لكل من يريد الحصول علي أصوات لطيره .. يتفضل ونحن بالخدمة

[كويتي777]

السلام عليكم ورحمة الله وبركاته

أخواني أعضاء منتدي 2zoo بصراحه انا استفدت كثيرا من موقعكم الرائع

وحبيت اخدمكم بلي اقدر عليه من خلال كل ما يتعلق بالصوت بما انه مجال تخصصي

أخواني الي عاجبه صوت اي مقطع باليوتيوب بس يحطلي رابط المقطع وراح اجيبله الملف الصوتي للمقطع بأسرع وقت وبصوت صافي مثل صوت المقطع بالضبط لتتمكنو من حفظ المقطع علي هاتفكم او سيدي لتعليم طيركم علي الكلام او التصفير

إضافة الي ذالك كل ما تتطلعون له من اعمال صوت انا جاهز وبالخدمه وحصري للمنتي فقط

امثله

الي يريد ان اجعل اي مقطع يتكرر مره ومرتين وحتي الالف مره
من يريد ادخال صوته او اي صوت علي اي مقطع واتباعه بمقطع صوت اخر واخر

وفوق كل هذا انا قاعد اسوي مقاطع للكاسكو الي عندي مقاطع تصفير وكلام بصوتي وبإذن الله راح انزلها لكم في نفس الموضوع عشان تستفيدون منها


وهذا مثال علي طريقة تحويل ملف من اليوتيوب الي ملف صوتي




المقطع علي اليوتيوب

http://www.youtube.com/watch?v=PL21T...19A421AC1F541F


المقطع الصوتي

http://www.zshare.net/audio/993139403973e38f/




عموما كل ما يختص بالصوت ودمج وتكرار الاصوات انا بالخدمة والرد بكون سريع بإذن الله
والروابط مباشرة


وشكرا أعزائي

[محب المكاو]

ابغى مقطع لتعليم الببغاء الكلام ممكن

[الهاشم]

اي اخوي مقطع للكلام لاني حسب ما سمعت ان الافضل تعلم الطير الكلام قبل التصفير
مشكوور مقدما وفي انتظار ابداعاتك

[بلاك بيري]

ماشاءالله ممتاز جدا موضوع جدا مميز

[ابو محمــد]

اشكرك اخوي كويتي777 على خدمة اخوانك وهذا كرم نك يالغالي

بالتوفيق.

[كويتي777]

المشاركة الأصلية كتبت بواسطة محب المكاو

ابغى مقطع لتعليم الببغاء الكلام ممكن

تامر أمر شوي وبرفعلك مقطع وبصوتي وتوني مسويه للكاسكو الي عندي لك ولباجي الاعضاء

والي يبي اي كلمه معينة ممكن يقولي اياها واسجلها له

ويفضل تسجلولي صوتكم وتدزون لي وانا اسويله مو نتاج وتكرار واحط معاه صوت تغريد ووو

عموما شوي وبرفعلك ملف الصوت و إنشاء الله يعجبك وتابعني اول بأول لاني بنزل غيره علي طول

[كويتي777]

المشاركة الأصلية كتبت بواسطة الهاشم

اي اخوي مقطع للكلام لاني حسب ما سمعت ان الافضل تعلم الطير الكلام قبل التصفير
مشكوور مقدما وفي انتظار ابداعاتك

اي مقطع يا خوي سواء للكلام او التصفير تبي احوله لك ملف صوتي mp3 وهو علي اليوتيوب

بس ماعليك الا انك تكتبلي اسم المقطع او تحط لي الرابط ماله

وابشر بلي يسرك

ولو تبي عليه اي اضافات صوتيه انا بالخدمه

[كويتي777]

المشاركة الأصلية كتبت بواسطة بلاك بيري

ماشاءالله ممتاز جدا موضوع جدا مميز

تسلم ومشكور علي تشجيعك الطيب

جزاك الله خير

[كويتي777]

المشاركة الأصلية كتبت بواسطة ابو محمــد

اشكرك اخوي كويتي777 على خدمة اخوانك وهذا كرم نك يالغالي

بالتوفيق.

العفو ولو ياخوي ماسويت شي

شكرا علي تشجعيك ومشاركتك الطيبة

[كويتي777]

عدنا لكم بعد رفع ملفات الصوت


طبعا جعلت كل كلمة تتكرر 4 مرات وجعلت بين كل كلمة والي بعدها تقريبا دقيقه حتي يركز الكاسكو علي كل كلمه ولا تتلخبط الامور عنده ويستوعب كلمه كلمة والي يبي اخليهم له متصلين انا بالخدمة اي شي تبونه في عالم الصوتيات انا بالخدمة


المقطع الاول لتعليم الكاسكو الكلام ( بصوتي )


http://www.mediafire.com/?oj8y7cp0hj5ry1b


المقطع الثاني من عملي ولكن مو بصوتي


http://www.mediafire.com/?s62d8ke5f7ft009



والي يبي مقاطع تصفير هم أنا حاضر وبالخدمة والي يسجلي صوته ويبعثه لي افضل وافضل وانا بدوري بضيف عليه كل الاضافات الي يبيها سواء تغريد بعد او مع الصوت او انه خلفيه للكلام ولكن بصوت واطي مع التكرار وقولي عدد مرات التكرار او اذا تبي الكلمات متلاصقه ورا بعض او متباعده وبين كل كلمة وكلمه كم دقيقه او كم ثانية انا بالخدمة يا شباب

وكل الي طالبه منكم دعائكم وشوية تشجيع علشان اتحمس شوي

وشكرااا