سويت العاب ال (لولو) من قراشيع عيالي .. بالصور

[ام ليان]

السلام عليكم

جيتكم اليوم بعد ماشفت ريش لولو منتف ياحرام

مدري وش صاير وتفاجأت اكثر لما روشته اليوم وفرد جحانه لقيت بعض الفراغات بريشه مدري طبيعي ولا لا؟؟؟

سويت له العاب بعد ماقريت هنا ان العاب الببغاء غير متوفرة وبرضو فرصه انه يلتهي فيها بدل من تنتيف ريشه
وخطر في بالي اخذ من بعض العاب اطفالي واسوي له العاب والحمدلله طلع شكلها حلو وانتظر ارائكم بخصوص الريش والحل مه وهل تنصحوني بفيتامين او شي ثاني لانه للاسف مايتقبل ياكل غير الفول السوداني والحب الشمسي

وارئكم بالالعاب وهل هي مسويه زحمه ولا عددها كفايه


برضو حبيت اسالكم هل بعد الترويش هل يخمل الطير وتقل حركته لان من روشته خمل شوي شكله جاه النوم















وهنا قراشيع عيالي جبتهم وبديت الصق فيهم بصمغ مسدس












وهنا عينه حبيت اعرف عمره التقريبي هل من الممكن تعدى 2 سنه او 3 سنه

[sunset]

السلام عليكم

انا اقدر انصحك بل العاب حاولي تقليلي شوي عشانهم مسوين زحمه عليه مره

والشي الثاني الصمغ الي حاطيته اتوقع انه خطير عشانه يتفتت بسرعه وممكن انو الطير ياكله او ياكله بل غلط

احسن شي احفري لعبه ومرري فيها حبل احسن

ونشاءالله اهل الخبره رح يفيدوكي اكثر مني

[يوفاوي الكويت]

انا اوافق اخوي sunest

الالعاب كثير بالقفص

خلي وحده بس ويفضل الي فيها خشب

انا اشوف ان فيها فتحات بالنص

انا افضل انج تحطين الخيط بالفتحه

ويفضل انج تدبلين الخيط لان شكله مو قوي

يعني اطبقي الخيط اكثر من مره علي شان يصير قوي

بالنسبه للفتحات ما تبين الا بعد الترويش هالشي طبيعي

انا طيري نفس الطريقه موجوده فيه

وهالشي ما يمنع انج ما تعطينه فيتامينات

[ام ليان]

هلا فيكم يااخوان شكرا لكم
الخيط قوي وحتى لو انفك راح ارجع اصمغه الفتحات هذي للاسف مسكرة مو مفتوحه مع الجهه الثانيه
وودي احط هذي الخش والبلاستيك اللي فيها العاب كثيره واستغني عن اللي بالنص
بس ليتك تذكر لي اسم الفيتامين واشكركم

[يوفاوي الكويت]

اي فيتامينات كلهم واحد

ويوجد فيتامينات خاصه للريش

موجوده علي البيطري

حاولي تفتحين الفتحات الي باللعبه الخشب

افتحيهم بمسمار علي شان يكون الخيط داخل

[ام ليان]

طيب بسالك يوفاوي الله يسعدك هو كمل عندي شهر وماله صفير ولاحتى طقطقه .. حتى وهو لحاله
ان طلع حس... اجعر بس؟
هل هالشي طبيعي وكم عادة ياخذ وقت
وهل في ببغاوات ممكن ماتتكلم ولاتطلع صفير ولاطقطقه
الحين انا ودي بس انه يطقطق ويصفر
شكله عجاز ولا له خلق لو لتصفير؟

[sunset]

اختي حاولي جيبي صيخ الي تشون في اللحم وحطيه على النار الين يصير لونه احمر

وفتحي البلاستك مثل ما تبين وحنا خوفنا انه ياكل الغراء مو انه يقطع اللعب

تقبلي مروري

[يوفاوي الكويت]

هالشي طبيعي

انتي صفري له وطقطقي له

علي شان يصفر ويطقق

حاولي ترفعينه عن الارض لو متر

وكل ما تقربين من عنده صفري له وخلي تصفيرتج وحده لا تغيرينها

وان شالله راح تشوفينه يصفر ويطقق

الي عندي انا علمته علي تصفيره وحده

والحين ما يصفر الا الي انا علمته

[ام ليان]

انا رافعته متر تقريبا
واطق طق له لكن الصفير للاسف ماعرف ؟ وهنا المشكلة

[ام ليان]

الله يجزاكم خير
الخشب هذا مسدود بخشب يعني مستحيل ولادريل يفتحه بشوف له دباره