أود تربيه سلاحف رد ايرز سلايدر واحتاج مساعدتكم

[itti18]

السلام عليكم ورحمه الله،

انا أول شي ما قد ربيت سلحفة ولكن من صغري نفسي ... النوع الوحيد من الزواحف اللي استلطفه واحس انو ممتع وشكلو يفتح النفس ولطيف هو السلاحف

عمومًا حاب اسألكم واتمنى مساعدتكم <3

1 .. اغلب انواع سلاحف الريد ايرز سلايدر تنباع جدًا جداً صغيره ... ايش اعطيها اكل وكيف نظام تربيتها ؟ قريت ان السلاحف الصغيره تربيتها اصعب من الكبيره

2.. الحوض والتجهيييزززززز <<< اهم سؤال... ابغا ازين الحوض وابغا فيه زرع وحجار وكهوف و... و... و.... ابغا ادلع السلاحف بأختصار ايش الاشياء اللي احطها في الحوض ؟ ومن فين اجيبها وايش اسمائها ؟ مع العلم اني ناوي اجيب 3 او 4 سلاحف. ( حسب سعر السلحفه مع اني سمعت انهم ما يتجاوزو 15 او 20 ريال .. اخذ الافاده من عندكم )

3.. ايش نظامهم مع مكيف الغرفه لاني وقت النوم اشغل المكيف وتكون الغرفه بارده. وابغا الحوض شكله لطيف ومفتوح من فوق و جهه يابس وجهه مويه < القا شي كذا ؟؟؟

بأختصار ابغا منظر جمييييييييييل للسلاحف

4.. كيفيه وضع الماء ؟؟ هل صحيح الماء من الحنفيه ضار جدًا للسلاحف ؟ لو ضار كيف الطريقه الصحيحه لوضع المياه ؟ مع العلم اني مبتدأأ بالنسبه للسلاحف ولم يسبق ان ربيت سلحفاه

5 .. كل كم يجب تنظيف الحوض ؟

6 .. هل الشمس ضروريه؟ ومن فين اجيب جهاز تدفئه الماء ؟ وهل سعره غالي؟

7 .. بالنسبه للمبات حقت الحوض .. سمعت عن لمبه لازم تكون موجوده في الحوض .. من فين اجيبها ؟

8 .. هل لازم اركز على اشياء عند شراء السلاحف ؟ كيفيه معرفه السلحفاة الجيده من الغير جيده.

اخيراًً .... هل هذي هل كل المستلزمات لتربيه السلاحف تربيه صحيحه ومريحه لهم ؟ وكم ممكن تكلفه التجهيزات كامله للسلاحف تكون ؟

بأختصار انا ما ابغا اجيب حيوان جديد الا وكل شي متوفر له ويكون مرتاح عشان لا اتعب نفسيا لو صار له شي لا سمح الله


وشكراً لكم جميعا واسف طولت عليكم


سلام