لازال الامل موجود ...

[A.M.N]

بسم الله الرحمن الرحيم




السلام عليكم ورحمة الله وبركاته




كما يعرف الجميع وكما هي العادة في المنازل مشهد يتكرر كل اسبوع
صراع بين ((امي)) وبيني وكما يعرف ايضاً الحوار عن القطط ويا ماما ابي بسة
والجواب نفسه يتكرر لا ما فيه <<والكلمة المعتاده >>مستحيــــــل شيلي
الفكره من راسك <<ليش صارت تربية القطط جريمة ...
واخص اليوم من بين كل الايام صار فيه مناقشة جديدة بيني وبين امي ثانية
او بالاحرى اسميها كلمه سريعة بحكم ان امي ما تتقبل الحوار ....
ربما تستغربون ليش الموضوع هنا ؟؟
لكن بس مشان اقولكم ربما يقل تواجدي في هذا القسم مو لاني ما املك قط
بل لاني احب استفيد و افيد واحب اقرا مواضيعكم المتميزة واحب بالوقت
نفسه اكتب مواضيع لكم ... لكن للاسف راحت الفرصة ..ان شاء الله تتعوض
للمعلوميه القطة كنت بحصله من قريبتي والده قطوتهم وكنت باخذ واحد هدية ..
والاكل مو مكلف ابد لانه من البيت ... بس تراب صندوق قضاء الحاجة (اكرمكم الله) الي بشتريه
والباقي علي ....لكن امي معصبة ...

اريد الدعاء لي بالبسوسة الحلوة << مطولــة
ودعائي للي ما يسمحون اهلهم ان ربي يهديهم ويسمحون
والي عندهم يا رب انهم يتهنون بقطاوتهم ويديم ربي عليهم ..
والي سمحوا اهلهم بالقطط وما حصلوا للآن ان ربي يرزقهم ....




ولا يزال الامل موجود--
وما فيه مؤمن يقنط من رحمة ربه--

[mr.no]

هذا سار معروف بين الاهالي الاغلبيهــ او يمكن الاكثر رافضين الفكرهــ بس بعد الحن فوق روسهم


وافقووو او فيه شروط وش نسوي بـــس الله يعين عن نفسي انا عادي


اهلي موافقين يعني ما فيه اي مشاكل ونشاء الله


يوافقون اهلكـــ يارب

[ms.moshkela]

و يا رب A.M.N تاخذ لها قطوة

حلوة

بيضا

عيونها خضرا

طوقها بربري

و فيه جرس

يا رب امين XD

بس FYI يمكن لازم تشوفين مواضيع تربية القطط قبل (:

[احب الهرره]

الله يعين

والله انا نفس الحاله لاكن مع ابوي امي حبيبه

فيه طريقه تخلي الام تستانس اشتري لها ورده و يمكن توافقـ

امين

[شقآوه]

سبحان الله طلعتوا زيي

حتى امي ماهي وافقه ابدا

بس ابوي موافق

وتقول شيلي الفكره من راسك


والله يعينك اخوي

[DNia_aL-M7BaH]

الله يعينج يا قلبـي
والله كنت انا نفس حالتـج ^_^
كانت الوالدة والوالد ابد مو راضيين اجيب قطيــوة للبيت
بـس يوم عيد ميلادي صديقتي جاب لي هديه قطيــوة وماقدرت اردهـآ
وامي تقبلت الوضع وصار عادي ..
بس الحين رجعت لنفس الدوامه
..
الحين ماعندي قطيــوهـ راحت اللي صديقتي جابتهـآ .. الله يرحهمـآ ماتت القطيـوهـ
والحين احاول ادور لي على قطيـوهـ صغيرة تملي علي حياتـي ^_^
وان شاء الله ربي يهدي الوالدة وتجيب لج احلى قطيـووهـ خنفشاريـة

[d7om]

انا ابوي موافق اشتري


بس امي تلعب براسه


والله العظيم امي ماتتقبل الحوار

تقول يطيح الشعر

امي معقدة
مليانة عقد ضد الحيوانات

[sisi_moon]

ودعائي للي ما يسمحون اهلهم ان ربي يهديهم ويسمحون
والي عندهم يا رب انهم يتهنون بقطاوتهم ويديم ربي عليهم ..
والي سمحوا اهلهم بالقطط وما حصلوا للآن ان ربي يرزقهم ....

آمـــــــــــــيين يارب

ولا تيأسون

ان شاءالله بيجي يوم بيوافقون

انا بالبدايه كانوا رافضين بس بعدين يوم شافوا كيف تعلقي بالقطط وكذا .. وافقــوا الحمدلله

[catooo]

السلام عليكم متقلقش كل ده كان بيحصل معايا ومعظم الاهل كده انا كنت كده لاكن انا عندي في البيت دلوقتي 3 قطط بسم الله ماشاء الله قمر وبحبهم جدا وانا دلوقتي من شويه كنت بواجه مشكله عشان كنت هجيب كلب ونفس الموضوع لكن في النهايه وافقواوالسلام عليكم

[cat man]

انا ابوي مو موافق بس كل ما كلمه يعصب فقلتله انا ما ابي اشتري بس باتكلم بعد ماقريت عن القطط ما يعصب بعدين مادامه يعصب اذا كلمته ارسله بالايميل لما يكون بالدوام بيكون معصب على الجهاز بعدين يجي ناسي لما قالي اول ما ترجع انا كنت بالسعودية معا الهين انا بالكويت من دونه