انقذوني يا اصحاب الخبره جزاكم الله خير.

[alwafi_x7]

السلام عليكم ورحمة الله وبركاته.

يا جماعة الخير اناعندي مكاو نتف ريش صدره كامل وريش جناحه وذيله صار متقصف وجزء منه تغير من اللون الازرق للون الاشهب او الاصفرتقريباً وعضمة صدره بارزه وبرازه اكرمكم الله شائل مع مخاط وديته للبيطري قالانبروز عضمة الضضدر من الدود واداني حبتين احطها له في المويه كل 15 يوم وتحشن شوي وللريش اداني فيتامينات بش مافي فايده.


افيدوني جزاكم الله خير.

[أحلى حلم]

عليكم السلام ورحمة الله وبركاته,, بالنسبه لنتف الريش هذي نفسيه تجي دايما في الكاسكو والمكاو والكوكاتو بسبب تعلقهم باصحابهم ويبون اربعه وعشرين ساعه اهتمام ولعب وتدلع, اللحين بالنسبه لنتف الريش انا اشوف بعض المقاطع ع اليوتيوب حاطين شي زي الحديد او ايطار على رقبة الطير بحيث انه يمنعه ماينتف ريشه وهذا الشي اتوقع انه مفيد لطيرك وممكن تروح لبيطري محترم يركبه لك او انت تركبه اذا طريقته سهله وتتبع التعليمات اللي يقولها البيطري وفيه بعض الناس يحطون ماده على الريش مدري ايش يقولون تخلي الطير ماينتف ريشه لان الماده هذي طعمها مو حلو بالنسبه له ومع الايام خلاص ينسى نتف الريش انت شوف البيطري وبيفيدك باي وحده انسب. بالنسبه للتغذيه حاول تعطيه اشياء مفيده تعوضه عن الريش اللي خسره عشان ينمو من جديد وسمعت ان الجزر مفيد للطير عشان ريشه وعطه من الفواكه المشكله يعني مره بالاسبوع والخلطات الثانيه تلقاها هنا في المنتدى الشباب مو مقصرين كل الخلطات المفيده حاطينها هنا ممكن تضبطها لطيرك ومايشوف شر يارب بس هاه لا تتكيسل وتقول مو فاضي وبيتحسن من نفسه ترا الطيور تحتاج رعايه واي تاخير منك وعدم اهتمام راح يخسرك الطير كله لا تتهاون في الموضوع حتى لو انه بسيط.

[alwafi_x7]

جزاك الله خير يا احلى حلم والله يحقق لك احلامك...


بس انا اخذت المكاو منتف قبل حول 4 شهور وصاحبه كان مهمله واهتميت في غذاءه بشكل كبير مع كورسات امينو فيت وفيتامينات مع تشميس كل كم يوم ومن ناحية النفسيه ابدا ماهي نفسيه لانه صار بيني وبين المكاو علاقة قوية جدا ويطاردني في كل مكان حتى وانا نايم ينقرني الين ما اصحى والعب معاهـ ووصل لدرجة انها تطلع الاكل من فمها وتحطه في يدي (كاني زوجها او ولدها ههههه) ومع هذا كله مو راضي يطلع الريش وريش الباقي ناااااشف ومقصف.

وانا قلت بعد الله ماراح الاقي الحل الا في ملتقى الخبرات تو زوو ان شاء الله.

[شرارة]

هذا موسم تبديل الريش

حط الطير في مكان يميل للبروده شوي موبارد مره عشان ما يمرض

ونوع له في الغذاء وعطه فتامينات ثلاث مرات في الاسبوع

وحاول تريح الطير لا تتعبه ولاتضايقة خله على راحته

خله ينام وقت كافي روشه يوميا باستعمال الرشاش الرذاذ في مكان دافي


وان شاءالله يعدي المرحله بسلام



بتوفيق اخوي

[شرارة]

حبيبي هذا تبديل ريش 100%

والله اعلم زي ماقلت لك ولاتقلق فتره وتعدي

[alwafi_x7]

جزاك الله خير يا شراره وعلى فكره انا مسميها شراره وطالبين حق السمايه سوال زياده ههههههه.

بس له فتره طويله اكثر من 4 اشهر ونفس الحاله وانا منوع في الاكل واعطيهم فيتامينات بس مافي فايده شراراه جننتني.

[شرارة]

والله شرارة وضعها مايطمن اربع اشهر !! وحق السماوه ابشربه تستاهل شرارة بس الله يعافيها اول

طيب اكله كويس ونشاطه ؟

اوقات التبديل يطول بس انت ملاحظ ريش مقصوص مع النص او ريش كامل يطيح
:
ثاني شي الفراغات اللي بصدر فيه ريش طال صغار او كل ماطلع نتفه؟

بنسبه لعظمة الصدر هذا يصيروقت القلش اللي هوالتبديل ينحف الطير

خلك على ما انت عليه من اهتمام بتغذيه. وجاوبني على اسألتي اللي فوق

والطير حاطه في مكان حار انت؟؟

[alwafi_x7]

اكله ان شاء الله درجة اولى ونشاطه طفشتنا من حركتها الزايده ماشاء الله والريش مافي ريش مقصوص من فعلها لكن في ريش يطيح كامل لحاله بس ذحين ماعاد يطيح شيء والفراغات اللي بصدره او مسامات اللي يطلع منها الريش ما يطلع منها شيء بس منتفخه باحجام مختلفه وثابته ما تتغير (انا مراقبها كل يوم اشوف طلع ريش ولا ماطلع) والمكان اللي فيه على قولك يميل للبروده لانها في الصاله.
واسفين اسفين اسفين على القروشه وبعطيك العضو المميز (يعنني مشرف هههه).

[أحلى حلم]

طيب شوف جرب يمكن فيه علاج يرشونه على الريش يساعده على النمو مثلن ينخلط مع الماي في البخاخ وترشه على الصدر وعلى الاماكن المنتوفه عاد اقول يمكن اتوقع مو اكيد وجرب تغير مكان الطير الى مكان يتجدد الهوا فيه وخله يتشمس شوي بس هاه مو تجيب العيد وتحطه بالشمس الساعه ثنتين الظهر لا يعني في الصباح الباكر والا نهاية العصر,, وحاول تحطه الاكل اللي يساعد فيه تجديد الريش ولمعانه سمعت ان الجزر زين,, اهم شي لا جيت ترش ماي عليه انتبه لا يجي وجهه وخشمه عشان ما يزكم والا يمرض خلك على الظهر والاجنحه والبطن والرجول والصدر وخلك حذر لا يتحرك فجئه وتجيب العيد بالوجه والخشم واهم شي مكان دافي لا تحطه عند المكيف والا يلفحه هوا,,

[محمد عطا الله]

اخوي ممكن تكون فطريات في بخاخ يتباع عند البيطري انا مجربو مع الدره والحمد لله شفت النتيجه بعد اسبوع من استخدامو والله يشفيلك طيرك