انقذوني يا اهل الخبره

[أبـو تـركـي]

السلام عليكم ورحمة الله وبركاته

اخواني الاعضاء كيف حالكم

ان شاء الله كلكم تمام

تكفون افزعو لي افيدوني دبروني

انا عندي ببغاء الاخضر ابو منقار احمر

الدره على ما اظن

جنني جنني جدا جدا

شريته فرخ يمكن ابو 5 شهور وتحت

وله عندي حول سنه وشوي او اكثر

اي احد يقرب من شبكه يجلس يحوس ويصارخ ويعض

ماعدا اختي الصغيره عمرها 8 سنوات

تجي وتمسكه وتلمسه عاد معها جدا جدا جدا

حاولت كم مره اقرب والمسه ما اقدر ابدن

قد مسكته بالقماش وقصيت اظافره بس

وبعض الاحيان اروشه وهو جوا الشبك

واليوم عاد خربتها معه

لفيته بقماش وقصصت اظافره وقصصت جنحانه

لكن شكلي شلت كثير من اظافره فيه كم واحد نقط دم

وجناحه شوي بعد نقطه

ابي كيف اروضه واخليه يكون اليف ويطلع على اليد وما ينحاش اذا شفته

وهل كثرت الحب عنده تأثر على تدريبه

يعني هل احرمه من الحب الواجد

واحط له شوي لين يبداء يصير مطيع وكذا

اتمنى تفيدوني لاني خلاص تعبت منه ماله اي فايده

بس صرف اكل عليه على الفاضي

حتى تصفيره مزززعج بصوت قوي جدا

لدرجه انه يصحيني من النوم

افيدوني بكل الطرق ابيه يكون اليف ويطلع على اليد وما يعض

ولكم مني جزيل الشكر

واسف على الااطاله

اخوكم ابو تركي

[D7my]

أخوي وربي انك عذبت الببغاء حرااااااااااااااااااااام ترى القصه تحزن *_^
شوف طريقة الترويض على اليوتيوب ترى مجربه ومفيده الطيير ماخذ منك موقف ومفجوع مررررررره علقه في مكان هادي في البيت وخله فتره بعدين ابدأ
ترى يبيلها صبر .

[أبـو تـركـي]

اخوي انا عارف ان القصه تحزن

وماسجلت وجيت اشكي لكم الا انه ضايق صدري عليه

ياخي صار له فتره في الشبك محد يجيه

والبيت هادي

لكن اول ما تقرب منه يحوس بالشبك

اتوقع صاير له موقف من يومه صغير

وجربت لفيته بالقماش وجلست احك له راسه لكن مافاد فيه

يصارخ ويعض وينحاش ولا يطلع على اليد

انا تعبت نفسيا اكثر منه

تكفون افيدوني

والا واحد ياخذه ويروضه ويدربه واعطيه حقه

[زيادوه]

ممكن لانك ماتخرجه من القفص او انك حارمه من اللعب معاه

حاول هالايام تلاعبه شوي شوي .. تخرجه من القفص تناوله اكل بيدك شوي شوي حتى يتعود عليك

[أبـو تـركـي]

اخوي زيادوه

الببغاء له فوق السنه عندي

اقولك اختي الصغيره هي اللي دايم تلعبه وتشيله وكل شي

لكن طريقه شيلها له غلط

عودته تشيله بكل يدينها زي البي بي

مو هو اللي يطلع عليها

وما يخاف منها ومرتاح لها جدا

وما بديت اسكر عليه القفص الا من شهر تقريبا

لانه له فوق الـ 8 شهور مفتوح القفص حقه

ويطلع ويدخل ويتمشى على كيفه

هو متعود على اختي جدا جدا جدا

لدرجه انه اذا فقدها يجلس يصفر لها بصوت عالي لين تجي تشيله

وينام معها في السرير هههههههههه وتغطيه وكلش

يعني الببغاء مع اختي خيالي جدا جدا جدا

لكن مع اي واحد ثاني من افراد العائله يصير شي ثاني مره

يعض ويخاف ومدري وش يجيه

مع العلم ان اصغر شخص في البيت عمره 8 سنوات اللي هي اختي

والباقين كبار اخواني وانا اكبر واحد

يعني مايتعرض للضرب او ترويع وتعذيب

محد يجيه مره مره بس يغيرون المويه ويحطون اكل وينظفون مكانه

ولا تأقلم على احد غير اختي

ابي العاده هذي تروح ويكون اليف مع اي شخص

انا صراحه شفت نفس الطير حقي مع شخص ما اعرفه

ما شاء الله عليه بس

الكلام هذا في مهرجان وتعرفون المهرجان كله عالم وصراخ وازعاج

والببغاء ما شاء الله هادي جدا جدا جدا

ويطلع على يد اي شخص غريب وهادي جدا

اي شخص يمد يده يطلع عليه عادي جدا وما يخاف من العالم اللي عنده

ما شاء الله عليه وبس

[ابوغزل]

مساء الخير اخوي

طيور الدره معروفه انها طيور مزاجيه انا اقول انه كثف تدريبك لها مثل الاول او خلي البنت الصغيره تكون مع الطير دام انه متعود عليها وانشالله تتعود على الكل

والمفروض انه الاخت صوغه تفيدك بهاذي المواضيع لانها الاستشاريه حقتنا في مجال الدره ههههههههههههه


تقبل مروري ابو غزل


حبتيييييييييييييييييييييييييييييييييييييييييييييين

[أبـو تـركـي]

مشكورين

إلى الان ما حصلت الرد اللي يطيب خاطري

[شاقي]

هلا اخوي ابو تركي

ياغالي هذي طريقتي في ترويض الدره

وان شاء الله تمشي معك

----------------------------------------------------------------
المرحله الاول -- عدم الخوف والسبه الترويش --

اول ما جبته حطيته في الغرفه اللي احنا نجلس فيه ( الاسرهـ ) وخليت القفص مفكوك واخليه يطلع براء القفص لمده ثلاث ايام للطمئنان ع نفسه ومن حوله وما ادخله القفص الا يوم يجي وقت النوم

وبعد الثلاث ايام هذي سويت طريقه حلوهـ روشته بعد ما روشته حطيته فوق الطاوله جيته بكل هداوه ومسحت على راسه ولا سوى اي حركه ومسحة ع جسمه من فوق ولا سوى ابد شي بعدين مسكت منقارهـ ومسحت ع اذنه تجاوب معي مره ولله الحمد
------------------------------------------------------------------
المرحله الثانيه -- عدم العض والخير والبركه في العسل --

طبعن العض كان يعض بشكل غير طبيعي فا سبحان الله ادور على الطريقه فيه النت قليت شرح في اليوتيوب حق اخوي الغالي ابو محمد الله يجزاه الف خير ونجحت الطريقه ميه ميه ولله الحمد

المقطع::

http://www.youtube.com/watch?v=37j7rf_mFWw

-----------------------------------------------------------------
المرحله الثالثه والاخيرهـ -- الوقوف على اليد صعبه ولكن نتحدى الصعاب والتقليل من الخوف شي مهم --

والله هذي المرحله اخذة معي تقريبا اسبوعين طبعن انا رحت لحقين المحلات البعض يفيدك والبعض يكتم سر المهنه فا كنت منقهر ليه ما يطلع ع اليد ابيه يطلع على يدي بشت الطرق قلت بجرب طريقه الطريقه هي
اني خليته ع كتفي وامشي فيه بالبيت وما اخليه ابد يلتهي غير في سمعي << ههه وربي يموت يلحس سمعي والمهم خليته تقريبا اسبوع ع هذا الموال ومنها راح الخوف قليل منه جينا لطلوع ع اليد سوينا نفس الشي مسكت رجوله وادور في البيت لمدت اسبوع والنتائج كانت اجابيه ولله الحمد

--- نصائح للجميع ---

1- اول ما تجيب الطير قص جناحه خليه يطلع برى القفص لمده انت تشوفه اقتنع
2- عدم التجويع مضر جدا جدا
3- الترويش يفيد في المسح على الراس ويزيح بعض الخوف للطير لان الطير في هذي الحاله يبغى احد يمسح على راسه

4- عدم ضرب الدره لانها تغضب بسرعه وكثيرة العصبيه
5- تبي الدره تتكلم سمعه في الصباح قران كريم
6- لا تخلي احد يروض طيرك انت روضه بنفسك منها تكسب مهنه ومنها تضمن ان طيرك سليم

[ابو فيصــل]

تدري الحين كرهتك زياده وخاصه يوم قصية ريش اجنحتها
الله يعينك
دمت بحفظ الله

[ابوغزل]

مشالله ردرك كثيرة وانشالله تلاقي الحل اخوي


تحياتي

ابو غزل

حبتيييييييييييييييييييييييييييييييييييييييييييييييييييييييييييييين