محتار بين الكنق سنيك والكورن سنيك

[jassim99]

السلام عليكم
محتار شنو اشتري حصلت كنق سنيك لونها ابيض و اسود
وحصلت كورن سنيك وحده لونها مايل عالابيض اكثر و وحده لونها مايل للأحمر اكثر
ابي اعرف عن تربيتهم وهل هالانواع شرسه ؟ او سامه ؟

ولا اشتري برميس بايثون البينو احسن ؟

للعلم كلهم طولهم متر تقريبا او اقل شوي...

[الخيّال]

الكنج سنيك والكورن سنيك تكبرون ببطئ اما البورميس تكبر بسرعة يعني خلال سنة ممكن يزيد طولها 80%

واهم شي لا تاخذ طول اقل من متر مهما كلن النوع عشان يكون توفير الاكل سهل

ومن ناحية الهداوة كلهم هادين وغير سامين

[|| PyTHoN ||]

امممم انا رايي أنك تنوع و انت عارف عاد ^^

و أفضل الكنق سنيك ، شوف فيديواتها بيوتيوب و تعرف ليش اسمها كنق
تربيتها حلوه و حتى ماشالله تاكل اي شي ، فيران كتاكيت سحالي حيايه
و لونها حلو مميز ~

لكن بالأول و الأخير أخذ الي انت تبيه ،،
مو تاخذ شي و يكون مو عاجبك او شي ^^"

و موفق انشالله

[jassim99]

دشت خاطري الكنق بس الي لقيتها طولها من ٦٠ لي ٧٠ سانتي
وسعرها أغلى من البرميس الالبينو
انصدمت من السعر بس هل تسوى سعرها ولا اخذ البرميس احسن ؟
حدي محتار

[|| PyTHoN ||]

ولله الي يعجبك ^^
الأثنين حلوين و انت عارف شلون تربيتهم أكيد ^^"
اختار الي تقدر تهتم فيه أحسن و عاجبك أكثر

[سمكه صغيره]

من حقك تحتار
كلهم الوانهم حلوهو اطوالهم معقوله
بس انا لو شفت الكورن سنيك باخذها بدون تفكير لان خاطري فيها من زمان خاصه لو لونها برتقالي
اهتمامي بالبورميس و البول بايثن والكورن سنيك ما خلاني اهتم بباقي الثعابين
<<<<رايحه تسوي بحث باليو تيوب عن الكنق

[jassim99]

الكنق عجيبه صدق بايثون والله
تاكل ام جرس صدمتني
بس المشكله ان الي أنا لاقيها طولها ٧٠ سانتي وايد سعرها غالي
سعر بورميس البينو و نص ههههه

[|| PyTHoN ||]

شوف من ردودك أنا حاس ان بخاطرك الألبينو بورميس أكثر ^^
مادري شقولك انت بهالشي ما ينفع تاخذ راينا ~

تاخذ راينا بمشكله مثلاً ، بس هني انت بتختار الحيه ، أصلاً ما يحتاج نخيرك
بينهم ، انت اخذ الي تبيه مثل ما قلت ، و السعر مافي حل له ، إن عاجبك
سعرهم أخذ مو عاجبك مو مجبور تاخذ ^^

موفق ~

[jassim99]

والله يا بايثون انا بخاطري الكنق اكثر بشوووويه بس الي رادني اني اشوف ان سعرها مبالغ فيه....