وهـذه قصــــيدة مـن أحـب القصـائد لنفسـي ..
خذتني لهفة الخافـق خذتنـي خطوتـي يمّـك
خذاني شوق مو عادي وربي صرت مجنونـك
حضنتك يابعد روحي وحلمـي أمنيـة ضمّـك
وصار الحلم لي واقع ايعقـل هـذه عيونـك؟؟
ذبحني رمشك الناعس احس برمشتـه سمّـك
اموت بسمـك الحالـي احيـا بذبلـة جفونـك
شفايف كلهـا روعـه تخاصـم دايـم ابفمّـك
تذوب شفاهـك الحمـرا اذا عضيـت بسنونـك
تعض لسانك الوردي وشهـدي منبعـه دمّـك
اذوق الشهد مـن فمـك واذوّب جملـة فتونـك
ابي موجك على صدري .. يداعبنـي انايمّـك
تعالي موجة اشواق(ن) يلاطف شوقي سكونـك
اضمّك شوق ياعيني وانسّيك اسمـك وهمّـك
انسّيك الدموع اللي ذرفهـا الحـزن وشجونـك
انا شاري .. انا كاسب .. جميع المدح مع ذمك
ترى ذمـك مـع العالـم طيبـة قلبـك ولونـك
الا يانعنبو حضـي علامـه مامسـك كمّـك؟
ولاحطيتي اذراعـك بزفـة عـرس يشوفونـك