البيضة انكسرت داخل الطيرة .. ما الحل؟؟!!

[abu hasan]

والله يا معلم ماني عارف بس شكله الموضوع مش مطمئن

لغاية امبارح بالليل الطيرة نفس الوضع .. بطنها فاضي وما حسيت انه في بيضة ثانية تكونت في داخلها .. شكله لازم تشرب من طاسة الرعبة

وضعها لسة مش طبيعي .. بتمشي تقريبا عادي لكن جناحها نازل شوي ودايما قاعدة في التنكة .. حتى وقت الأكل بس توكل ع طول بترجع ع تنكتها مع انه ما في تحتها بيض

يعني لو بدها تبيض البيضة الثانية كان المفروض امبارح .. الحكاية صارلها 3 أيام

يا ترى شو بتتوقع يصير

[رائد ملكاوي]

اذا اول انتاج او اخر القطف

ممكن ما تبيض الا بيضة وحده

لكن جرب حط ايدك على الشوكتين وشوفهم، بتقدر تحسهم

اعطيها كبسولة اموكسيدار على يومين وحبة ريفانين

[abu hasan]

استكمالا لموضوع هذي الطيرة

حبيت أخبركم إنه وضعها حاليا عادي جدا .. نشيطة ومشيتها رجعت مثل أول .. فحصتها قبل كم يوم ولقيت انه الشوكتين وضعهم طبيعي وما في كسر والحمد لله لكن في شوية توسع .. وصرت شايف الفحل بلقحها اكثر من مرة .. هذا غير المحاولات اللي بتنتهي بالفشل بسبب تدخل الاعداء (اقصد باقي الفحول ) وغالبا بتكون في تنكتها والفحل فوق التنكة .. لكن شو ممكن يصير بعد هيك .. رح تبيض مش رح تبيض الله أعلم.

تحياتي للجميع

[رائد ملكاوي]

ان شاء الله تبيض قريبا خاصة اذا عملوا عش

لكن اذا ما باضت، واذا هي شغالة طبعا

شو تعمل؟
افصها عن الذكر تقريبا اسبوعين لشهر مع التأكد من انه الذكر ما خطف انثى ثانية

وحسن تغذيتها بالكرسنة والعدس والذرة والقمح، يعني دللها ع الآخر، وخليها توكل احسن منا

وادعمها بالفيتامينات وفيتامني E وسيلينيوم

وبعد هيك رجعها، الذكر تلاقيه مولع نار

وان شاء الله بعدها يبيضواااااااا

وهيك راحت علي العزيمةةةةةةةةة هههههههههه

[abu hasan]

سبحان الله علاّم الغيوب .. لسة امبارح يا حبايبي كنت بحكيلكم عن الطيرة وآخر أخبارها .. وبقول الله أعلم رح تبيض ولا مش رح تبيض : ولما طلعت عند الحمام في الليل لقيت الطيرة قاعدة في تنكة غير تنكتها .. استغربت وطلعتها من التنكة إلا وأنا بلاقيها باااااااااااااااايضة يعني أولها ما صدقتش بعدين عن جد انبسطت .. ولما استوعبت الموقف شلت تنكتها وحطيت التنكة الجديدة مكانها والطيرة حضنت البيضة ع طووووول زي كإنها كاينة يأسانة أو مش مصدقة هالمسكينة

صحيح أنا لسة بتسائل بيني وبين نفسي وين راح قشر البيضة اللي انكسرت في بطنها .. وتحليلي حاليا انه الطيرة باضت بيضة خداج أصلا (بدون قشر) إما بسبب نقص كلس أو من الخوف ما كملت والله أعلم .. لكن المهم إنها رجعت باااااااااااااضت والحمد لله

وصحيح إنها هذي الطيرة باضت وفرّخت عندي قبل هيك .. لكن عن جد المرة هاي غيييييييير



أما انته يا حبيب قلبي يا ملكاوي فربنا سبحانه تعالى استجاب لدعائك يا سيدنا الشيخ حتى بدون عزل وعدس وكرسنة ومش عارف شو وما تحاول تلاقي حجة مشان تتملّص والعزومة لسة قايمة قاعدة يا معلم وفرصة كمان مشان نتبرّك منك

تحياتي للجميع

[رائد ملكاوي]

ألف ألف ألف مبروووووووووووووووووك لولولولولولويشششششششش

تتربى بعزك وعقبال البكاري يا غالي

أنا والله اليوم برجي على الموضوع كنت حاس انها راح تبيض قريب بس مش لهالدرجة

الله يباركلك فيه وفي باقي حمامك وبأهلك

وإن شاء الله راح أزورك اذا صار النا عمر

وإلي الشرف والله