اعطوا بسس الشوارع رحمتكم :( << قصة مؤثرة

[milk cat]

السلام عليكم و رحمة الله و بركاته ..

اخواني انا اليوم هناا مع قصة اقدمها لكم .. عشان اكون اوضح اقولكم قصتي انا مع اول قطة ربيتها و احلى ذكرى بحياتي

كان عندنا قطة كبيرة حاامل بحوشنا طبعا ما كنا نعرف انها حاامل .. او حتى ما كنا نعرف انها موجوده لان قليل نطلع للحوش الجهة الثانيه

بس مره كان فيه حشرات (اعزكم الله) بالبيت و الحوش و قررنا نجيب شركة عشان تطلق مبيد حشري و نتخلص من الحشرات

و صار و جبنا الشركه و بدوا يرشون المبيد بالبيت بعدين راحوا للحوش يرشون بعدين رشوا بالملحق الاول و يوم وصلوا الملحق الثاني و كنت رايحه مع اخوي للملحق مع العامل اللي يبخ المبيد .. و الملحق هذا ما نستعمله و كان فيه كراتين مفتحه و فاضيه المهم يوم رحنا رحت للجهه البعيده و تفاجأت ببسه و ضامة حولها 5 صغاار

المهم قلت للعامل اطلع لا تسوي هالغرفة لان طبعا هذا فيه ضرر كبير للقطط الكبيره و الصغيره بعدين راح يقول لامي انه باقي غرفه ما رشوا فيهاا و انا اقووولهم فيه بسه توها والدهـ مستحيل نبخ فيهاا بعدين يموتون حراااااااااام

و بعد نقااش طويل شوي راح العامل و لا رشوا بالغرفه و طبعا خفت البسه تخاف مني اذا دخلت اتطمن عليها و اعطيها اكل فخليتها لحالها بعدين انا و اخواني نسمع القطط الصغيره تموي فرحنا نشوف ايش السالفه و اختي الكبيره بس هي اللي دخلت و بهدوووء راحت من بعيد و طلت و الام ما كانت موجودهـ

و ظلوا يماوون لوقت طويل

فقررنا نشتريلهم القطاره و الحليب الخاص فيهم و نعطي الام اكل لانها اكيد كانت جوعانه و راحت تدور لها اكل

ففتحنا علبة تونه و حطيناها بصحن و خليناه قدام باب الملحق و جنبه صحن مويه و رحنا نشتري القطاره والحليب بعد ما رجعناا بما ان المحل مو بعيد مره فلسى ما اكلت شكلها راحت بعيد فدخلت انا و اخواني و نشربهم واحد واحد

و الحمدلله هدووا فقررنا نعطيهم كل ما ماووا و امهم رايحه فيووم و حنا نشربهم رجعت و شافتناا و كانها خاايفه مننا فتكلمنا لها بصوت واطي و هادي عشان نطمنها و طلعناا و اول ما شافتنا طالعين راحت تدخل و تشوف عيالها و تنظفهم و نامت معهم فقربنا لها الاكل و المويه و شغلنا المكيف عالخفيف لان جو الرياض حاار و كان صييف

المهم مرت الايام و كبروا الصغار و صاروا يمشوون و يطلعون بس مره من المرات تفاجانا بواحد ناقص و صاروا 4 .. و طبعا بما انهم كبروا خلاص اخواني خلوهم و راحوا قالوا خلاص الحين كبروا و سهل تعتني فيهم .. بس انا زعلت مرره على بالي مات واحد طبعا كنت صغيره عمري تقريبا 8 و لا ادري ليش رااح و طبعا هي ودته لانه كبر و يقدر يعتمد على نفسه الحين

بعدين من بكراا صاروا بس 2

عااد مره زعلت و قلت يمكن امهم هي اللي ما تهتم فيهم<<

فقررت اخذ هذول الاثنين و انا اهتم فيهم

بعدين بديت اتقرب منهم و اعطيهم اكل الى ما جوا عندي فخليت وحده تحبني ووحده تخاف مني

فمن بكراا شفنا موجوده بس اللي تحبني و الام و الابو و البسة الباقيه رااحوا فمرت الايام و صرت ادخل البسة غرفتي بدون محد يعرف و طبعا امي صارت تعيي اعطيها اكل لانها ما تبغاني اتعلق بالبسس

فصرت اذا قدرت اعطيها اكل بدون محد يعرف اعطيها و سميتها ((جووولي)) لونها بني مع ابيض ومررره تجنن ما شاء الله

فالبسة قعدت معي مو لاني اعطيها اكل .. لاني العب معها لان اول ما اوريها الخيط تعطي الخيط نظرة الهجوم و تستعد للهجوم و يلاااااااا

المهم بعد ما قعدت معي تقريبا شهر و قبل ما ادخلها للبيت كنت ما قد لمستهاا

فقررت المسها اليوم مع اني كنت خايفه من ايش ؟؟ ما ادري فقربت يدي شوي شوي و هي ما تشوف و اول ما لمستها ارتاعت شوي يمكن لان اول شخص يلمسها

بعدين امد يدي مره ثانيه و الوضع عادي و اشيلها و عادي .. بعدها تجي حركاتي ادخلها للغرفة كل يوم بدون محد يعرف احيانا يعرفون و احيانا لا .. المهم جوولي بدت تتعود عالبيت و صارت تدخل لحالها و امي ما عجبها الوضع ابد و دايم تقولي ترا بوديهاا ان دخلتيها بس المصيبه اني ما اسمع كلامها

مر اليوم الموعود << و اطلع: جووولي .. ليش ما ترد !! .. جووووولي وين رااحت

جوووووووووووووووولي هناا بديت اخاف و ادور عالبيت جووولي جووولي جووولي تعاالي

بس ما كانت موجوده رحت غرفتي اصييح احسبها هربت بعدين بنفس اليوم و انا طالعه محل يوم رجعت القى جوولي تستناني عند باب الشارع عشان افتح الباب

كاانت تستناني بعد ما مشت كل الطريق اللي وداها فيه السواق لان امي قالت له يوديهاا .. عاد انا نطيت عليها لدرجة انها خافت ههههههههههههه

دخلتهاا و انا ميتة من الوناسه

بس مر كم يوم و ما عاد شفت جوولي بعدها ابد

وداها السواق مكان بعيد

و من بعد ذاك اليوم و انا ما شفتها ..

بس كانت احسن تجربة لي مع البسس و الاحسن انها تحبني مو مصلحه اكل زي بعض البسس

فاحسن بسة ربيتها جوولي مع اني ربيت بعدها كثير بسس بيوت بس ما كانوا ذكرى زي جولي عاد اكيد الحين جابت الفين ولد هههههههههههههه


رسالة لكل من يعذب قطط الشوارع: ان كنت تظهر قوتك على كائنات ظعيفة فتذكر ان الله اقوى منك

زي فيه بعض الناس الله يهديهم يطلع و يشوت ذيك الجزمه عليها و يلاحقها الى ما يغمى عالبسس من الخوف <<

و الا اللي يدعس البسس بالسياره طيب لهالدرجة مستعجل ما تقدر توقف و تنقذ حياة بسة شارع

اتمنى الموضوع نال اعجابكم و رضاكم

[عاشقه مجهوله]

مشكـوره حلوه القصه واايد

والله يعافيج انتي واخوانج ع عملكم مع البسس

[milk cat]

شكرا عالمرورو التشجيع اختي

[Silent Dream]

مشكوووووووورة

[وزة]

ياقلبي عليكي

من جد نصيحتك هذه لازم تتوجه لناس كثير ماعندهم رحمة

والله يرجعلك جولي طول العمر او قصر

كله في ميزان حسناتك ومافي شئ يضيع

والله يهدي امهاتنا من معتقداتهم الغلط

تشكري ياعسل ^^

[milk cat]

مشكوووووووورة

شكرا لك انتي عالمرور

ياقلبي عليكي

من جد نصيحتك هذه لازم تتوجه لناس كثير ماعندهم رحمة

والله يرجعلك جولي طول العمر او قصر

كله في ميزان حسناتك ومافي شئ يضيع

والله يهدي امهاتنا من معتقداتهم الغلط

تشكري ياعسل ^^

من جد كثير ناس ما عندهم رحمه

ياااارب ترجع لي

والله يهدي امهاتنا من معتقداتهم الغلط

امييييين يارب

مشكووووره على مرورك اختي

[فاطمة1]

مشكوررررررررررررررررررررررررررررررررررررررررررررررررررررررررررررررررررررررررررررررررررررررررره

[مربية القطط الماهرة]

ممكن اسألك الموضوع هذا مشارك في مسابقه رمضان؟؟

[sultan.]

انا اكره كل البسس في العالم بسس الشوارع والاليفه وكلهن لان اكلن سنجابي وسنجابتي الحامل

[هامستر بيك]

مشكوره على القصه الروعه
وانا يوم كنت صغير كنت اسوي الغلط الي هو اكرمكم الله الزبيريه
بس عقب ماعرفت للحيوانات وصرت متعلق فيهم فهمت ش الطبخه وندمت واجد

ولو اني منك كان صفقت السواق و بالنعال تمحيط