اشترك في نشرتنا البريدية ليصلك كل جديد

memoo · 13-07-2009, 02:45 AM

السلام عليكم

اخباركم واخبار العطله معكم..؟

اقولكم انا مشكلتي صغنونه قطاوتي ياحبني لهم

ماشيين تمام بكل شي واحسن شي اللي اكتشفه اكل البيت مايطيح الشعر انصحكم فيه

وثانيا بس فيه شغله بسيطه موعارفه لها قطوتي تعطس بس من وقت لوقت موعلى طول

يعني مده طويله وتعطس هل هي مريضه او شي ..؟

بس ماشاءلله يلعبون وصحتهم كويسسه والحمدلله بس هذا اللي مخوفني شوي عطسته

ولا يمكن انا فيني حساسيه بصراحه بس اول ماقعد وياهم لاز اعطس كثير بس ماعطس عليهم

اقول يمكن مني الله اعلم ...؟؟

ممكن تفيدوني

founah · 13-07-2009, 05:34 AM

بعض القطاوه خشمهم يكون رطب علطول من الرطوبه الي بخشمهم يعطسون او يمكن يشمون شي مغبر ويعطسون منه اهم شي ان ماعندهم انسداد بالخشم؟؟ اذا ماعندهم معناته مافيهم الا العافيه انشاءالله مدام ان العطس مو مستمر ^_^

! هاويه الطيور ! · 13-07-2009, 07:31 AM

عليكم السلام

اذا لاحظتي العطاس كثير حاول
تغلين مويه لما تصير حاره ويطلع البخار الماء وخليهم في كرتون القطط وخليتهم يستنشقون البخار
حتى تتفتح عندهم الشعب الهوائيه + لاتخلينهم ينامون على ارضيه الرخام ولاتحممينهم
ومافيهم الى العافيه

آنـــــو · 13-07-2009, 01:23 PM

لو هو متواصل مع سيوله بالأنف وأنسداد فـ يمكن زكام ..

ولو غير متواصل وبدون أفرازات يمكن حساسيه من شي غبار مثلاً ..

ودامهم طبيعين بالحركه والاكل مافيهم الا العافيه أن شاءالله ..

memoo · 13-07-2009, 03:17 PM

يعطيكم العافيه هم الله يهداهم يحبون يندعسون بأماكن الغبار

يمكن من هالشي بس الحمدلله مافي رشح او اي شي..

مجرد عطس والنومه على الرخام نومه مايستغنون عنها وانا لما اشوفهم احطهم ع الكرسي

يعني عندهم صاله كلها كراسي وماستخدمها وهي الصاله اللي فوق وانا حاطتهم فيها

بس موعاجبهم النوم الا ع الرخام