استفسارات عن الغيني

[moody bahar]

انا بستفسر عن الغيني


ايش الفرق بينو وبين الكاسكو



هل الغيني قادر على الكلام



ويعمل حركات ويتروض



كم سعر الغيني وكم سعر الكاسكو



هل هو صعب التربيه وجعله يتكلم

[اتعبني غلاه]

شوف انا قريب اشتريت غيني وربي انو جنان ....

الفرق بينهم الغيني .. صغير في الحجم ولوونو شويه غامق ..

والكاسكو حجمو طيب او جامبو ولونو فاتح ..


والغيني فيه ف منقارو لون جبلي كدا خفيف



والغيني على فكرا اجرأ من الكاسكو العادي يعني لما يهرج محد يسكتو ودا الشي باسطني فيه

انا حقي مايتكلم عشان مالو اسبوع ..

بس يحب يصفر .. علمتو البوسه وعلمتو يصفر وسار يقلد صوت الدره وصوت الكروان وكل شي

ماشاء الله عليه

وقعد يومين عند صاحبتي رجع يصفر زي الكوكاتو حقها

بصراحا انا اشوفو افضل من الكاسكو العادي لانو يتعلم ومايسكت قدام احد على العكس ..

فضيحه


وعيوبو انو شويا عنيد . ودا الشي صح .. انا اخدتو شويه اليف معايا رافض كل شي بس بدأ دحين يرجع لعقلو ويزبط نفسو ..


وحتى جعيرو وربي افضل من الكاسكو .. جعيرو يضحك .. وصوتو خفيف .. <<عشان حقي اليف شويا مادري هو دايمن كدا ولالا ..

ومن ناحية السعر ..

الغيني انا اخدتو شبه اليف 400 .. ..

بس هو سعرو 300 للي مو اليف وفرخ ..

ويطلع سعرو مع درجة الالفه ومايتعدى الـ 600 ..

والافريقي سعرو بـ 800 للفرخ وانت طااااااااااااااااالع ..

حرام ناس كتير ظالمتو بس عشان لونو غامق وصغير ..

وناس تقولو صوتو مو واضح على العكس ماشاء الله عليه صووتو مالي البيت وربي الجيران يسمعوه لما يصفر ماشاء الله


انا قلتلك عن حقي اللي جربتو واللي شوفتو ..


وفي مواضيع هنا عن الغيني كتير

ومنها


http://www.2zoo.com/vb/showthread.php?t=117342



http://www.2zoo.com/vb/showthread.php?t=124686


المقطع اللي في الموضوع التاني وربي فتحتو يومين لببغائي سار يقلد نفس الشي حتى صوت البسه ماشاء الله عليه



ومعليش على الاطااااااااااله ..