مايصير شي بالطير وابي اجرب التجربه هذي الحين لاني لاحظت ان الببغاء رافض ياكل وبس يشرب ماء وبس ففكرت في هذي الفكره وانشاءالله اذا صار في اي تطورات يارب ابي اخبركم يا شباب

ادعولي الله يخليكم

ومشكورين

[ماكسيموس]

وضعت خمسه ملي من المكمل الغذائي والذي يحتوي على عدد 22 فيتامين في سعة كوب ماء وبعدها وضعتها في كوب الماء الخاص بالطير --------- لأنتظر النتائج ----- ادعولي
اسم الدواء pediakid

[عادل عبدالله]

اللهم ياارب تتوفق فيها

تحياتي....

[أحبك توتو]

يا رب تتوفق و يتشافى طيرك

[ماكسيموس]

مشكور يا عادل ومشكور يا احبك توتو

[..{ Ė๓ǻ]

الله يشفيـه يآرب
ولو عندك مآء زمزم آعطه يمكن تكـون عين

[علي303]

مشكووور

[Animal-5-Lover]

| فينكْ ما عاد تنشافْ ، اخر مرة شفتك 2008 اذكر

الله يوفقك ..

وان شاء الله طيركْ يقومْ بِ السلامة

واعجبتي سرعة تفكيرك وتصرفك ، ما شاء الله ^^
الله يحفظه لكْ




بِ التوفيقْ أخوي
.

[ماكسيموس]

ههههههههههههه
من طار عني هذاك الطير وانحاش بسبب عين الشايب ومات عندي طيرين ابتعدت عن الطيور فتره لاني تضايقت حييل

والحين رجعت توني من جم يوم بس احس عين هذاك الشايب مو راضيه تفج عني الله لايوفقه

[alsindrella]

ان شالله طيرك يتعافى
فكره لا بأس بها
ان شاء الله خير
لكن 5 مام جرعه كبيره
كنت خليها 2 و نص او 3 بالكتير
و يا ريت تكون كميه الماء كبيره
حتى لا يكون التأثير قوى عالطير و يصير سلبى مو ايجابى
و الله اعلم