طير جديد

[النينو]

السلام عليكم ورحمه الله وبركاته انا صديقكم النيو حاب اشاركم واستفيد من خبرتكم اشتريت بغبغاء غيني قبل اسبوعين فى البدايه كان خايف ويجعر وذحين هادي ياكل من يدي ومن اخواني واقرامسح على راسه واحيان يصفر بس بعض الاوقات يخاف ويهرب مني ساعدوني كيف ادربه واخليه يطلع على اليد ومايخاف من احد

[falo]

ستجد كل ما يسرك هنا :
http://2zoo.com/vb/showthread.php?t=170169
من مبتدئ الى خبير

[الفيصل22]

اخوي ماراح اقولك قال فلان او عمل فلان

انا شي جربته بنفسي

هذي خطواتي ونجحت 100%

شريت الطير قبل اربع تقريبا

كان يتردد بالصعود على اليد ومرات يفتح فمه يدافع عن نفسه ومتخوف

بعدها اتبعت الاتي

1- جلست معاه اوكله واخليه يعرفني لمدة يومين.

2- طلبت منه الصعود على يدي وانا اقوله (فوق) بتكرار ورفض.

3- جبت عصاء بيدي وجبرته على الصعود فوق العصاء وقام يعضضها وطلع وانا اقول (فوق) بتكرار وهدوء ولكمة (عيب) اذا عض العصاء

4- حطيت يدي وطلبت منه يطلع على ايدي وانا اقوله (فوق) بتكرار واذا فتح فمه ابعد يدي بهدوء علشان مايخاف واقوله (عيب) بعدها طلع على ايدي.

5- رجعته فوق القفص وطلبت منه الصعود على ايدي ورفض وكررت العملية اللي فوق.

6- بعد اربع عمليات من الخطوات اللي فوق (3-4-5) حطيته فوق القفص وحطيت يدي وقلت له فوق ومباشرة رفع رجله وطلع فوق يدي.

7- جيت امسح على راسه وظهره وانا اقول ( راسك ) فتح فمه ورجعت يدي بهدوء وقلت له عيب بتكرار والطير فوق يدي الثانيه

8- بعد تقريبا 3 محاولات نزل راسه ومسحت على جسمه كامل ولا قال شي.

9- رجعته فوق القفص وجربت ثاني مره وثالث ورابع الى حد ما صرت اقوله راسك ويمسع كلامي ويثبت راسه لي بدون مقاومة.

10- نزلته فوق القفص وقلت له راسك وخاف من يدي وكررت عليه (راسك) واذا فتح فمه من الخوف اقوله (عيب) ثم مسحت على ساه وظهره وهو فوق القفص

11- كررت العمليات السابقة حتى اتأكد انه فهم والحمدلله حفظها

12- دخلته القفص وجبت يدي من برا القفص يعني مع الشبك وفتح فمه وقلت له عيب بتكرار وقلت له (راسك) بتكرار وقرب راسه لي ومسحت عليه وكافئته بفول سوداني


(على فكره وانا اطلعه على ايدي .. كان عندي اهلي واذا طلع على ايدي اليمين اول شاطر واهلي يصفقون له ثم احط يدي اليسار واقول فوق ويطلع ثم يصفقون له اهلي واقوله شاطر حتى الى درجة والله العظيم انه اذا طلع على يدي ووقف يرفر جنحانه علشان يصفقون له سبحان الله)

اليوم الظهر جيت اجرب نتيجة تدريبي امس

قبل اشيله قال اخوي انه فتح له القفص ورفض يطلع على يده جيت انا وقلت له فوق جلس يناظر فيني ورفع رجله يبغاني اقرب ايدي وطلع فوق يدي ثم قلت له راسك وتجاوب على طول الحمدلله


بضيف لك شي يمكن تقول مبالغ

والله العظيم ويمين بالله هذا ماحصل قبل قليل وانا اكتب الرد , الطير موجود عندي في الغرفة وانا جالس اكتب الرد سمعت صوت غريب رحت للطير ليته نزل تحت ويحاول يسحب كيس بنقاره ريب من القفص على طول طلعت فوق سوداني وخليته يشوف الفول ثم قفلت عليها بيدي قرب هو وفتح فمه يبيها طقيت يدي على العصاء اللي في القفص وقلت له فوق ووالله اني انبهرت لما شفته طلع فوق العصاء على طول والتفت لي كأنه يقول طلعت فوق يالله عطني وما رديته وعطيته

اخوي اذا تجاوب معاك بطلعت اليد استغلها فرصه خله لمدة دقيقة ثم نزله واطلب منه يطلع على ايدك على طول علشان يحفظ الامر

مو يطلع على ايدك ثم خلاص

لا اذا تجاوب هذا فرضة كررها بنفس الوقت اكثر من عشر مرات لحد ماتشوف انه خلاص حفظها ثم اصبر ربع ساعه او عشر دقايق وجربها معاه وبتشوف هو حفظها او لا