سؤال/في فترة تدريب الكلب

[لحن الخلود]

عندي سؤال ياجماعه
مستغربين أنا داش أسأل
حتى أنا بتعلم حالي حالكم مافيها شي
المهم حبايب سؤالي أتى من قراءتي لموضوع هنا في هذا القسم
والسؤال يقول
إذا كان الكلب تحت فترة تدريب حمايه وهجوم وهذه الفتره تكون على الاقل شهر
هل يجب علي أن لا ألعب مع الكلب كثيرا ؟
يعني اشويه بالكره أم حبل ، وشويه بقطة خام ، وشويه أداعبه .
هل هذه الامور بإفراط تأخر إستعاب الكلب أو تأثر عليه سلبيا ؟؟؟


السؤال الثاني
كيف لي أن أمسك أعصابي إذا الكلب عصاني في فترة التدريب أو عاندني ؟
يعني أنا صبور صبور وايد بس ساعات أتعب واشتط فالكلب يغلط فيحوشه فنقر كفخه على الظهر
وبعدين أتحسف وايد ولا تلاقوني أسحب الجوك جين بقوه
يعني ساعات أتنرفز وأفقد السيطره فكيف أالجم غضبي ؟
وياريت الإجابه تكون مطوله يعني كأنك تسولف معاي راح أقراها بتمعن
وشاكرلكم

وللعلم أنا أدرب الكلاب مو هاندلر
يعني ابتدي مع الكلب من الصفر حتى الهجوم الثابت والمتحرك والبحث عن الهدف بالتوجيه
والتراجع بعد امر الهجوم والثبات فجأه في أمر الجري للأمام والبلاتس والزحف وإقتفاء الاثر
والنباح وعندي خوش تركس لكلاب الزينه مثل سحب الكلينكس تشغيل الليت النباح بالعدد
وووو ...........
وعندي أسس كثيره للمدرب الناجح والوقت المناسب والملكه للتدريب
ولكن تحتاج لتنشيط طبعا بعد فتره
ومعرفة ماهو جديد
وأشكر مقدما كل من يحاول الرد على أسئلتي
وكل من قرء هذا الموضوع
ولكم جزيل الشكر والتقدير والاحترام
وفقكم الله

[بوعزوز]

شوف اخوي لحن الخلود الاجوبه :-
السؤال الاول جوابه لازم اتلعب الجلب ابأكثر من لعبه قد ما تقدر بس اسمع هالمعلومه مهمه جدا بألمانيا ايدربون الجلب الصغير يعني الpuppy لمده ثلاث دقائق اكثر شي علشان لا ايمل او تره مو تدريب لعب اهو او لمن يكبر ايكون تدريب او لمن اتسوي هالشغله انت اتخلي الجلب مستانس بالتديب او هذا المطلوب او تره اذا دربته وايد في شي رح ايضرك واااااااااااااااااااااااااااااايد او اهو الهبز الي اهو الورج رح يخترب اسأل اي مدرب او رح ايقولك بره ايسوين اشعه للكلب عند عمر 12 شهر قبل دخوله للمسبقات للتأكد من انه جيد او لا فأن وفتره التدريب(العب)للجرو ضروووووووووووووووريه جدا
جواب السؤال الثاني اخوي لحن الخلود اخوي صارتلي سالفه بالقبل او والله انا متحزف قد شعر راسي اسمع انا كنت راد من المدرسه او عندي ثلاث جلاب بوليسه من اصل الجيرمن شبرد او انا كنت موقد مته تكرم يطلعون علشان الوصاخه او عندي جلبين ايوصخون بره عدل ما فيهم شي بس الجبير لا اذاني وصخ باحوش بالقفص لانه الاقفاص موجوده داخل الحوش او تكرم ايوصخون بالحديقه او حطيت الجنطه او رحت غسلت الحوش او طلعته علشان ايوصخ او اسمع انا امعلمه ايوصخ بره بس اهو ما ادري اشفيه او رد وصخ مره ثانيه ابنفس اللحظه علطول جان ارد اغسل مكانه مره ثانيه او هم رد سواها مره ثانيه او تره كل هذا بالشمس ها او الجلاب عندي محد ايجابلهم من الخدم او اي احد بس انا يوم سواها للمره الثالثه خلااااااااااااص عصبت جان والله العظيم مسكته طكيته طق اليهد والله انه من هذا اليوم للحين ما يحبني او جلبي الحين عند واحد من الربع عزيز علي او ايطيعه او ايسويله اي شي بس انا لا كل هذا من سبت الصراخ او الضرب او والله يوم طكيته نزلت الفجر العبه اشويه او نومته بره او مشطته او هم ما نسه فلا تتهور ابدا ادري تبي الحل الحين بقولك ياه

الحل اخوي انه شوف اذا كنت امعصب او زهكان من عمرك او طاقه جبدك لا اتدرب الجلب او احسن شي لمن اتكون مرتاااااااااااااااااااااااااااااااااح مافي شغله وراك والله اذا تهورت ازياده عن اللزوم مرح تستفيد والجلب تره ما ينسه انا قصدي الطق مو الضرب الي بالتمرين في فرق التمرين حجي ثاني ضرب التمرين ضرب خفيف للتعلم فقط لاغير فدرب جلبك او انت مستانس او في معلومه تره اذا خاف جلبك من شغله بالتمرين الي قاعد ادربه فيه او عرفه تره رح يغلط فيه او رح ايكون بطيئ الحركه لأنه خايف منك فلازم هذا الاساس اتحطه بمخك لازم ايكون الجلب مستانس او انت مستانس بالتدرييييييييييييييييييييييييييييب ولا تدرب بالوقت هذا تعال بوقت ثاني انت طلعه اذا كان ما عندك مزاج بس لا تدربه بس لعبه شويه بالكره او العب وياه غميضه هههههههههه والله انا اقول حك جلبي قبل ست بعدين داون بعدن ستاي بعدين اروح اخش الكره او ارد له او اذا تحرك ارده مكانه مره ثانيه او اقوله ستاي او اقوله فايند لاني قبل كنت ادرب الجلاب بالنجليزي او يلقاها او بالطريقه اتكون استفدت بنفس الحظه الجلب لعب فيها او طبعا المديح لازم او ممكن الجلب ما يلقاها فأنت ساعده انه يلقاها او جنه اهو الي لقاها او على هالطريقه اخوي لحن الخلود بس اهم شي الاعصااااااااااااااااااااااااااب الصبر الصبر الصبر
او انشالله فدتك اخوي لحن الخلود وشكراا

[بوعزوز]

اسف شباب ادري في بدليات وايد بس اسف ما شفت الرد قبل لا احطه اعذروني

[لحن الخلود]

والله يابوعزوز رد في منتهى الروعه وفدتني وايد
رد في منتهى الجمال
وفي معلومه قلتها بالموضوع قويه جدا وكنت محتاجها حيل حيل وسوف أرتكز عليها إرتكاز كلي
من يوم ورايح إنشاء الله
وفتحت باب لسؤال ثاني يابوعزوز وهو
إذا كثرة التمارين تخلي ال dog hips تتأثر ، فشلون عيل على التمشي والجري
أنا ساعات اتمشى مع الكلب 7 كيلو يوميا واخليه يلعب معانا كره
وإنحذفله أطباق غير السباحه وبذل جهد كبير ،
بس الحمد الله ماصار فيها شي ماشاء الله
هذي النثيه وعمرها الحين قريب الثمان سنين ؟
جزاك الله خير
وطيب الله أيامك

[بوعزوز]

شوف اهو الهبز للنثيه الي عندك من زمان وقف خلاص
بس تره الجلب الحد الاقصي له 12 او 14 سنه الجيرمن شبرد هذا او شوف في سن الثمن سنين يبتدأ الدكتور يعطيك نظام حميه للجلب او طريته مفيده بس طريقه المشي كل هذا غلط انت مشها بالمعقول او لعبها بالمعقول لانه شوف الجلب مرح ايوقف لو شتسوي اهو لو يقدر ايكلمك جان كلمك بس ما يقدر او اهو يبيك انت تسيتانس ولكن الي انت قاعد اتسويه غلط لازم كل شي بالمعقول حرام صج حرام
او الهبز للكلاب الpuppy اذا مشيتهم وايد او اذا اكلتهم وايد بعد الهبز مالهم ينتهي او يخترب او ما تستفيد منه بشي بالprotection
وشكراا اخوي انشالله استفدت مني

[لحن الخلود]

إي نعم استفدت منك يابوعزوز
وماقصرت والله
بس الأنثى الي عندي ماشاء الله فيها طاقه كبيره واهي لو أخليها دقيقه بالقفص تقلب الدنيا
وانا امشيها معاي وايد عشان اضعف وما ضعفت
بس هم بروح أكشف عليها باجر إنشاء الله ، شغلتها فيني يابوعزوز
عاد أنا أحاتي
أما الكلاب الباجي لا اللعب معاهم باعتدال واخليهم مهدودين لما الجو يكون زين ولا تعبو قعدو حوالي

[بوعزوز]

الحمدالله اخوي انك استفد

[ZoO_LoVeR]

[/b] السلام عليكم اخوانى ...موضوعك وايد شيق اخوى وعلى فكرة مثل ما انت عارف تدريب الكلب او اى حيوان يكون متوقف على مبدأ الثواب والعقاب بس والثواب على قد الفعل والعقاب نفس الشى يعنى ببساطة
الصبر اهم شى لأن الكلب مثل ما انت عارف مايفهم الأمر بس اهو يربط بن الفعل ورد الفعل (فعله اهو وردت فعلك انت )
هل يجب علي أن لا ألعب مع الكلب كثيرا ؟

نعم اخوى لازم لأنك قاعد تربط علاقتك فيه واتنميها لأن الحب والألفة اللى بينك وبينه اساس التدريب فإذا حبك طاعك.
هل هذه الامور بإفراط تأخر إستعاب الكلب أو تأثر عليه سلبيا ؟؟؟

اخوى كل شى له وقته يعنى وقت اللعب لازم اتخليه على راحته يلعب مثل مايبى عشان يفرق بين وقت التدريب ووقت اللعب وعلى فكرة لازم اتخلى وقت التديب وناسه له يعنى يحس التدريب اهو اللعب اذا وصلت للمرحى هذى لإانت ملكت الكلب وتركيزه وراح يكون تدريبه وايد سهل عليك .

كيف لي أن أمسك أعصابي إذا الكلب عصاني في فترة التدريب أو عاندني ؟

اخوى الكب يعصي او يعاند فى حالتين اما انه اول مره يتدرب او انه وصل لمرجله من وقت التريب بدى يمل فأنت حاول تتفادى الشى هذا. يعنى اذا وصل للمرجله هذى وقف التدريب وخله يلعب او يسوى اللى يبيه.

[لحن الخلود]

تسلم على المعلومه التي قدمتها لي بطبق من فضه يا عزيزي
وماقصرت
ماشاء الله عليك