نفور؟؟؟؟؟؟؟

[sanikoli]

السلام عليكم ورحمة الله وبركاته
عندي كاسكو من فترة 17 يوم وعمرو تقريبا سنة. بعدو بخاف مني مع العلم بعاملو بلطف وأنا عايش لحالي بالبيت يعني معظم الوقت وجهو بوجهي. لمن أعطي سيبال بيخدها مني بسرعة وبيبعد لداخل القفص ولمن بحطلو أكل بصحنو ما بياكل إلا ما كون ضهرت من الغرفة. نبارح قررت أكسر حاجز الخوف يللي عنا ياه تنيناتنا. فتحتلو الباب العلوي للقفص وضحر قعد على سطحو (ريشو مقصوص) كان كتير مبسوط بس كمان بحذر أنا كنت عم شوفو من مسافة مش قريبة لمن قرب لعندو بيبعد شوي. لمن حاولت دخلو القفص ما كان يرضى بسهولة إلا بعد جهد جهيد. اليوم كمان عملت نفس الشي بس "أخونا" طار عن سطح القفص وصار يتمشى. لمن نويت دخلو القفص راح قعد بالزاوية وصار يجعّر , تركتو شوي وحاولت مره تانية صار يجعّر أكثر, بعدان خلاص صار لازم أضهر على دوامي حطيتلو القفص مقابلو ما كان يفوت وطبعاّ جعير. بالآخر (وأنا خايف) ما يعضني, حطيت فوقو منشفة ودخلتو القفص وجعيرو وصل للحدود السعودية. بعد لحظات حاولت حدثو وراضيه كان خايف وصار يجعّر بس أخف من الأول. هلق حاسس وخايف إنو ينقم عليي وما يعود أبدأ يألفني. وبما إنو أنا جديد على تربية الكاسكو وخوفاً من إنو يصير عندو نفور دائم قررت على العطلة الأسبوعية روح على سوق الطيور وبيعو. بس بالأول بسمع رايكن. شكراً وأسف على طول الشرح.

[تشآرلي]

وعليكم السلام ورحمة الله وبركاته

طريقتك جدا ممتازه ,, لو استمريت على هذا الشي شهرين بيكون الليف

ولو ماتقدر تتحمل بيعه .. ^_^

بالتوفيق

[sanikoli]

عزيزي تشارلي يعني برايك كفّي هيك؟؟؟؟حتى لو جعّر؟؟؟أو مؤقتاً ما بضهرو من القفص لحد ما يصير أكتر أليف؟؟؟

[مفترس تو زوو]

حبيبي لاتبيعوو استمرر وراح تلاقي حلول بس انتا اصبر اصبر <+<<<<<لاتستعجل