انفلونزا الطيور وصل الكويت @..@

[كناري]

الله يعينكم يااهل الكويت ..

المرض هذا زايد وايد خطير .. بس بعد نحن نربي دياي ومتوتات ,

انشاء الله مايوصل هذا المرض الامارات ..

والله يحفظكم يا اهل الكويت

[القطوة الدلوعة]

الله يبعدة عن الامارات و بلدان العرب
.
.
.
بعيد الشــــــــــــــــر

[Dominique]

كناري

القطوة الدلوعة

الله يسمع منكم ولا يقرب صوبكم ويفكنا منه احنا بعد

يارب
.
.
.

[aMoOoNah]

يؤيؤيؤيؤيؤ
ما تستاهلوون يااهل الكويت
الله يبعدة عنكم ان شاء الله
انتبهو على قطاوتكم الله يحفظهم لكم ياااارب
الله يكون بعووونكم
مافي شر ان شاء الله

[Dominique]

أمونة

الله يسلمج من كل شر حبوبة الله يبعده عن الخليج كله يارب
.
.
.

[قطو_Q8te]

السلام عل يكم
خبر مفجع بصراحه اصطبحنا بسماعه منذ ايام..
بس الحمدلله يا دومنيك انه الحكومه والهيئه المختصه بادروا باعدام جميع الدواجن ومنع بيعها بالجمعيات
غير الحملات الخاصه بالتعقيم
وانا كنت بالمستشفى من ايام وسئلت الدكتور قالي مافي خوف , ومافي ولا اصابه بشريه ومثل ماتشوف لو في جان كل مستشفيات الكويت الناس مسدحه فيهم.

[Dominique]

وعليكم السلام

صح كلامك الحكومة والهيئة ما قصروا

بس والله آنا مو خايفة على نفسي لأني راح أقدر أعابل فيها

بس خايفة على دمدم قلبي

الله يستر

ويعين الجميع
.
.
.

[westlife]

الصراحه الخبر اول ما انكتب في جريدتكم انتشر على طول في الدوحه وفي جرايدنه الله اعينكم على ما ابتلاكم وانشالله حكومتكم اتسيطر على الوضع وكل شي يرجع طبيعي
أمين

وانا اول ما اسمع اي خبر ان كلشي اوكي وسيطرو على الوضع اكيد بايي الكويت
بس محد عنده معلومه مته ببطلون سوق الحمام الي عندكم في الكويت؟

[Dominique]

المشاركة الأصلية كتبت بواسطة westlife

وانا اول ما اسمع اي خبر ان كلشي اوكي وسيطرو على الوضع اكيد بايي الكويت
بس محد عنده معلومه مته ببطلون سوق الحمام الي عندكم في الكويت؟

السوق متوقف الى اشعار آخر
.
.
.

[عزوز]

شكرا على المعلومات والتحذير