أول طيوري من الزيبرا *مبتدىء*

[عاشق النظرة]

اهلين اخي

شوف يا غالي انا زينك جديد بديت بالبادجي من اسبوعين تقريبا

و بالزيبرا من يومين واشتريت جوزين ما عندي علم كثير وخاصة انا زيك ناوي الليلة انزل موضوع مثلك بس

قبل ما اشتري شفت مواضيع كثيرة فاقدر اساعدك شوي

1 لازم الاناث تكون بنفس عدد الذكور او اكثر لانه الحين عندك ذكر ماله انثى ورح يصير شجار بين الذكور يوصل لقتل احدهم لهذا السبب روح واشتري اثنى

2 عظم حبار لازم يكون معلق في القفص بشكل دائم انا من الجوال ومو قادر اشوف الصور بوضح بس اظن ما عندك وترى رخيضة مرة تقدر تجيب كيس فيه 3 حبات تقريبا ب 5 ريال او في نوع راقي ب 10 ريال

3 بنسبة اذا بالغ ام لا فبسيطة الفرخ يكون منقاره اسود ويبدا يتغير شوي شي برتقالي فاتح ثم برتقالي غامق او على درجة من درجات الاحمر وفي هذه المرحلة تكون بالغة

4 تقدر تميز يذكر عن انثى من لون الخد اسفل العين لو ذكر يكون الخد برتقالي اما اثنى لا بال تكون لها دمعة بلون اسود اسفل العين

5 لا تنسى تغير الموية بشكل يومي وهذا مهم والحبوب لو فيه شي نظفها

6 بخصوص اخر صورة والله حالتي من حالك عندي ذكر كذا وابي انزل موضوع واسال الناس هل هذا مرض ام شو بس بما انك نزلت بنتظر احد يرد واشوف

ولو اي سؤال تفضل وبالتوفيق