صحيح او لا ؟ ارجو الدخول

[*waleed*]

سلام عليكم


انا سمعت انو جميع الثعابين سامهـ صح او لا؟

والى في محلات سمعت انو يعملون خياطه عشان مايطلع سم صح او لا؟

ارجو الدرور من اصحاب الخبرهـ

[|| PyTHoN ||]

انا سمعت انو جميع الثعابين سامهـ صح او لا؟

لا لأن في وايد أنواع غير سامه و لي أهي العاصره
و اذا تبي أي مساعده بإختيار أي نوع لك حاضرين

والى في محلات سمعت انو يعملون خياطه عشان مايطلع سم صح او لا؟

50% صح
السم ما يطلعونه بهالطريقه !
ياخذون الحيه و اييبون قطعة يلد أو من نايلون و يكون مشدود و يمسكونها و يخلونها
تعض القطعه هاذي أو المهم يدخلون الناب فيها و جذي يكونون فرغوا السم الي يكون
فيها ,,

بالنسبه للخياطه أول مره أسمع إنها يسوونها بالمحلات
عموما الخياطه يسوونها الناس العاديين لي صادو الحيه اييون يخيطون حلجها بحيث
إنها ما تقدر تفتح حلجها و تعض لكن السم يظل فيها يعني ما ينشال جذي لكن هالطريقه
تذبح الحيه يعني اوكي شكثر تعيش شهرين 3 4 5 خلاص بعدها بتموت ما راح تقدر توكلها
الا لو ابره و بتحاول تدخل بيض بحلجها شي ثاني


..

[خالد414]

ماقصر اخوي بايثون

بس احب اضيف بالنسبه للثعابين السامه

اذا عصرت السم منها مو معناها اذا لدغت ما تاثر

بس يقل مفعول التاثير ويختلف من ثعبان الى اخر

يعني على حسب درجه سميته

وبعدين الثعبان يقدر يجدد السم بعد الافراغ من 12 ساعه اواقل على حسب نوع الثعبان

اتمنى اني افدك ولو بالقليل

[ثعبان]

مرحبا فيك اخوي

اول شي الثعابي السامه في العالم موجوده بنسبة لا تتعدا الـ 25 %

والباقي ثعابي غير سامه

والثعابين اللي تباع في المحلات غير سامه او ذات انياب خلفية واللي انيابها خلفيه غير مميته للبشر

بأذن الله وحتى تلدغ وتوصل سمها تحتاج انها تعض وتمضغ حتى تقدر توصل الأنياب الخلفية للبشره

وبتوفيق ان شاءالله اخوي

وقبل لا تشتري اي ثعبان اقراء عنه في النت والإخوان ماشاءالله ماقصروا بالمواضيع المفيده

[الآسطورهـ]

الاخوان افادوك وماقصرو ..

S.W.E.D

[|| PyTHoN ||]

و كبدايه لك أنصحك تاخذ لو تحب الأحجام الصغيره نسبياً
أخذ Ball Python or Corn Snake و أكلهم الفيران و ممكن الهمسترات بعد
و عندك بعد الـ Sand Boa لكن تربيته أشوفها أصعب من هذول !

و إذا تحب الأحجام الكبيره أخذ Red Tail Boa طولها يوصل أكثر شي 4 امتار تقريباً
و عندك الـ Burmese Python بس ما انصحك فيها توصل إلى 7 أمتار !

و يفضل للأحجام الصغيره أنك تاخذ نثيه [ الحجم يكون أكبر ]
و إذا بتاخذ من الأحجام الكبيره اخذ ذكر [ الحجم يكون أصغر ]

عموماً الفرق مو كبير مثلاً نثية البورميس بايثون توصل إلى 7 امتار
لكن الذكر منها يكون بين الـ 5 و 6 أمتار
< مثال و ماني متأكد بالضبط من الطول

[*waleed*]

والله والله مااعرف كيف اشكركم ,بالمعلومات الى بجد تونى اعرفها يعطيكم الف الف عافيه


ماقصرتو ,,,,,

بس الله يخليكم ابي اسئلكم , انا بخاطري اشتري , لكن اكثر شي اشوفه الافريقي شرايكم فيه؟؟؟؟؟؟

[خالد414]

اذا قصدك الروك بايثن فهاذي نادره نوعا ما في المحلات

اما اذا قصدك البورميس بايثنBurmese Python

فهاذي ممتازه جدا للمبتدئين وعندك اللون الامهق البينو اجمل Albino

شهيتها اغلبها مفتوحه واغلبها اليفه ونادر اللي تغض فيها اما الروك بايثون

اغلبها شرسه واي سوال ان شاء الله حاضرين

[*waleed*]

هلا فيك " خالد "

انا الى اقصده هاذى لأنه بجد تجنننننننننن رووووووووعه وانا ابي اشتريها



ويعطيك العافيه يغالي

[|| PyTHoN ||]

^

أعتقد هاذي Albino Ball Python

إهي نفسها الـ Ball Python لكن الفرق اللون لكن مو القصد انها الوان
هاذي فيها طفره جينيه مادري شي جذي المهم شي بالجينات فتطلع
هاللون و سعرها يكون أغلى من العاديه ولو اني اشوف الحيايه العاديه
احلى بوايد من الـ Albino

لكن تذكر : لهالنوع " Ball Python " لازم توفر بيئه مناسبه جداً جداً من حيث المكان ( أغصان - بيت - ماي - درجة الحراره - الرطوبه - الدفايه ) بحيث إنها تكون مرتاحه ، لأن هالنوع حساس و لو اهملته بتواجه مشاكل مع الأكل ، تربيتها سهله لأنها ما تصير كبيره حيل ، عموما ما تعدي المترين ، أصعب جزء بتربيتها اهو إعداد الحوض و البيئه المناسبه لها ، و من ثم الأكل = قبل ما تشتري حط هالشي قااعده لك قبل ما تشتري اي حيه || خل البياع يوكلها جدامك أول ||

و أي مساعده احنا حاضرين .

..