تكفووووووووووووووووووووووووووووون ساااااااااااااااااااااعدوووووووووووووووني

[الطائرالصغير]

السلام عليكم

انا شاري فرخ كاسيكو عمرة 5 اشهر وايد احك واريد ان اشتري هذا الدواء

عندي كم سؤال لو سمحتم؟
1-هل الفاش نفس القمل او الجرب؟
2-وين اقدر احصل الدواء -- ivermectin -- panmectine 5--- تراني عجزت ولا حصلتهم في البحرين؟
3- هل في بديل عن هذا الدواء؟

[صوغة]

مبروك عليك الطير
وطيرك مافيه شي يحك طبيعي تووه يتعلم اشلون ينظف ويرتب ريشه

كان عندي فرخ ويحك بقوووة خاصة فوق الذيل وقالي الطبيب مافيه شي هو يستفز غدة دهنيه فوق الذيل عشان يلمع ريشه وطول اليوم فارد هالاجنحة يحك وينظف ويمص الريشه من اولها لاخرها

لاتستعجل واتحط عليه ادويه اذا شااك اعرضه على طبيب ..

والله يخليه لك

[مجنون فلته]

السلام عليكم

حبيبي ياريت تخلي صوره الى طيرك لأنه مو شرط الطير يعافي من شي

واذا تبي ادويه او اي شي عندك شارع البديع الزهراء للزراعة والحيوانات وبعد عندك ملينيوم الي بالمحل اسمه حسين بمجمع الضلع

وعندك عزام بس نسيت محله وين بالضبط

وعندك بسوق واقف محل ملاصق بمحل الطيور الأفريقيه

[محب الكاسكو الرمادي]

ما قصرو الاخوان
تحياتـــــــــــــي

[الطائرالصغير]

أشكركم جميعكم

بس كنت انا خايف اذا الفرخ فيه شيء
لانه قراءة في الموقع ان اول ما تشتري الفرخ تعطي الدواء مال الفاش
لانه البارحه كان يحك في معظم جسمه وينفظ روحه

والشكر الى الجميع

[مجنون فلته]

هذا شي روتيني تلقاه عند كل ببغتء انه يحك وينفظ جسمه لتنضيف

لاتحاتي سبح الطير بماء دافي وخله بمكان دافئ لين ينشف لاتخليه بمكان بارد ترى بيموت في الأسبوع مره لأنه الجو صار بارد الحين

بالتوفيق

[BiG MaMa]

الطير ان شاء الله مافيه شي

الي يسويه عادي

[صوغة]

لاتسبحه اذا كان فرخ .. ماعنده مناعة ولايقدر يعدل ويضبط درجة حرارة جسمه ..

خاصة الجو بدأ يبرد

اصبر عليه .. والله يحفظه لك