أستفسار بشأن مرحلة الخطر في الفروخ ..

[أبو الهنوف]

السلام عليكم ورحمة الله وبركاته


أخواني عندي جوز كروان انتجت فرخين والحين لهم تقريبا 20 يوم .. ومازالوا يجالسين في البياضه ..

السؤال


متى يشد عظم الفرخ ويعتمد على نفسه ؟!

هل أقدر الان اطلع الفروخ من البياضه والا فيه خطر عليهم ؟

هل لو مسكت الفروخ بيتركهم الجوز ؟؟

الفروخ تحتاج مساعده من ناحية الغذاء والا اذا كبروا يطلعون من البياضه وياكلون من الحب دايركت ؟!


أتمنى القى اجابه لأني في حيره من أمري

[! هاويه الطيور !]

عليكم السلام :") ..

للحين الفروخ صغيره ولاتخرج الى بعد الشهر ونص لانه فطام الصغار شهرين

والفروخ بالغريزه راح تخرج من العش المهم فقط حاول توفير التغذيه للزوجين بكثره وتنوعين الاكل لهم

واتمنى ماتخرجهم وتلمسهم بكثره وبالاخص بفتره العمر الصغير خوفاً من اخذ برد الطيور الصغيره جداً

حساسه اذكر احد الأعضاء للاسف قام باخراج الفروخ الصغيره حتى واضحهم في الارض والفروخ للحين

ماظهر ريشها وانا افضل فقط متابعه الصغار كلُ فتره وتاكد الفروخ الصغيره تاخذ حصتها من خلال

النظر للحويصله :") ..


وبالتوفيق ..

[أبو الهنوف]

شاكر ومقدر أختي الكريمه ..

وأنتظر إن كان هناك من يود أن يدلو بدلوه في الموضوع حتى تعم الفائده ..

[عاشق الكوكتيييل]

يخرج الكوكتيل من العش بعمر شهر واسبوع على ما اظن وينفطم الفرخ اذا صار عمره شهرين

وعادي اذا مسكت الفرووخ بس مو تشيلها قدام الزوج لان هني ممكن ما يأكلوونهم واذا ما اكلووهم عليك انت ان تغرهم

أجمل تحية

[beeshoo]

مافي اي مشكلة ابدا اذا مسكتها !!!
انا اول زوج كروان عندي واول انتاج انتجوه شلت الفروخ ومسكتها من يوم ماشفتها المسها ..
ويوم صارت كم يوم اطلعها واتمشى فيها بالبيت << فرحانه فيهم خخ ..

ولما صار عمرههم بالاسابيع عزلت واحد وصرت ااكله بالابره ..
ولما طفشت منه رجعته لأهله وصار يوكله وحتى ينظف بقايا السيرلاك اللي على الفرخ ..
والاوضاع كلها تمام ..