بخصوص تزاوج الكناري(ممكن مساعده)

[7sawy]

اشتريت من قبل يومين كناري زوج ذكر وانثى
الي اشتريته منه كان حاطهم في قفص واحد وحاط لهم العش وخيوط الخيش واول يوم جبتهم عندي بالبيت ما سمعت صوت للذكر الا قليل بس ثاني يوم صار يغرد والحمد لله بس كل ما قرب من الانثى اشوفها تهرب منه

سؤالي: ما هي الطريقه الصحيحه للتزاوج؟

هل افصلهم عن بعض؟

أو أخليهم زي ماهم مع بعض وما هي الطريقه لتأمين الاجواء المناسبه لكي ينتجو؟

[7sawy]

للحين ما في جواب؟؟؟

انا امس فصلتهم عن بعض بحيث الذكر ما يشوف الانثى

بس الي يحصل كالتالي:

لاحظت عليهم هم الاثنين جالسين يلعبون في ريشهم مدري هم جالسين ينظفون نفسهم او جالسين يبدلون الريش (لأن اشوف بعض الريش بالقفص)

ثاني شيء الذكر مجرد ما يحس بصوت الانثى يجلس يغرد ويحوس بالقفص كأنه مجنون

ثالث شيء الأنثى ماأشوفها تبني العش

سؤالي :

طريقتي الي عملتها صحيحه والا فيه طريقه ثانيه عشان التزاوج

ياليت احد من الخبراء يجاوبني بأجابه شافيه

[كاسكـــو]

افصل الاثنين الذكر بقفص والانثى بقفص

وحطهم بجنب بعض .. الانثى لازم يكون قفصها واسع شوي استعداداً للتكاثر

حط عند الانثى العش وخيوط التعشيش واتركها اذا شفت الانثى تلعب بالخيوط وتبدأ تشيلهم وتحطهم بالعش

انتظر ممكن تكون تلعب بالخيوط لكن اذا شفتها فعلاً تلف العش دخل الذكر وانتظر ممكن يكون بينهم

شوي شجار وخناق عادي لكن اذا كان الشجار والخناق حامي وعنيف اخرج الذكر 4 ايام ورجعه

هذي الطريقه لتزويج الكناري وممكن الجوز متوالف ولا يحصل شجار بينهم لكن كلها احتمالات فقط

[7sawy]

مشكور على ردك أخوي كاسكو

بس عندي أستفسار اذا فصلتهم عن بعض وحطيتهم جمب بعض أخليهم يشوفون بعض والا ما اخلي الذكر يشوف الأنثى بس يسمع صوتها؟

انا الحين فصلتهم من أمس وخليتهم جمب بعض بس حاط حاجز ما بينهم بحيث الذكر ما يشوف الأنثى بس الذكر مجرد يسمع صوت خفيف من الانثى يبدأ يغرد وأكثر شيء ما يغرد الأ اذا سمع صوت من الانثى بس

طريقتي الحين صحيحه والا لا

يا ليت تفيدني يا الغلا

ومن ناحيه الأكل أنا حاط لهم حبوب مشكلة وأمس عطيتهم خيار شوي واليوم حطيت لهم شوي جرجير

هل صحيح والا فيه أكل ثاني

الله يعطيك العافيه

[كاسكـــو]

بس عندي أستفسار اذا فصلتهم عن بعض وحطيتهم جمب بعض أخليهم يشوفون بعض والا ما اخلي الذكر يشوف الأنثى بس يسمع صوتها؟

ماعندك مشكله سواء يشوفها او يسمع صوتها فقط .. كلها نفس الشي في البدايه

لكن تأكد انه عليك ازاله الحاجز بعدين عندما ترى الجوز يميل لبعضه بشده ليشاهدو بعض

عندك مثلاً ازدياد تغريد الذكر وازدياد تصفير الانثى والحركه الدائمه لهم ولف الانثى للعش

او عندما تسمع الانثى تغريد الذكر وتأخذ وضع التلقيح اي تنزل جسمها .. هنا عليك بأزاله الحاجز

وبعد ازاله الحاجز ومراقبة الطيور والتأكد من الجاهزيه قم بأدخال الذكر

ممكن تحصل بعض المشاكل البسيطه بينهم بس مع الوقت تنتهي

الا بحاله اذا شاهدت العراك قوي ودامي افصلهم لكن هذا نادر يحصل وخصوصاً اذا كانت

الانثى جاهزه ولفت العش

انا الحين فصلتهم من أمس وخليتهم جمب بعض بس حاط حاجز ما بينهم بحيث الذكر ما يشوف الأنثى بس الذكر مجرد يسمع صوت خفيف من الانثى يبدأ يغرد وأكثر شيء ما يغرد الأ اذا سمع صوت من الانثى بس

طريقتي الحين صحيحه والا لا

طريقتك صحيحه .. لأن بعض الهواة يفضل وضع عازل والبعض الأخر لايهتم بهذا الامر وكلها طرق صحيحه

لكن مثل ماقلت لك عند حدوث الامور التي ذكرتها لك فوق عليك برفع الحاجز


ومن ناحيه الأكل أنا حاط لهم حبوب مشكلة وأمس عطيتهم خيار شوي واليوم حطيت لهم شوي جرجير

هل صحيح والا فيه أكل ثاني

طريقتك صحيحه

لكن ياليت تعطي الأنثى بيض مسلوق عشان يساعدها على التجهيز للأنتاج

والذكر تعطيه جرجير ليساعده على الاحتماء والاستعداد للتكاثر

ولو قدرت تحط لهم فيتامينات شامله الخاصه للطيور يكون افضل اسأل اي بيطري عن هذي الفيتامينات واتبع الوصفه

[7sawy]

الله يعطيك العافيه أخووووووي كاسكو وفيت وكفيت يا الغلا

راح اعمل الي قلت لي عنه وراح اوافيكم بالاحداث


بس سؤال هل هالوقت هذا وقت تزاوج الكناري ؟؟

واذا كانت الاجابه لا ماهي الاوقات للتزاوج

[كاسكـــو]

المشاركة الأصلية كتبت بواسطة 7sawy

بس سؤال هل هالوقت هذا وقت تزاوج الكناري ؟؟

واذا كانت الاجابه لا ماهي الاوقات للتزاوج

ايه يتزاوجون بها الوقت ماعندك مشكله

[7sawy]

اليوم رحت محل وسألته عن الفيتامينات وأعطاني كيس حبوب مشكله وقالي مدعمه بالفيتامينات يعني شاملة ومنها حبوب تزيد من تغريد الذكر ومنها حبوب تقوي الريش المهم اشتريته ب 29 ريال

يعطيك العافيه اخوي كاسكو والله انك كفوووو

[عوض الكومى]

السلام عليكم يااخى ضع الانثى فى قفص لوحدها وضع لها عشية كنار ثم ضع لها خيوط من ال
خيش بين الاسلاك وضع دكر الكنار فى قفص لوحدة 0
شىء مهم يجب ان يكون الدكر حامى جدا اى يغرد قوى جدا 0
عندما تسمع الانثى صوت الكنار يغرد فانها تجهز للبيض فتقوم بلف العش بالخيش وعند اتمام لف العشبالكامل وهوة على شكل دائرة 0
بعد دلك ضع دكر الكنار عند الانثى واتركها فانهم يتزاوجا لوحدهما وخلال 5الى 10 ايام تضع الانثى البيض0

[7sawy]

مشكوور أخوي عوض على مداخلتك وردك المتواضع