شكلي مالي حظ

[حروف قطيفية]

السلام للاعضاء جميعا
بعد معاناة مريره في محاولات يائسه لترويض الدره فشلت ورحت البارحه شريت فرخ كروان
لاتينو كان قذر جدا والسيرلاك لاصق على كل جسمه حممته وانتبهت له من التيارات وجففته بالسيشوار من بعيد والعيال مبسوطين فيه اليف ولطيف وعمره 5 شهور بس وانا جالسه اغره انتبهت لعيونه كانها مسحوبه لتحت وكانها بتدمع ولاحظت عليه العطيس وبالنسبه للبراز تكرمون جميعا الاحظ عليه السيوله ماادري هذا طبيعي او لا
بس حركته عاديه يعني يتحرك ويرتب في ريشه خصوصا انه كان محروم من هالشي السيرلاك كان مثل الجبيره عليه لاصق على صدره وذيله والقفص قذر حده المهم الطير كان في جره وطلع لبره بعد الترويشه
ودايما يحب يطلع بره القفص مايحب القفص يحب يتشعلق على اليدين بس انا قريت عن الامراض ومادري هل هذا المرض هو مرض الدمعه الي يحكون عنه وهل في امكانيه في شفائه والا مالي حظ
ارجو من الي مر بهالشي او يعرف علاج للمرض يسعفنا جزاه الله خير

[حروف قطيفية]

الظاهر مالي حظ مو بس في الكروان الا حتى بالمنتدى الحلو هذا
شدعوه الف من يدخل ولا واحد يرد ولا حتى بدعوه حلوه ه ولا رد وين الخبراء والمربين احنا بحاجتكم الواحد يحط سؤاله وينسى
عموما
عشان لايصير موضوعي بلا فايده
انا وديت الطير العياده البيطريه
وقال عنده زكام وتهدل العين الي حصل بسبب الزكام من اثر الترويشه وليس بسبب مرض الدمعه والحمدلله وصف لي دواء وفتامين وان شالله يصير زين ومشكورين يااخوان ماقصرتوا

[a-y-n]

والله ودي أفيدك بس أنا أمس شاري أول جوز كروان لي ولا عندي خبره ..