سوال مهم عن الدجاج

[فنيو]

السلام عليكم . كل عام وانتم بخير وعيدكم مبارك وعساكم من عوادة

سوال محيرني . جزا الله من اجابني اجابه كافيه شافيه عنه. سوالي:

هناك نوعين من الدجاج البلدي:

بياض: البياض يبيض باستمرار من دون مواسم ولايحتاج ديك للتبيض صحيح؟. ايضا اذا حبيت انتاج لازم يكون معاهم ديك لاكن هل اذا معاهم ديك يرجنون على البيض؟ اذا لا. كيف نسوي انتاج؟


لاحم: اللاحم يبيض بمواسم ويرجن على البيض لاكن عيبه مايبيض الا بمواسم. وش المواسم الي يبيض فيها.


انا الان بصدد اختراع فقاستي الخاصه من تصميمي وحريص ان تكون المواد الاسايه بسيطه ومتوفره بكل بيت. اذا خلصنا باذن الله بنشارككم فيها . ارجو الدعاء وشكرا للجميع على المشاركه

[زمن الوفى]

بياض: البياض يبيض باستمرار من دون مواسم ولايحتاج ديك للتبيض صحيح؟



عليكم السلام ورحمه الله وبركاته
وانت بخير وبصحه وسلامه
يسعدني ان اكون اول من يرد عليك
انا اعترض ع هذا الكلام الدجاج مستحيل يبيض بدون ديك وانا جربت هالطريقة وطلع ان الدجاجه مستحيل تبيض بدون ديك
موفق

[بيلز]

السلام عليكم ورحمة الله وبركاته الدجاج البياض يبيض بدون ديك وكل الدجاج يبيض بدون ديك بس المشكلة مايكون مخصب <<<< يعني ما يكون فيه فراخ يعني مافيه انتاج بدون ديك وهاذا البيض الغير مخصب يسمونه بيض مائدة يعني تقدر تاكله والبيض المخصب تجمعه الدجاجة الى ان يكمل العدد<<<عدد البيضات احيانا4 او 12 او10 او13 وبعدين ترجن عليهم 21يوما واحانا تخرج من عشها <<< امر طبيعي لا داعي للخوف) لتشرب الماء وتاكل
وانتهينا . لو بغيت شيئ انا موجود

[فنيو]

المشاركة الأصلية كتبت بواسطة بيلز

السلام عليكم ورحمة الله وبركاته الدجاج البياض يبيض بدون ديك وكل الدجاج يبيض بدون ديك بس المشكلة مايكون مخصب <<<< يعني ما يكون فيه فراخ يعني مافيه انتاج بدون ديك وهاذا البيض الغير مخصب يسمونه بيض مائدة يعني تقدر تاكله والبيض المخصب تجمعه الدجاجة الى ان يكمل العدد<<<عدد البيضات احيانا4 او 12 او10 او13 وبعدين ترجن عليهم 21يوما واحانا تخرج من عشها <<< امر طبيعي لا داعي للخوف) لتشرب الماء وتاكل
وانتهينا . لو بغيت شيئ انا موجود

وعليكم اخوي بيلز: عيدك مبارك

شكرا جزيلا على الشرح الكافي والوافي وماقصرت بيض الله وجهك. السوال الي محيرني كيف افرق بين اللاحم والبياض بالشكل يعني اذا عندك صور اكون لك من الشاكرين


السوال الثاني واتمنى المساعده فية وش مواسم التبييض لللاحم؟

وشكرا للمساعدة

[فنيو]

المشاركة الأصلية كتبت بواسطة زمن الوفى

بياض: البياض يبيض باستمرار من دون مواسم ولايحتاج ديك للتبيض صحيح؟



عليكم السلام ورحمه الله وبركاته
وانت بخير وبصحه وسلامه
يسعدني ان اكون اول من يرد عليك
انا اعترض ع هذا الكلام الدجاج مستحيل يبيض بدون ديك وانا جربت هالطريقة وطلع ان الدجاجه مستحيل تبيض بدون ديك
موفق

شكرا لك اخوي انا عندي بياض يبيض بدون ديك

الله يسعد ايامك اخوي

[ملينيوم]

ياعزيزي الدجاج فطرته انه يحضن بيضه

يعني لاتخاف وتوكل على الله وموفق بمشروعك

[صمت الأمل]

المشاركة الأصلية كتبت بواسطة فنيو

السلام عليكم . كل عام وانتم بخير وعيدكم مبارك وعساكم من عوادة

سوال محيرني . جزا الله من اجابني اجابه كافيه شافيه عنه. سوالي:

هناك نوعين من الدجاج البلدي:

بياض: البياض يبيض باستمرار من دون مواسم ولايحتاج ديك للتبيض صحيح؟. ايضا اذا حبيت انتاج لازم يكون معاهم ديك لاكن هل اذا معاهم ديك يرجنون على البيض؟ اذا لا. كيف نسوي انتاج؟


لاحم: اللاحم يبيض بمواسم ويرجن على البيض لاكن عيبه مايبيض الا بمواسم. وش المواسم الي يبيض فيها.


انا الان بصدد اختراع فقاستي الخاصه من تصميمي وحريص ان تكون المواد الاسايه بسيطه ومتوفره بكل بيت. اذا خلصنا باذن الله بنشارككم فيها . ارجو الدعاء وشكرا للجميع على المشاركه

وعليكم السلام ورحمة اللهـ وبركاتهـ ,, أهلا وسهلا فيكـ .



أول شيء أقول اللهـ يوفقكـ ويتمم لكـ مشروعكـ على خير .



لكن حبيت أسألكـ : هل عندكـ خبرة بتفقيس بيض أي نوع من الدجاج ؟؟



لأن الدجاج البياض أو اللاحم حساس جدا ويحتاج عنايهـ خاصة وحظيرة مغلقة عشان تحافظ على درجة حرارة ورطوبة ثابتهـ ,,



لأن اذا تغيرت هالحرارة أو الرطوبهـ إما ان الدجاج راح يوقف من الإنتاج أو يصيبها أمراض خطيرة أو لاسمح اللهـ تموت .



اذا ماعندكـ أي خبرة ابدأ بتجربة تفريخ بيض الدجاج البلدي العادي بفقاستكـ الخاصة لأنهـ أقوى مناعهـ ويتحمل وعشان ماتتخسر في الدجاج البياض ثم لاقدر اللهـ تخسرهم .



الدجاج البياض أو اللاحم هو نوعهـ واحد ,, أنت اللي تحدد تبغاهـ للحم أو للبيض وموسم إنتاجهم على حسب وقت تفريخهم,,



يعني اذا تبيهـ للحم لازم تربيهـ وتسمنهـ بأسرع وقت ممكن قبل مايكون بالغ ويصير لحمة يابس وغير محبذ ثم تذبحهـ تقريبا بعمر 6_7 أسابيع الى 12 _14 اسبوع.



أما البياض فتربيهـ وتعطيهـ فيتامينات ومحفزات للتبييض وتخليها تبلغ ومايحتاج ديكـ عشان يبيض . وتبيض لكـ الدجاجات الى ان ينتهي البيض اللي داخلهم وتبدلهم بدفعهـ ثانيهـ ,,



وفيهـ أيضا مشاكل راح تواجهها ,, فلازم تكون على دراية بها :



أولا : الدجاج اللاحم أو البياض تجي عندهـ ظاهرة الإفتراس كثير ,,



ثانيا : الدجاج كلما كثر عددهـ كلما زادت فرصة إصابتهم بالأمراض .. فلازم تكون عندكـ خبرة بأمراضهم الفيروسيهـ والبكتيريهـ مثل الرشح والنيوكاسل والكوريزا والكوليرا وغيرها كثييير ..



فأحسن حل لمشكلة الأمراض انهـ يكون عندكـ بيطري قريب عندكـ ,, عشان يدلكـ على العلاج وحل بعض المشاكل وأيضا التحصين .



ثالثا : لازم تفقس لكـ كميهـ كبيرة لأن لازم يكون فيهـ وفيات وتخسر بعض الأعداد ,, فيكون العدد اللي تخسرة مايأثر على العدد الكامل اللي عندكـ .



رابعا : لازم يكون عندكـ مبلغ محترم عشان العلف ,, لأن في البداية الكتاكيت تكون صغيرة وماتستهلكـ كثير ,, لكن كلما كبرت كلما زادت كمية الأكل ولازم تاكلهم صح عشان ينتجون لكـ .



وإستهلاكهم راح يزيييييييد جدا ,, وأيضا راح يكبر حجمهم فيبي لهم مساحة كبيرة عشان ياخذون راحتهم .



اذا عندكـ مزرعهـ خاصة أو استراحة ممكن تربيهم فيها .



خامسا : لازم تشتري لهم الكالسيوم عشان ماينتجون بيض بدون قشر او يكون بيضهم ضعيفهـ قشرتهـ .



ممكن تعطيهم قشر البيض بعد سحنهـ أو كالسيوم في الماء او لسان البحر بعد سحنهـ .



هذا اللي يحضرني حاليا وأعتذر لكـ على الإطالة ,, لكن واللهـ ما أبغى أحد يسوي شيء الا وهو عارف وش قدامهـ عشان تستعد وتجهز نفسكـ وماتتفاجأ بأمور ماكنت تعرفها ثم لاقدر اللهـ تخسر مشروعكـ .



وأي نقطة غير واضحة أو عندكـ إستفسارات أخرى تفضل بطرحها ,, بإنتظاركـ ,



تحياتي لكـ .

[زمن الوفى]

المشاركة الأصلية كتبت بواسطة فنيو

شكرا لك اخوي انا عندي بياض يبيض بدون ديك

الله يسعد ايامك اخوي

العفوووو بس انا جربت هالطريقة ما بيضه الدجاجه ممكن يكون الدجاج مو بياض يعني لاحم
كان عندي دجاجه ومعهن ديك ومات جميع الدجاج بس بقت دجاجه وكبرت واشتريت يعني فروج 3دجاج وديك والديك لسى ما بلغ ما بيضت الدجاجه إلا بعد ما بلغ الديك
بس كيف افرق بين الدجاج البياض والاحم؟

[بيلز]

اخي العزيز السلام عليكم ورحمة الله وبركاته وكل عام وانت بخير انا حبيت اقول ايلك اني بحط موضوع يفيد كل مبتدئ او حاب يعرف كتى وكيف وليش انت كل سؤال تحب تقوله ليي ارسل ليي وانا اجاوبك وانا احين موضوع تقدر تشوفه وتشوف الي تبيه عن الدجاج البلدي والاحم ومواسمهم وغيره ..........تحياتي بيلز

[فنيو]

المشاركة الأصلية كتبت بواسطة ملينيوم

ياعزيزي الدجاج فطرته انه يحضن بيضه

يعني لاتخاف وتوكل على الله وموفق بمشروعك

شكرا اخوي. عندي دجاج بياض مايرجن ما ادري ليش