بين البتبول و الروت - حوار بهدوء . .

[goo]

ازيكم يا أعضاء المنتدى، يارب تكونوا بخير

من فترة عملت الموضوع ده في منتدى تاني بصراحه علشان بس أوضح خطأ شايع بين الناس اللي بتربي وخصوصا بيتبول و رودفايلر، وقلت لازم اشارك بيه هنا ويارب يعجبكوا و تستفيدوا منه.

الكل يا جماعه بيدخل في نقاش البيتبول أقوى ولا الروت، وتلاقي الموضوع يقلب بخناقه واللي يجيب فيديو من هنا و اللي يقولك كلبي بيتبول قطع روت و العكس حكايات ملهاش آخر وبردو لسه موصلناش لأجابه.

بس الأول معلش خلونا ندرس الموضوع بعقلانيه شويه وبما إني أنا بحب الكلاب في الأصل هاستخدم المنطق العلمي في كلامي كله ويارب أقدر اوصل ليكم اللي اقصده بسهولة.

أولا
يا جماعه قبل ما نقول مين أقوى من مين لازم نحط في اعتبارنا مبدأ النسبة و التناسب، يعني مثلا لما نيجي نقارن قوة فك البيتبول بالرودفايلر لازم نفكر في البداية أن حجم الرود أكبر من البيتبول وبالتالي عضلات فكه هتكون أكبر، يعني في احتمال 80% تكون قوة فكه أكبر لو كان الاتنين مدربين نفس التدريب وماشيين على نفس النظام الغذائي.

ثانيا
في ناس تقولك شوف هجمة الرود عليك تحس ان عربيه خبطتك في حين ان البيتبول متحسش بيه، طيب مهو ده كلام منطقي. تخيل واحد حدفك بطوبه صغيره وواحد تاني حدفك بشوال رمل، مين فيهم تأثيره عليك هيكون أكبر؟ أكيد شوال الرمل. يعني احنا بنظلم البيتبول لما بنقول ان الروت أقوى منه لان الروت اساسا بيتمتع ببنية أكبر من البيتبول وبالتالي قصوره بيكون أكبر من القصور بتاع البيت لان كتلته أكبر

ثالثا
نيجي بقى لحاجة مهمة وهي ان البيتبول جسمه أقصر من الروت و أعرض، ودي نقطه مهمة أوي في صالح البيتبول، لانها بتدي ارتكاز للبيت على الارض اكتر من الروت، وهقربهالكم. تخيلوا معايا ان في تربيزة قصيره و عريضه وتربيزة تانيه نفس الوزن بس عالية و طويلة، وحاولنا نوقع واحده فيهم، أكيد طبعا العالية هتقع بسهولة (والناس بتوع علمي رياضه مش محتاجين كلام كتير، ذراع العزم أكبر يبقى القوة المبذولة أقل)

رابعا
لو قارنا حجم التكتل العضلي لكلب البيتبول نسبة لحجمه هنلاقيه أكبر من حجم التكتل العضلي في الرودفايل برضو بالنسبه لحجمه. يعني باختصار البيتبول فيه عضلات أكتر من الروت بس ده مش معناه أن القوة اللي ممكن يبذلها البيتبول أكبر من الروت لان اجمالي حجم عضلات الروت أكبر من البيتبول. (فاكرين الفزوره بتاعت النمله أقوى من الفيل؟ علشان النمله بتشيل 6 أضعاف وزنها انما الفيل بيشيل ربع وزنه ودي حقيقه).

خامسا
موضوع الشراسه دي حاجة مهمة، والشراسه دي بقى نابعه من حاجتين، الاستعداد الفطري و التدريب، يعني ممكن كلب بلدي لا راح ولا جه يكون اشرس من وحش بيتبول او وحش روت، بس عامة الاتنين عندهم استعداد فطري للشراسه رهيب والبيتبول بيتميز عن الروت بكونه شرس اكتر تجاه الحيوانات وصعب التحكم في شراسته على عكس الروت اللي ممكن تدريبه بسهولة على كبح شراسته والتحكم فيها ودي طبعا نقطه مهمة اوي في صالح الروت.

سادسا
قصة بقى القتال والفايت، انا مش هتكلم عن التدريب لكن هتكلم عن نقطه واحده بس وهي ان البيتبول عنده تكنيك في القتال افضل بكتير من الروت واللي بيساعده على كده امتلاء جسمه بالعضلات وحجمه الصغير وخفه وزنه مقارنه بالرودفايلر، زي بالظبط واحد بتاع كمال أجسام وواحد بيلعب كونج فو الاول تقيل وضربته بالقبر والتاني خفيف وسريع.

سابعا
موضوع الذكاء وكون البيتبول ممكن ياكل صاحبه فدي كلها قصص ملهاش اساس من الصحه، معلش انا اعرف ناس كتير جدا حياتهم كلها بيتبول بس وشفت من كلابهم امور عمري ما شفتها من كلب تاني، مش قصدي ان البيت بول احن من باقي الكلاب، بس اقصد انه ميقلش عنهم في الذكاء والوفاء و الامور دي، وموقف حصل ادامي مره من واحد صاحبي معاه بيتبول اداله امر attack على واحد فالكلب طار عليه وقبل ما يلمسه قاله stop الكلب ثبت مكانه ولا اتحرك خطوه. ده غير ان البيتبول بتاعي منتهى الطاعه في كل حاجة حتى في الشراسه، يعني عادي كله بالتدريب بس تدريب البيتبول عامة صعب وعايز واحد فاضي وفاهم هو بيعمل ايه. انما الرود عنيد جدا وتدريبه صعب لكن في النهاية بردو بنوصل لنفس النتيجه وهي الطاعه العمياء . .

أظن كده يا شباب بان أوي أكبر فروق بين الكلبين، وياريت محدش يظلم البيتبول ولا الرودفايلر، كلها كلاب جميله وشرسه و مطيعه و ذكيه، بس العبره بالتدريب من البداية.

وفي النهاية يارب يكون الموضوع عجبكم و استفدتوا منه، وفي انتظار ردرودكم و تعليقاتكم . . . . .

[thedevilman]

انا سعيد انى اكون اول الردين عليك ومع حق فليى قولتة ومشكوررررررررررررررر

[devil_2009]

البي بول هو اللي ممنوع بالخارج ليه بقي ما منعوش الروت فايدر

[killer]

اخوي كلامك فيه كثير من المنطق والعقل

وارجو من اخواني الشباب مايتطرقون لمواضيع ثانية

عموما

من ناحية الفايت اخوي انت يمكن ماعندك خبرة بالفايت بس الفايت يحتاج للوزن يعني الروت ممكن يغلب بتبول مو بالفن باللعب انما بالوزن الكلب ينظغط معلومة بسيطة بس حق توصلك النقطة الي ابغي اوصله ان الفايت يتم اتفاق بين الكلاب على نفس الوزن (الاثنين بتبول)حتى الغرامات محسوبة !!

وللعلم يالخوي ترة العضلات عند الحيوانات مو بالحجم

اعطيك مثال

لو تجيب روت تمسكه بالحبل وتجيب جدامه قطو راح يسحبك بقوة وصح تحس قوة رهيبة لكن هذا بفعل الوزن لانه الكلب كأنه يرمي نفسه ولو تجيب بتبول تحصله يسحب بنفس المستوى ويمكن اقوى او اقل على حسب التدريب

واحب اعطي معلومة في فيديو اغلبيتكم جافوه منافسه بين بتبول وروت وجيرمن لقياس اقوى عضة وثلاثة الكلاب كانو تبع الـk9 الروت تفوق على الجيرمن والبتبول بس للأسف ان الفيديو كان للثقيف وقالو فيه معلومة غلط The pitbull is just bred to fight ان البتبول انشأ للقتال فقط هو صحيح ان هذي اصول البتبول بس ماهي قاعدة ثابته ولما يكون الكلب انشأ للقتال فأكثر شي يحتاجه قوة الفك يعني هو مو قط حق يقولك مخلب


بس حبيت اوضح نقطة بسيطة عن كلامك من ناحية التكتل العضلي انت قلت ان البتبول عنده عضل اكثر؟ الكلاب كلها مثل الجسم وعدد العضلات الفرق في الجمجمة والحجم


وكلام موجه للأخ ديفل ان البتبول ماصار له منع بمعنى الكلمة في اجراءات تسويها لمن تبي تاخذ بتبول وفي دول ماتطلع بالروت الا وعليه كمام هذا كله صار بسبب الحوادث

آخر نقطة من ناحية قوة الفك لما في الفيديو الروت فاز بسبب حجم فمه اما البتبول فمه اصغر فما يوصل عدل لحد الجهاز الي يقيس لكن لما نجرب عدل تلاحظ البتبول اقوى وانا اقولك ان البتبول اقوى بكلام مجرب

وطبعا من ناحية الي يقول لما يهجم عليك الروت كانه دعمتك سيارة والبتبول عادي احب اعرف من ذي الي قاعد يسوي تستات حوادث الاثنين فيهم قوة هائلة صراحة ومايستهان بهم

للعلم بس كنت اطالع سيدي لمدرب كلاب عالمي ومأخوذ برايه عالميا من ناحية الكلاب ويعطي محاضرات!! اسمه cezar millan في احد الحلقات كانت مهمتة ان يسيطر على كلب هايج من فصائل الرعي والصيد وقال المذيع ان المدرب هذا متمرس ومتمرن وتعامل مع اقوى واشرس الفصائل كالبتبول والروت ياريت اوصلت المعلومة الي حبيت اوصلها




وحطو في بالكم المثل الي يقول لكل قاعدة شواذ


تحياتي لكم اخواني ومانبي نطول بالموضوع وايد ونفتح الف باب

[goo]

أشكركم يا THEDEVILMAN و DEVIL_2009 علي الردود الجميله . . . .

و أشكرك يا KILLER علي المعلومات المفيده . . . . .

[pitbull terrier]

موضوع في قمة الرووووووووووعه شكراااااا لك يا اخوي على هذي المعلومات القيمة الرائعه وايضا انا بشكرا العضور كيلر على معلوماته الرائعه .
شكرا لكما .

[mido_mc12_corsa]

و الله انا بشكر goo و KILLER و بصراحة كلامهم بيكمل بعض يعني الاثنين 100 100

[Max power]

كلام منطقي و واضح
بس المهم انوا الناس تفهم ان كل كلب له ميزاته و خاصياته
و الفهيم يفهم

[مجموعه انسان]

مشكور على الموضوع

[نسمة عبوود]

موضوع في قمة الروووعه

ولكل كلب مميزاته وعيوبه

ومشكووووووور على الموضووووع الجميييييل