هو ده كده اعراض برد ولا ايه

[Sos.So]

القط بتاعى يا جماعه حاسه انه داخل على برد ولا ايه تعبان هو تقريبا عنده 50 يوم
امبارح كان كويس الصبح وبيلعب وعادى وتمام جه فى نص النهار كده وفجاه خد جنب ومبقاش يلعب ولا يعمل اى حاجه وبقى ساااااااكت ملوش صوت اقرب منه يبصلى وخلاص ميقومش ولا يعمل اى حاجه احاول الاعبه باصصلى وخلاص نام اغلب الوقت ف النهار نايم خالص على رجلى صحى عمل حمام مرتين ونام تانى وصحى كان عايز يرجع بس مكانش حاجه راضيه تنزل خالص ومش كان عايز ياكل مكالش اى حاجه من الصبح خالص لغايه الساعه 11 بالليل خدته صيدليه قاسله درجه الحراره طبيعيه 38 ونص واداه حقنتين كده واحده زيتيه مش فاكره اسمها قالى زى الفيتامينا كده وواحده تانيه كده قالى فاتح للشهيه عشان ياكل بما انه مكالش اى حاجه من الصبح هو اداهاله تحت الجلد فى رقبته من ورا قالى مفيهوش اى حاجه هو بس بردان وكان فعلا بيترعش ودفيته امبارح بس يا حبيبى مش بيتحرك خالص ونااااااااااااااااااابم على نفسه جه على الساعه 11 كده قام بس كان بيمشى بالتصوير البطيء انا بعمله البطاطس مهروسه ناعم اوى زى الجبنه النستو كده فبيحبها اوى بس كل منها شويه صغيره ونام تانى
النهارده الصبح قام عادى جدا وبيجرى وبيلعب وبيعمل حمام وبياكل عادى جدا جدا وبيتحرك وبيلعب لما بلعبه والحمد لله تمام بس حاساه برضو لسه تعبان مش عارفه ليه صوته واطى اوىىىىىىىى اوى اوى وقلقانه من حوار الحقنتين اللى خدهم دول وعينه نايمه خالص يلعب يبقى تمام وصاحى وكله تمام بس شويه ويروح جاى عند رجلى عشان يطلع عليها ينام هل ده طبيعى ولا داخل على دور برد و لا ايه والحقننتين اللى خدهم دول ايه ولا عادى ولا هما اللى مخليين صوته كده ولا ايه
ولو داخل على برد اعمله ايه الحقه بدل ما يجيله برد بجد

[شاهستا]

اهلا بيكى

اهم حاجه تدفيه وتبعديه عن اى تيار هوا

ومتخليهوش ينام على السيراميك ولو تقدرى تديله مضاد حيوى عشان ميزدش عليه البرد يكون كويس

ايموكس لاطفال 1 سم مره فى اليوم

او بيتاموكس من الصيدليه البيطريه ربع القطاره مره فى اليوم

[Sos.So]

المشاركة الأصلية كتبت بواسطة شاهستا

اهلا بيكى

اهم حاجه تدفيه وتبعديه عن اى تيار هوا

ومتخليهوش ينام على السيراميك ولو تقدرى تديله مضاد حيوى عشان ميزدش عليه البرد يكون كويس

ايموكس لاطفال 1 سم مره فى اليوم

او بيتاموكس من الصيدليه البيطريه ربع القطاره مره فى اليوم

لا هو من يوم ما جالى وهو بينام جنبى على السرير تحت البطانيه كمان
ناو انا قافله شباك الاوضه خالص مفيش اى تيارات هوا بتدخل يعنى جو الاوضه العاديه
بس عاوزه اسأل انا جيبتله كيوريسيف بتاع الاطفال واديته سم
كيوريسيف احسن ولا ايموكس ؟؟ ولا بيتاموكس ؟؟

[بنت المدينه1111]

كيوريسيف اقوي التلات مضادات وان شاء الله يتحسن

[Sos.So]

المشاركة الأصلية كتبت بواسطة بنت المدينه1111

كيوريسيف اقوي التلات مضادات وان شاء الله يتحسن

يارب
شكرا ليكو يا قمرات

[شاهستا]

هو ايموكس احسن ليه لانه لسه كيتن

[Sos.So]

اوكى تمام شاهى

[Sos.So]

شاهيستا معلشى عاوزه اسأل عن حاجه
بدل ما افتح موضوع جديد
انا ناو اديتها ايموكس .. بس صوتها تقريبا بقى مبيطلعش خالص بقى ضعيف جدا دا عادى من البرد يعنى ولا ايه ؟
تانى حاجه هى بتاكل كويس وبتعمل حمام بول وبراز كويس وبتلعب وبتتحرك وكل حاجه
بس بطنها حاسه انه منفوخ لما بمنع الاكل خالص 5 ولا 6 ساعات وبتعمل حمام الانتفاخ ده بيقل
بس لما بتاكل بيرجع تانى ده سببه ايه ؟؟
انا صورتها بس الموبايل مش عارفه اوصله باللاب عشان اوريكى صوره

[شاهستا]

اهلا بيكى ياقمر

معلشى صوتها من البرد استمرى بس على الايموكس وان شاء الله تتحسن

اما بطنها طبيعى عشان هى لسه كيتن متقلقيش

[Sos.So]

المشاركة الأصلية كتبت بواسطة شاهستا

اهلا بيكى ياقمر

معلشى صوتها من البرد استمرى بس على الايموكس وان شاء الله تتحسن

اما بطنها طبيعى عشان هى لسه كيتن متقلقيش

طيب بصى
اخر حاجه هى نوعها شيرازى مون فيس
هو طبيعى عينها بتدمع ؟؟ هى كانت بتدمع برضو قبل البرد مش الدموع الكتيره بس فيه دمعه فى عينها لما بمسحها عادى بس اتقالى ان الشيرازى كده !!!