اول فرخ

[M a Y e D]

السلام عليكم ورحمة الله وبركاته

قبل فتره صدت كميه من حمام البر، بصراحه ما عرفت شو اسمه بس لما دورت لقيت كذا اسم مثل حمام الخافت او ياكريم وفي السودان يسمونه ياعصمان لا هاي من عندي.

والصراحه ما عرفت شو اسمه ، المهم قريت انه من الصعب تكاثره في الاسر ، مع انه كان يبيض عندي بس كان يكسر البيض الين شفت زوجين توالفوا مع بعض ولاحظت انهم يرتبون العش وخليتهم على راحتهم وبعد كم يوم باضت الانثى بيضتين ، وبعد مرور 16 يوم فقسوا البيض ، والصراحه اليوم فقسوا ، بس لاحظت وجود فرخ واحد واختفاء البيضة الثانيه ، قلت يمكن الفرخ طلع من العش وطاح مكان ، قلبت القفص فوق تحت ما لقيت اثر للفرخ الثاني ولا لبيضته مع انه لين البارحه كان فيه بيضتين

وهاي الصور :

هذي الانثى



البيض



الفرخ بعمر يوم




فرايكم وين راحت البيضه الثانيه

[حمام البحرين]

البيضة يمكن تكون فسدت وراح يقوم الزوجين بكسرها او رميها خارج العض
او يمكن اذا كان هناك فتحة في القفص ان يأتي فأر او جرذ يأكل البيضة
اما بالنسبة للانتاج هذا النوع هو ياكريم وله الوان عدة منها ابيض وكريمي واصفر اما الي عندك هو اللون العادي وفي البحرين يتم بيعه بمئتين فلس وبلآماراتي يعني درهمين للجوز ومايسوى تربيه اصلا لانه ما منه فايدة
بس على العموم اذا كان عاجبك ممكن تواصل وتشتري الوان مميزة وفي الامارات عندكم الوان مميزة من هالنوع واسعارها تصل الى مئة درهم تقريبا اذا كان اللون مميز
واي استفسار اخوي مايد في الخدمة

[هكذا اذن]

هذا حمام راعبي وصوته حلو

البيضه الثانيه يمكن والله اعلم كسروها او عرفو انها فاسده طلعوها من العش

والله يباركلك بحلالك

[M a Y e D]

المشاركة الأصلية كتبت بواسطة حمام البحرين

البيضة يمكن تكون فسدت وراح يقوم الزوجين بكسرها او رميها خارج العض
او يمكن اذا كان هناك فتحة في القفص ان يأتي فأر او جرذ يأكل البيضة
اما بالنسبة للانتاج هذا النوع هو ياكريم وله الوان عدة منها ابيض وكريمي واصفر اما الي عندك هو اللون العادي وفي البحرين يتم بيعه بمئتين فلس وبلآماراتي يعني درهمين للجوز ومايسوى تربيه اصلا لانه ما منه فايدة
بس على العموم اذا كان عاجبك ممكن تواصل وتشتري الوان مميزة وفي الامارات عندكم الوان مميزة من هالنوع واسعارها تصل الى مئة درهم تقريبا اذا كان اللون مميز
واي استفسار اخوي مايد في الخدمة

الظاهر يمكن كسروها لانه ما فيه اي فتحه في القفص والحمد لله ما فيه فئران. وبخصوص تربيه الحمام فانا مب مهتم فيه وايد بس هو يدخل القفص واسكر عليه يعني تقدر تقول اني صايد للحين شي وثلاثين حمامه

ومشكور على الرد

[M a Y e D]

المشاركة الأصلية كتبت بواسطة هكذا اذن

هذا حمام راعبي وصوته حلو

البيضه الثانيه يمكن والله اعلم كسروها او عرفو انها فاسده طلعوها من العش

والله يباركلك بحلالك

مشكور اخوي على الرد والله يبارك فحياتك

[سندباد]

هاذا اسمه قميري

واول مره اعرف ان هاذا النوع بيربى لانه متوفر وكثير

ومكن البيضه الثانيه تكون فقست وطار الفرخ<<<بمزح معك

لاكن ممكن تكون فسدانه

[xX7oSaMXx]

الصراحه استغرررررب مررره مره مره ان هذا النوع بيض عندك ووالف يعني


انا من الرياض واشوف عندنا بالشوارع هذا الطير بكثره يعني

ويوم اني صغير كنت اصيده بس ما اربيه امسكه واشربه مويه واطيره على طول ههههههههههههه


ومبروك عليك الفرخ

[king of anakonda]

ما شاء الله

[زاجل7]

يمكن عندك فتحة في القفص ودخل منها فار واخذ البيضة

[البائع الصغير]

خخخخخ ايوالله هذ1 القميري ..

كآن عندي حمام قبل يمكن 7 سنين .. واصيد كل يوم ثلاث حبات وحولها

وصار عندي حول 40 حبه .. وعلى طوول طيرتهم خخخ

تحياتي لك