اشتريت فايتر وابغي مساعدتكم

[al3nabia]

هااااي

مارح اطوول عليكم

اليوم رحت اشتري لي سمكه الفايتر

ولما وصلنا البيت بعد 10 دقايق حطيت لها اكل بس مارضيت تأكل ليش..؟!

المهم

انا محطيه الحوض بالغرفه ..ولما يجي الليل انا اشغل المكيف بس الحين عادي اخلي الحوض في الغرفه ولا لا ..؟!

لان الماي اللي في الحوض رح يبرد واكيد بتموت الفايتر ..

بليز ردوا علي ...

[i love fish]

مبروك على الفايتر
لكن كل الاسماك اول
ما تشتريها ما تاكل
امنعي عنها الاكل يوم
و بعدين حطي لها
ان شاء الله تاكول
و ادا مرا يسير برد يا انيك تحطي لي
الحوض صخان او تفتحي باب الغرفا
او تحطي في محل ما يشتغل المكيف
في كتير

[ميدو مدحت]

اختى العزيزة هى لسة متعودتش على البلورة شوية وهتاكل ولو عايزة تعرفى اى حاجة عن السمكة الجميلة دى اما تدخلى موضوع الاخت i love fish عن الفايتر او تدخلى موضوع الاسئلة الشائعة المثبت بقسم سؤال وجواب هتلاقى فيه الاسماك الرئوية (الجرامى والفايتر) والف مبروك على السمكة

[حموووود]

اختي العزيزه من الطبيعي ان السمك اول ما تجيبيه ما رح ياكل لكن .. خليه يوم وجربي تأكليه وبأذن الله ياكل , وشكرا

[al3nabia]

i love fish
من جد افدتيني يا قلبووو

وثانكس ع الرد ..

ميدو مدحت
اوكي الحين رح ادخل ع الموضوع المثبت

وثانكس ع الرد يا مووون ..


حمووود
اهاا...من جد افدتني يا عسل

وانـ شاء الله اذا اشتريت سمكه مره تانيه رح امنعها من الاكل مده يووم

وثانكس يا قلبوو ع الرد الحلوو





منورين حبايبي ثااااااااااانكس ع الردود

[انجل مان]

والله لو تخلينا برى الغرفه وقت النوم عشان ما تموت من برد المكيف ..

واذا الحوض صغير عليها ..

اشتري لها فازة قزاز وخليها فيها .. وبالتوفيق

[al3nabia]

اوكي

بس الحوض مو صغير مررره ..يعني تقدر تتحرك فيه

وان شاء الله رح اصوورها قريب واحط الصووره

وثانكس ع الرد وماقصرت...^.^

[i love fish]

welcome
وترى الفايتر مرا
حلو و سهل و تشوفي عيالهم
ان شاء الله

[al3nabia]

انـ شاء الله ..

بس ياريت لو تعطوني نصايح عشان اربيها عدل

لأن بابا قاللي لو ماتت مارح يشتري لي حيوان غيره

[i love fish]

الموت بيد الله
لكن الاخد بالاسباب ^^
_________
عمر الفايتر كلو 3 سنين
لكن ادا اهتمتي بي كويس امكن يعيش 7 ونص
و اطول طول يوصل لو من غير الزعانف 7 و نص
و لا تحطي لو فلتر عشان لا يتعبو و حطي لو على سطح
المويه شي طافي زي اسفنجه ولا نبته عشان يسوي فقاقيع ((عش))
و كل ما زادت الفقاقيع كل ما زاد نشاطو و خلي كل يوم من مرتين الى اربعه مرات
خلي المرايه قدام عينو عشان ما يحس بالوحده لنو في الحوض لحالو
و تفريخو
تخلي الانتى في حضانه و يكون يشوفها
و تخلي شي طافي على سطح المويه عشان
يبني العش و لمن العش يكتمل و تكبر بطن الانتى
حطيهم مع بعض حيعصر الانتى كدا عصره الي يخرج كل
البيض الي في بطنها تبيض من 200-500 حسب جمها و حجم بطنها
ولمن يخرج كل البيض شيلها بشويش عشان لا يخرب العش و خليها في حوض
اكليها الدود حي او مجفف الي تلاقيه خلي الدكر مع البيض حتلاقي الدكر
يشيلهم و يحطهم في العش يفقصو من 24الى36 ساعه خلي الدكر بعد ما يفقصو
معاهم الين يسيرو يسبحو و الاكل تحطي لهم مطحون زي البودره ((ناعم))
تاكلي الاطفال كل يوم 4 وجبات يعني كل 6 ساعات
و تعزلي الدكور عن بعض عشان لا يضاربو ولا يعصرو الانات
لمن يتلونو
و تقدري تفريقي بين
الفايتر الكبير و الصغير
في العمر من بعد الزعنفه
الضهريه تلاقي في نزله بسيطه
كل ما كبرت النزله كل ما كبر عمر
الفايتر زي في الصورها

هدا عمرو كبير
تقريبن 2 و نص الله اعلم


ايش باقي ما ادري
اي سؤال عن الفايتر
اتفضلي و ان شاء الله اكون
افدتك