{"~_~"} متى بدايتكم في تربيهـ القطط شاركونا

[HaiDy]

ماتفرق عدد السنين كثر المعلومات الصحيحه اللي قاعد تتبعها مع قطك ..


بالنسبة لي بتربية القطط تصدق لو قلت من الطفوله ..!

ماذكر عمري بالضبط يمكن خمس سنين او سته شفت بسة شوارع بمزرعة جدي الله يرحمه وكانت اليفه هي

ماتخاف من البشر كان لونها اسود بابيض وحلوه اتذكر شكلها ^_^ قربت لها ومسحت على راسها وحبيتها

وكان شكلي وانا صغيره زي القطه على كلام اهلي وانا شفت صوري وانا صغيره شكل دلع وحركات وكذا يعني

كلي على بعضي قطه *_^ بس يوم كبرت مع الظروف والهموم لابد يتغير فيك اشياء"

متى ربيت بسة بالفعل امممم ماتذكر قاعده احاول اتذكر بس مو متذكره بالضبط مدري بالمرحله المتوسطه او

الثانوي ولحد الحين والى الابد ان شاءالله اول ماربيت بسس شوارع ثنتين جابهم اخوي يقول شفتهم بردانين

وماحولهم احد شوفيهم اخذتهم ولا اعرف شي ابد وماكان عندي نت ولا شي اخذت لهم رضاعه احط فيها حليب

كل كذا ساعه اعطيهم وكبرو ماشاءالله كانو انثى وذكر يووه حبيتهم حييل ماتذكر ظروف رحيلهم عني مادري

اهلي اخذوهم مادري وش صار بالضبط مابي اتذكر ذكريات مؤلمه .. المهم بعدهم صرت اوصي اخوي يجيب لي

وبس يكتشفها ابوي يشيلها يرميها بعيد عن البيت عشان ماترجع ويتقطع قلبي واقعد فتره وبعدها اجيب ويرميها

وهكذا كل وحده ربيتها مانساها ربيت كثييييييير ماتذكر العدد بس كثير والحمدلله ماقد ماتت عندي بسه بس مامليت بالعكس يزيد حبي لهم لحد

ماقتنع فيهم ابوي خلاص وشريت امريكي وبعده شيرازيه وجابت لنا كيتنزات حلوين والحين مرتاحه الحمدلله ..

بس باقيلي اغراض اوصي عليها من الرياض وتصير احلى فله ^_^

الله يحفظهم لي كلهم

بس متى تعلمت عن الاكل الصحي للقطه ترويشها بالشكل الصحيح نظافتها امراضها علاجاتها الحين بس من

فترة قريبه .. الي فات مات والحمدلله اني تعلمت الحين